¹ Na hinga Saulo , gwautunisha na uninga wihaga bamitwana ba mwanana , bigumujila kuhani muata. ² Gwauhajya waji mukanda gwa wenda nagu û masinagogi ga Damasiki, hutu gwa mone bandu ba ibunbu ya luiogishoi tiutoha, ba balumi na babaazi, na je wnda nabu bagang migoze û Yelusalema. ³ Na hagwali mwisinda, habwihi na ufia û Damasiki, honga na honga muchee bigu ufuma higulu umumunia. ⁴ Bigu uhulua hasi , bigu uhuta jihi koola naji; Saulo , Saulo, jiahi guuzuvya? ⁵ Biguulunga: Bebe guli nani mwanana? Na mwanana boiguuboya : nyami Yesu gomusuvya . Myu mini wobe ujibila mikabi û meba. ⁶ Na jehe gwa muzeza , na uhanua, na uboya mwanana gumukeba nitahi bini? Na mwanana bigu umuswahila : Yimana , gushele mu ibalu, gumwausahwilubu bwo ubene utaha. ⁷ Na bandu bawenda hamonga naji bibakwatiya na uhanua; Bauhujya jihi, nda baumona mundu. ⁸ Sauli bigutawimana , nasi mesu gaji gaali buhululu, nda mona indu; bibaumukwata mwigaza, na wenda naji û damasiki. ⁹ Gwaushagala matufu gasatu ushi umona , ushi ulyaha na ushi utoma. ¹⁰ Na wali û Damasiki mutwana jimu zina lyagi Ananiya . Mwana biguumusawhila mu bya umona: Ananiya bigulunga : Mi yu gunu , mwanana! ¹¹ Mwanana bogumusawhila :Yimana yenda mwisanda limwitaganubu lilumi, gukebe, mu yende ya Yuda, mundu gumwitaganubu Saulo gwa Talso. ¹² Gumuhajya , na gwa umona mu bya umona mundu gwa mulumi zina lyagi Ananiya , gwa ushwela ,na umuteendela magaza , gwa kluzi umona. ¹⁴ Nagu hanu guna buswata , ufuumi na uli bayui ba makuhani, gwa kwati booso bamwitagana zina lyobe. ¹⁵ Mwanana biguumusawhila : Yenda, mene yu mundu ni indu ya mulimu inya usobola , yasamuni zina lyami u mesu ga biosamba bya bandu, û mesu ga bakasheke na u mesu ga bana ba Izilaeli; ¹⁶ Na nimwaulagizya byoso byeumbene usuba ukilila zina lyami. ¹⁷ Ananiya biguwenda , biguushwela mu yende , bigu uteendela magaza uli Saulo na wisamba: Sau;lo, mwana gwa Tutu, ,wnanana Yesu , gwaukufumina mwisanda ligwa mwivigaya , gundumizi gukuzi umona na gukai gwiyuli na chiuli ilumbului. ¹⁸ Honga na hponga , wauhulua ufuma mu mesu gaji bindu paha na magamba , na gwaukuza umona.Bigutawigoya na ubatizubu, ¹⁹ Na umanyuma ya je ulya chaulya, buswata bibuumugalushila . Saulo bigusagala matufu gasehe hamonga na mitwana yali û Damasiki . ²⁰ Na honga biguubanga usahwula musahu gulegela mu masinagogi uboya Yesu ni mwana gwa Vili. ²¹ Booso baumuhuzya baali na uhanua, na uboya : Nda yuigu gwa usuvya û Yelusalemu baba bamwitigana li zina , na nda Vili hanu gwakati bandu ubaganga migoze gwa yende nabu uli bayui ba Makuhani? ²² Na Saulo gwa ugwezya wiyula buswata na uulunganya Bayahudi bali u Damasiki , uilagizya nang'haha Yesu ni Klistu . ²³ Hanyuma ya mwalua gusehe , Bayahudi bibauta agole abu bamwihagi, ²⁴ baulama bibi butufu na yuba, bamone bwa umukatusha buome. ²⁵ I honga mungati butufu mitwana ya umubugula, na umutusha mwiubugu ukilila mwitata ya yende. ²⁶ Hagutawenda û Yelusalemu. saulo bigutauheya wilamia nabu; Booso banaji moyo, ushi wamwitaba nang'ha ndeli mutwana. ²⁷ Balnaba biguumubugula naji hamonga , wenda naji uli bangeze na ubasawhila byebya Saulo bigwamona mwnanana mwisinda , gwa koola naji na byebyaaa bigwasawhula musahu gulegela oso oso mu zina lya Yesu. ²⁸ Gwawenda na uviyaga nabu û Yelusalemu na koola bululi mu zina lya Yesu . ²⁹ Gwa koola na utambaa na Bayahudi ba kiyunani;na baba baukeba umukwatusha buome. ³⁰ Bana naji baluitabu, habatauyua byebyu bawenda naji û Kaizaliya , na umugisha ûTalso. ³¹ Kanoisa ali na atalala ndonga mu Yudeya yooso, Galilaya na Samaliya , wilongaanya na usumua mu utina wqa mwanana, na ukula mu wimanelubu na chiuli ilumbului. ³² Byebya Petelo gwa mwilola balumbului booso, gwa utua bi byebya wa ukaa û Ludya. ³³ Gwasangana mundu zina lyagi Eneyi, gwali mutulu wigala biliu muganda , na alebela. ³⁴ Petelo bigumusawhila : Eneyi, Yesu Klistu gukufula; yogoya , longosola gala lyobe. Honga na honga bigutawigoya . ³⁵ Bandu booso ba Ludya na Saloni baumumona, na bibaugaluila uli mwanana. ³⁶ Waali û Yopa hangati ya mitwana , muazi jimu zina lyagi Tabita, fundululuilu lyaji Dolika: Gwamutaha milimu yoishwali yilejela na uha bamndu milambu. ³⁷ Bibatauhulua na lufu mu go mwalua, na ufaha. Hanyuma ya umuogesha biba umutula û yende ya hogulu. ³⁸ Byebya byali Ludya habwihi na Yopa , miotwana habauyua nang'ha, Petelo guli koa, bibatautuma babalumi babili wele, umuhazya gwaviyagi û bali ushi uloga. ³⁹ Petelo biguwigoya, wenda hamonga na baba balumi. Hagutufia, bibaumulila û yende ya higulu. Baazi booso bamulufilu ba umuyunga na ulila , na umulagijya makajyu na bilamba byausambubu na Dolika .Hagwali nqabu hamonga . ⁴⁰ Petelo biogutaufumisha bandu booso haza, ufuama mangumba, na uhazya ugaluila mu isizi , bigu uboya: Tabita yigoya! Bigutaubulula mesu, na umona Petelo na ulkaa hasi. ⁴¹ Biguumuha uboo na umwigoyesha naq witigana balumbului na baazi ba mu lufilu na ubahaege guna buome. ⁴² Yeya yauyuchia na Yopa yooso , na bashwali bawitaba mwanana. ⁴³ Petyelo gwaukaa matufu gasehe u Yopa wa mundu jimu zina lyagi Simoni gumuloga biseba.