¹ Milajilu yibele yali bibye byolya lya paha kumutundula, na hubutoa bwaji , bwa halunga mugaza. ² Na yende ilojilubu, chee ibele , mwalitala liata , na mitolo bya itungiju; Ihawit'ganubu hatoa. ³ Unyuima lya pasila lya bubili , chee yende inutelubu hatoa habutoa, ina chetezu ya Olo na sanduku ya milangilu yibwilubu na OLo mitamba yooso, yali na kopo lya Olo liali yeyamana , na ahibua Haluni yaumena mauwa, na be bibahu bya milangilu, ⁵ na higulu yaji Makelubi ga butundui, yautaha buteleze u kiti ya bin'sonya , honga nde bululi hamu bwansot'lwela musahu gwa bibi bindu imu wa imu. ⁶ Be bindu hutu bilojubu bibi, Makuhani ba mshwerelamo mu yende chee ibele buose , na utaha mulimu gwa utundula ; ⁷ Ila mo mu hema lya bubili KUhani muyui gumsheela bunga bwaji, lilimu wa iliu; wala demshweela gushi na muloha lie mtula wa jehe munindu, na ya bubiha bwa ushi uyua wa bandu. ⁸ Chiuli ilumbului cho utungija nang'haha , moolo na sinda lya ushweela ubutuia nde uli buhululu, ho hnaha yende ibele ichia shuhu; ⁹ Yoga imutindi gwa ihindi chinu ya hanu; chimu ihindi milambu na zabihu yimtulubu, yishimuweza wea uninga na utiimia mundu gumutundula . ¹⁰ Wauboya ni misweela ya mutindi gwa mubili bobo, bya uliaha na byautoma na utemba binji-binji, bya uboyubu vuu ihindi ya bulong'sole butohe. ¹¹ Ila Klistu haguvyaga , jehe Kuhani muyui gwa ng'handa yilegela yimv'kaa, mu yende chiata na ilibululi wa mehe, ishi ilojer na ma boo , ngubona , ishi ya kanu alunga , ¹² Wala nde wa muloho gwa ushweela lilimu boloha butoa , kisha upata butotoe bwa nalumu. ¹³ Hutu, muloha gwa mbuzi na mapendekezii na mutugwa bana ba ng'ombe hutu bya ukubigilubu na bubiha ngutosha na utamba na mubili; ¹⁴ Na nde muloha gwa Klistu, wa ukilila chiuli ya nalumu gwa witoa nafsi yaji ukaa mulambu gushi na bubiha , yimtambula uninga wenu na bitahi bifahi, muyui utundula Vili guli paha! ¹⁵ Na chee yekalili njeze ya milangilu yitohe, hutu ufa kutechea ku ihiula bubiha bwali musi mwa milajilu yibele, baba bamwit'ganubu batambuli buloji bwa mulaminu gwa na lumu. ¹⁶ Hahali ulagila wa lubala , mpaka hamuka ufaha waji gwa ulutaha. ¹⁷ Nguboya na ulojila wa lubala una buswata hanha hatechee ufa wa mundu; Wabibi ndeli na buswata bwa meheu , hutu yogwa ulitaha guli paha. ¹⁸ Nagu bebya bibele ndelia ubambubu ushi muloheu. ¹⁹ Chila amuli hutuka ukoolubu na Musa û bandu boso, bebiboyizi misweela , gwa ubugula muloha gwa mbuzi , hahanu mema na sufu yimonga na hisopo, ukubigila itabu choinindu, na bandu booso , ²⁰ Gugu ni muloha gwa wiloge na gunwa uboyubu na Vili . ²¹ Na chea yende nauna bindu biooso bya butui nabyu gwa ubigila muloho bibyebya. ²² Mu misweela habuihi bindu biooso bya utumbubu na muloha , ushi umwqanga muloho nde uli utumbia bubiha. ²³ Yali ya lazima , bifatuli bya ng'handa yili mwitimba biakai butumbi wa go mutindi, ila ng'handa ya witimba yoyinindu yatumbii wa mulambu gulegela ukilila gugu. ²⁴ ILa Klistu nde ushweela habutua hautahubu wa maboo, imufanu gwa butoa bwa mehe; Ila gwa ushweela witimba bobo, gwa monee honga ubuhala bwa Vili higulu yetu. ²⁵ Wala ndeubona gwayi hani ushwali, pana kuhani muyui bye mushweelanga habutakatichila iliu wa muloha gushi gwaji. ²⁶ Hutu mbebiu, yahumupasha usuba mala ushwali tangu misii ya alunga mugaza ; Ila hanu mala lilimu bobo, Kuukwatia wa bihindi, kubulubu, gwa atushi bubiha wa mulambu gwajio jehe. ²⁷ Bebya bili bandu batulilubu ufa mala lilimu, na manyuma ga ufa hukumu. ²⁸ Mbi byebya na Klistu naji, kisha utulubu mulambu mala lilimu gwakatushibuliha bwa bandu bashwali; gumfuma lwa bululi, hashi bubiha , wa ba bamlolela buome.