¹ Na batu nabu, bibitanyungilubu na bandu baumona , tutasila mizigu yinema , na bo bubiha bumwitugonga lubilu, na tujoe lubilu musangu gwa uhanga na uli umbele yenu. ² Tulole Yesu , gumwitaha , na ubambisha wataba wetu; Wa musangu gutulizubu umbele yaji gugwawiumbaja na msalaba na uzalamwina , naji guli hasi uboo ulumi wa Vili. ³ Mwiyihuji wamehe jehe gwa wiumbaja na bulenge bwa tagumutindi bwa bamuta bubiha bwa mibili yabu, mbishi muyauchoka, na uhilua u matima genu. ⁴ Nde mwachitaha lugozeu na ufiila ufumisha muloho, na banu wisingena na bubiha ; ⁵ honga muvulumizya ya molim'nuzi, ga mukoola nenu pana bana; Mwanami , nduvulumija uhengulula wa mwanana, ndu faha tima hamuhema makiyubu naji; ⁶ Yoguileglijyubu na mwnanana; gum'limununa; naji gumum'jibila yogwa yitebe. ⁷ Ukilila ulim'nuna tumuweza wimana; Vili gumwitaha netu paha na bana; ni mwana nani gushimjibilangabu na shaji? ⁸ Hutu mukaa bashimlim'nubu , na gwa bandu booso , alimuli mahalamu mu bana , wala nde nuli bana bululeu. ⁹ Halamu na yiyi twana bashetu bamubili bautujibila , na twanabu; nde buose wamehe utua musi mwa shetu gwa tima na wishi? ¹⁰ Na ndujila , baba mumatufu gasehe bautulimu nuna bebi baumana biose bobanindu; Ila jehe wa faida yetu, na tushwele mu butoa bwaji. ¹¹ Chila ususua mu ihindi yaji nde imu moneaga indu ya musangu, ila ya huzuni; ila umanyuma yimuvishila babauyubila nayu buluba bwa lujila buna atalala ndinga . ¹² Wabibi mugolole maboo ga mwichoka na mangimvba galeke;la , ¹³ Mutahi magulu genu sinda ligoloe, ila bebibulu nde bizimina , mbiose bya fui. ¹⁴ Mukebe wa musangu ukaa biwehe na babndu boooso, na ulumbului , buli yo gushinabu nde mumona mwnanana; ¹⁵ Mulole wamehe mundu ndi katusha mubin'sonya bya Vili; Sina lya bululu liya umumenena na umusuva , na bandu booso boutahubu bubiha na bebe. ¹⁶ Nde hqakaa mushalati wala gushijili Vili paha na Esau gwa ugulisha buyui bwaji buloleukilila chaulya chiimu. ¹⁷ Na muyui naha luguta mukeba manyuma gwatundui, gwa ubengubu, nde umona handu haugalulua, nashi gwa ukeba ns miholo. ¹⁸ Nde mwafiila lugulu lumulengejubu, lumutemba mulilu, nde uli timba lifita , na mufilu, na tufani. ¹⁹ na uhujia wa yondo na yihi lya ng'handa; Yili baba uhuzya bauhaja na nde bahuj'nena yiyi honga. ²⁰ Na nde baweza wimana mu moolo gubauhubu, nagu nyama yo ulengeja tolugulu yimufa na mu bwehe. ²¹ Na yeya bebi ya umonea ya ujosha , nagu Musa , gwa uboya, nimona moyo na izezu! ²² Ila banu mulengeja lugulu lwa Sayuni, na jaati ya Vili guli paha , Yelusalemu ya witimba , na bibumbu bishali ma elfu bya Malaika . ²³ Mkutanu guata na kanisa ababutui babele basinji witimbi na Vili mlam'nuzi gwa bandu booso, na biuli bya bana lujila bikumbeje; ²⁴ Na Yesu njeze ya bulaji butohe , na moloho gwa ukigila , yimkoola bilegela kuila ya Abeli, ²⁵ Mulole nde mubenga jehe gumkoolanga , hutu nde beba katuibaba umubenga jehe gwawalimununa juu ya jaati , lujila wamehe nde tuli bujoebu bwa yogu mfuma witimba; ²⁶ Na jihi lyaji lia usagaja ibalu mu che ihindi; ila hamu gulaga na uboya , hanu honga guboya na lunji honga , nimtejeteja ibalu, nagu timba . ²⁷ Ila yi moolo, lilimu honga , yimutungija bugalului bwa bindu bizezwa, paha na bindu biloje , na bishi muwezezua byakai ²⁸ Ali bili tukuza bufalumi bushimuzezwa ,tukai na bin'sonya , tumutuli Vili butunduli bwe mulegelezya , hahanu na utua na lumu. ²⁹ Tuyui na Vili gwetu ni mulilu guna ulianga.