¹ Saulo gwa witaba ufa Stefano. Wali usuba ushwali wa kanisa ga matufu û Yeluzalema , booso ba kanisa bauhala gana mu zyaati ga Yudeya na Samaliya bangezi bobo bashagala. ² Ba balumi ban luitabu bibatauzia Stefano, na umutela malilu gaata. ³ Saulo umutamba gwagi, gwa mwisumbusha kanisa ; Ushweela mu byende, ufumisha baazi na balumi, ubatasa mu yende ya mbete. ⁴ Bahalaganaq mitamba yoso, bamwisaula musahu guk gwa moolo. ⁵ Filipo bigutautwa ku ibalu ya Samaliya mwisaula moolo gwaKlistu. ⁶ Bibumbu byooso byauta maushu uhujya bya mwikoola Filipo, habatauhjya na umona biezegele bigwauta. ⁷ Umona banabiuli bibiha byaukatua, na miuli yishwali, mwitaha mbundu yiata, bashwali ba na tulebela na bibula ba ushoa. ⁸ Wali musangu guata mu chie ibalu. ⁹ Haluebu mu chiea ibalu hali mundu gwqa witaganubu Simoni, gwa mwiyitigana mundu guata gwa ubusha gwauta bu ng'hanga na uhanuasha bandu booso ba mu Samaliya. ¹⁰ Bandu booso , ubambila gwa mulenge vuuhu ugwa muyui baumuhujya songo tenda , na uboya : Yugu m'buswata bwa Vili , bumwitaganubu buata. ¹¹ Baumuhujya songo tenda byebya bigwabahanusha mutufu gashwali na milimu yagi ya mashende. ¹² Habawitaba uli Filipo gwa sahwila musahu gulegela gwa ibalu ya Vili na zina lya Yesu Klistu, baazi na balumi bibaubatizubu . ¹³ Simoni jehemuninu bigutawitaba, na hanyum,a ya ubatizubu, nda wileena na Filipo, na gwa umona na uhanua biezwegele na biziga biata byatekea. ¹⁴ Bangeze, bali û Yeluzalema , habaubuzya nag'ha Samaliya yitambula moolo gwaq Vili, bibautuma Petelo na Yuani. ¹⁵ Hataufia û Basamaliya, baubahajila, batambuli chiuli ilumbului. ¹⁶ Byebya jimu gwabu ndaali gutuilibu na chiuli ilumbului ; Baubatizubu bobo mu zina lya mwaana Yesu. ¹⁷ Petelo na Yuani bibu'ubatendela magaza na bibautambula chiuli ilumbului. ¹⁸ Hatamona Simoni chiuli ilumbului kihanubu ku utendeela magaza ba bangeze, boigubaha falanga , ¹⁹ Na uboya :Mumbehe na mimi bubu buswata , ku uboya yo gooso gwa mutendela magaza gwatambuli chiuli ilumbului. ²⁰ Petelo bigu umunga :Falanga yobe yazimini hamonga nobe, byebya byo yitebe nang'ha abugu a Vili amukizi a umuguluu gwa falanga! ²¹ Ndu nafuba nagu mugabu mu kiindu , byebya umona tima lyobe ndalili bululi û mesu ga Vili. ²² Galulua ububiha bobe, guhaji mwanana gukuzi bin'sonya u bubiha bua tima lyobe, yokaa yimukoshea; ²³ Niukumona gunaili bululu mwitima na guli mu migoze ya bubiha. ²⁴ Simoni biguulunga: Banu baninu mumbizili uli mwanana , nda binviila nagu imu byebya binukoele. ²⁵ Hanyuma ya uta bushuula bwa moolo gwa mwanana, na hanyuma ya gu sahwila , Petelo na Yuani biba ugalusha û Yelusalema, mwisahula musahu gulejela mu zyaati gashwali ga Basamaliya . ²⁶ Malaika gwa mwanana bigukoola na Filipo na umusahila : Yigoya yenda mutamba gwa ulwasi musinda limutuila û Yelusalema û Gaza , lili buonono. ²⁷ Bita wigoya na wenda.Lola mundu jimu gwa Etiopiya , gufuhi , muloha gwa handaki , kasheke muazi gwa Etiopiya na mulami gwa bindu byagi byooso gwa uva u Yelusalema kuwitutugwila, ²⁸ Haugalusha ,gwali hasi mu mutu ku gwajoi , mwitoholola ng'hanga biloto Isaya. ²⁹ Chiuli bi kiumusahwila Filipo;Gobolea gogwa mutuku. ³⁰ Filipo biguwenda lubilu, na uhujya mu Etiopiya mwitoholola ng;hanga biloto Isaya .Bigu usahwila : Gumwihujya byo mwitoholola? ³¹ Bigulunga: Niyaukosha bini, hutu nda hali gunmundulia? Na guwitigana Filipo gwabandi na ukaa nagi hamonga . ³² Itu'ulu ya busingi igwa mwitoholola yaali chinu: Gwa wendubu naji paha na mukoo kuwa wihaga;Paha na mwanana gwa mukoo amama û mesu ga bamukale mavazi, ndabulula kuanu. ³³ Mwitusha waji , alu'lyaji lya katushubu na lubutu luagi gu mwalusahula ni nani? Byebya buome bwaji bwa katushubu halunga mugaza. ³⁴ Yogwa gufuhi bigukoola na Filip[o : Nikuhajya yugu ng'hanga bilpoto gumukoola bili kamushu gwa nani? Bimwelele jemunindu bionga jigi mundu? ³⁵ Filipo , bigubulula kuanu na ubambila chiea itu'ulu, umuhwila musahu gulegela gwa Yesu. ³⁶ Byebya bibamwiyenda , biba usangana mema na yogwa gufuhi biguuboya : Mema i gaga , njiayi imunzia shibatizubu? ³⁷ Filipo biguuboya : Hutu be witaba na tima lyobe lyoso yiyaukoshea gufuhi bigulunga: Mwitaba Yesu Klistu ni mwana gwa Vili. ³⁸ Biguwimajya mutukali , Filipo na gufuhi bibautua booso babili mu mema , na Filipo bigu ubatiza gufuhi. ³⁹ Habata ufuma mu mema , chiuli ya mwanana na bikiusamuna Filipo na yogwa gufuhi nda umumona honga.Biguwenda na musangu gushwali, ⁴⁰ Filipo bigumenea ku azote na biguwenda vuuh ûKaizalia , mwisahula musahu gulegela mu ibalu byoso mugwamwikila.