¹ MIlangilu nguboya nani mujezegele gwa bulegela bumuvuyaga , wala nde mbulua yoyinindu ya ye ng'handa, wa milambu yi yeya yibamuifumisha chila iliu, ndeyi muwezaubalung'anya babamwibuja nani hasi . ² Hutu mbeya , milambu nde yifi muleubu ufumishubu; ngubona babamtundula batumbia lilimu, nde ba mwimana honga na bubiheu? ³ M u milambu muli uninga wa bubiha chila iliu; ⁴ Wala ndeyio wezekena muloha gwa binyi na gwa mbuzi ukatusha bubiha. ⁵ Iubona Klistu, heshwelizi mualunga , na uboya nduitebe wala milambu wala mitulu, ila gwa undungula mubili gugumu; ⁶ Ndawitaba wala milambu ya usia wala milambu yooso kuutumba bubiha . ⁷ Honga biniuboya :Lola , niuviyaga muitabu ila utewiyi huzya wami kuutaha, yimwitaba Vili. ⁸ Ulwegulu wa uboya: Milambu ya usia , Zaka na milambu na yiyi ya bubiha ndwa uyilegelezyeu, ndwa wiumboja nayeu hayimtulubu bebya uboya amli. ⁹ Biguboya honga , lola ni Vili nitahi mulegeleje.Gukatusha bubele, kuwimia bwa bubili. ¹⁰ Wa koa ulegelezya tutumbia, wa ufumishubu mubili gwa Yesu Klistu, lilimu wa loso. ¹¹ Na chila kuhani gumwimana chila tufu mutaha batundui, na utulula milambu yi yeya mala ushwali; Hishimuweza utumba bubiha . ¹² Jehe chisha utule mulambu gugumu juu ya bubiha , guli hasi uboo ulumi wa Vili, ¹³ Tangu lolwa gwa ulamina bamubihili batohubu musi mwa biahi. ¹⁴ Na wa mulambu gugumu gubakumbazya nalumu ba bautumbubu ¹⁵ Na chiuli ilumbului imutulondelela injila , na manyuma ya uboya , ¹⁶ Bubu mbulaje dunia wilagena nabu manyuma ga le tifu, bimuboya mwanana, nimutaha amli ami mu matima gabu, na muuninga wabu nimsinga; na biguuboya: ¹⁷ Bubiha bwabu na witolola wabu shimuninga hongeu. ¹⁸ Hutu , utumbia uli honga , nde uli honga mulambu gwa utulila bubiha. ¹⁹ Banduku , byebya bitu na buhala bwa ushweela ubutakati wa muloha gwa Yesu , ²⁰ Sinda bebya litohe lietusanimi, lilipaha , limukilila upasila , na imubi gwaji, ²¹ Na ukaa na kuhani gwa muyui û yende ya Vili. ²² Na twibuyi na matima ga lugila , ku ubongesha witabizya , be bituukungilabu matima tulee uninga ubiha ; Tutumbubu mibili na mema gatoa. ²³ Natuwati wa mehe ugalulua wa kuajila wetu, nde ugalulua ; Jehe gwa utulagila nde mugalulueu. ²⁴ Twilonena batu banindu wa butubanindu, na wibushena mu wilegelejyena na mulimu gulegela ; ²⁵ Wala nde nu lea ukumuninghana hahanu , bebya biyibili bandu bamu; Ila twilimjen binumumona matufu gatehabuihi. ²⁶ Hutu, utaha bubiha na makusuli manyuma ga utambula uyua walujila , ndeyimkaa honga mulambu gwa bubiheu; ²⁷ Uli ula mina wa muayuwa hukumu, na bwazi bwa mulilu buli tayali uliaha babamubenga . ²⁸ Mundu gwa ubenga amli lya Musa gwa ufa ushi bin'sonya , wa mioolo ya bandu babili au basatu. ²⁹ Mu mona bini? Nde yi mupashili usuba kuata wamehe mundu gumwatila mwana gwa Vili, na uablia muloha gwa milagilu lya utumbulubu umonabu indu ya buli, na utoha bulimi uli chiuli ya bin'sonya ? ³⁰ Tumwijili jehe gwauboya , ulipisha bandu bubiha gwami, mimi nimlipa na honga mwnana gumuhukumu baji. ³¹ Ni ng'handa ya ujoa uhulua mu magaza ga Vili guli paha . ³² Ila munji tufu libele, limwa utahubu, mu chee , mwauvulia mashinda goata ga usumua ; ³³ Na mwa ujimijubu na usala , na honga lumwauhinga na baba bautahulubu bibni. ³⁴ Na mwaula mwena binsonya baba bali bawatii, honga mwawitaba na musangu ukujubu ukuza wenu, na banu uyua na mumatima genu muli buuzi bulegela wamehe, bumuloga. ³⁵ Ali nde nutosa buhela bwenu, buna zaweabu yiata. ³⁶ Wa bibi mu namuna gwa musangu, hutu mutaha bilegeleje Vili mukuzi bo bbbbulaji. ³⁷ Ngubo na chisha ihindi isehe wamehe yogwa uviyaga gumona , na nde mulogeu. ³⁸ Ila gunalujila gwami gumwishiwa witabija ; naji jemwisi-sita , chiuli ndei na musangu wele. ³⁹ Ila batu ndetuli mu muibu mbuya baba baugalwisha na uzimina , ila tuli mu bibumbu bya baba bawitabija na ushoshabi uli byetu.