¹ Witabija ngukoa lujila lwa ng'handa yimulambu, ni buhululu bewa yishi chiumonea , ² Na bibi banunu betu bamshuhudiyubu. ³ Wa witabizya tuwiyua na alunga mugaza alojubuwa ng'handa y6a Vili, na gu bindu bimumonea ndebiutshubu wa bindu bili buhululwenu. ⁴ wawitaba Abeli gwa utulila Vili mulambu gulegela kuilila Kaini; wabibi gwa baliubu ukaa na lujila ;Vili bigubalilia mulambu gwaji, wabibi nashi gwa ufa ala , gushi mukoola . ⁵ Wa witaba Henoka gwo ubanda , ushi wa umona ufa, wala nde umonea , Vili gwa umuba ndisha: Uluebu ndashibajubu gwa usot'lwelubu na gumwitaha bimleglejya Vili. ⁶ Ila ushi witaba nde yimtumbana utaha bieleglejye; Ngubona mundu gumwe wa Vili yimuhazya gwa yitabi na jehe guli honga, honga gumhana bindu uli babamwilonnda . ⁷ vWawitaba nuhu chisha ulimnunubu na Vili mu musahu gwa ng'handa yishi yimonee ; wa bebya bigwa utundula Vili, gwa uloja bwa tu, kuushosha yende yaji na jemu ninu hukumu alunga mugaza wa bubiha , je mupata lubala lumkuzangubu wa witaba. ⁸ Wa witaba Abulahamu hagwawitaganubu gwa witaba , gwa katui na wenda undu wa mwakaa na lumu; jemkatua na wenda weshijili. ⁹ bWa witaba gwa uka ubunyene mu ye jaati ya ulajilubu, paha jaati yishi yaji, jemkaa mu yende hamonga na Isaka na Yakobu bamulia lubala hahanu naji na bulaji bubobwa. ¹⁰ Gwamulolela jaati yina misii, yili gumtaha musii na uyenga na Vili ¹¹ Wa witaba nagu SAla gwa utambula buswata bwa ukaa na mimba, umona gukuila ihindi yaji; wa bebya bigwaubalia yogwa umuha ukaa na lujila . ¹² na wabibi bibaubutua na mundu gujimu, aje gwali pana gufi, bandu bashwali pana tunguni-nguni twa witamba bunji bwabu, na paha na mshenga gwa lugalaba, gushimuweza uhaliubu. ¹³ Babooso biba ufa mu bwitabi, basho chibatambululi yeye milajibu, ila bauyimona ula na uyisembelela, na usot'lwela na bali banyene, bamwikila mu jaati. ¹⁴ Baba bamkoola ng'handa paha na yiyi bautungija buhululu na bamwike jaati yabu babanindu. ¹⁵ Na tauninga yeya jaati yi baufuma; Bauninga ubafumizina ugalusha . ¹⁶ ILa hanu bamulegelezya jaati yilegela wamehe ga witimba . Wabibi Vili nde mumona buvu utelubu Vili gwabu;' jehe gubalojela ibalu . ¹⁷ Wa witaba Abulahamu gwa uhana Isaka , umona gupimubu na Vili, naufumisha mwana gujimu , jehe gwa ulajibulu. ¹⁸ Jehe gwa uboyubu na ukilila Isaka utonda obe umugwelela . ¹⁹ Biguyua na Vili mumufulula na shingufumisha ku zimu; Je mumupata honga wa mfanu. ²⁰ Wa witaba Isaka je mutundula Esau na Yakobu nagu mu ng'handa yimuv'kaa manyuma . ²¹ hagwali haufa , je mtundula bana booso ba Yusufu , gemwabudun a utendea mushu kuahibu aji. ²² Wa witaba Yisufu, haguta habuihi mwishi gwaji, gwautela ukatua wabu bana ba Izilaeli, na ulajila miufu yaaji. ²³ Wa witaba haubutua Musa, gwa famishulu miezi yisatu na bazazi baji hagwaubutua , wa umumona na mwana gulegela ; Wala nde bayua amli ga muyui. ²⁴ Wa witaba Musa haguta mundu guzima gwa ubenga wit'ganubu mwana gwa mnghana Falao; ²⁵ Gumumona mbiose usuba hahanu na bandu ba Vili kuliku ukaa na musangu hahanu na bubiha muihindi isehe, ²⁶ Na ubalila na ukalgenyubu wa Klistu ni buuzi bwata kuliko upata Misli; Wabebigwa mulami na malipo . ²⁷ Wawitaba gwa ukatua û Misli , ushi wa ujoa buloje wa muyui; Gwalipana jehe gumona yoga gushuim'monea. ²⁸ Wawitaba gwautaha Pasaka , na umwanga muloha , wayu gumwihaga bana ba bele-bele nde balengeja boho û bana Baizilaeli. ²⁹ Wawitaba baukila hangati ya iziba ya Shamu, paha na umutenda ; Bamisli bata mubalonda bomkatushubu booso. ³⁰ WAwitaba bwasi bwea Yeliko bwauhulua , umona yingubu matufu musambu. ³¹ WAwitaba Lahabu, yu mushalati, nde ufa hala na baba babiheu; Gwa usambilija bameze ba jaati bilegele. ³² Mimi nimkoole bini honga ? Ihindi nde ifmukumbana wa usot'lwele museha Gideoni na Balaka na Samusoni na Yefuta na Daudi na Samweli na manabii; ³³ Boho wawitaba bauhulusha buyui bwa jaati, na utuha lujila , baukuza buloje, baukwata mianu ya ndobu, ³⁴ Bauzimina buswata bwa mulilu, nbaushoa na bwazi bwa mapanga bautuhubu buswata hala shichi na buswata , bibata buhela mu lugoze na ujosha bibumbu bya banyene. ³⁵ Babauzi bautambula baufa baulushubu, banji ba ulohulubu bibiha vuu wihagubu, ushi wa witaba uhiulubu, kuukuza bubui buose; ³⁶ Banji baujunubu wa ulonda na ujibila , wa ufunga na utahubu mu buloko; ³⁷ Ubajibila wa mbwehew, usesubu na misumali na uvala biseba bya mikoo na bya mbuzi; Bana uhaja , bibausuba , biba utahubu bubiha ; ³⁸ Bandu basha ustahili ukaa mu alunga mugaza, bamwinyunga -nyunga mu malungu na mungula na muitengu na mubibenga bya mu jaati. ³⁹ Na ba booso habaushuudiyuibu witabizya wabu nde bafiila milajilu; ⁴⁰ Ngubona Vili gwaututulila batu indu ya buose, na boho nde bimana wamehe bila batu.