¹ Kohani gwa muyui biguboya: Bibi bindu bibili? ² Stefano bigulunga: Bana ba tuitu na banu bashetu ,muhuji !Vili gwa butumbi gwa monea uli shetu Abulahamu , ha gwali û Mezopotamia , û luebu lwa je ukaa û Halani, na bigu umusahwila ; ³ Katua mu ibalu yobe na muyende ya sh'obe na gwende mu ibalu ini yakulagizya. ⁴ Bigukatua mu ibalu ya Bakaldayo , na ukaa û Halani.Hanyuma wa ufa wa shagi, Vili bigu umujijya mu chea ibulu igwakaa; ⁵ Nda umuha fuba lyooso, nagu wautulila magulu nda umua, biguumulajila umuha buuzi, na ulubutu lwagi hanyuma yagi, nagu byebya bigu shali na mwanana. ⁶ Vili bigu umusahwila , lubutu lwaji lu mwakaa mu ibalu ya bunhene, na bamwagalula bahia na ubasuvya biliu mgama yina . ⁷ Chea ibalu ibamwakaa buhia nyaami gumwauchikalila , bi boya Vili. Hanyuma yeya , bamwaufuma na bamwaundela mulimu mu kinu ibalu. ⁸ Honga Vili bigumuha, Abulahamu ilonje ya yazi , Abulahamu ha guta utanda Isaka , bigumutayazi tufu lwa muganda , Isaka bigutanda Yakobo umushefya mu yazi, na Yakobo bashetu umi na babili. ⁹ Bashetu, umumwena Yozefu muagu, bibaumugulisha na wendubu nagi û Misli . ¹⁰ Vili gwaali hamonga naji, na umwihula na usuba waji woso; Bigutaumuha lwani na umuha ukuza bin'sonya û mesu ga Falao kasheke gwa Misli, gwa umutuula ukaa muyui gwa nagu yende yaji yooso. ¹¹ Bi uta ufia Zala yiata mu ibalu yoso ya Mislio, na mu ibalu yooso ya Kanana. Usuba waali kuata , na bashetu ndabakuuza indu ya ulya. ¹² Yakobo biguhujya nang'ha chaulya ili û Misli, biguta utuma bashetu lugumbu lumu. ¹³ Na lugumbu lwa bubili Yozefu biguwiyuena na bana bashagi , na Falao biguyua nang'haha Yozefu gwali gwa ilongo ayi. ¹⁴ Yozefu bigutautuma giwa ukeba shagi Yakobo na ndundu yagi yooso, yali lubali lwa bnandu maumi musambu na batanu. ¹⁵ Yakobo bigutautua û Misli , i we filili, nagu bashetu ; Biba usamunubu û Shekemu, Bibauziubu mu mugumbu gwa ugulubu na Abulahamu, û mugulu gwa falanga , uli bana gwa ba Hamunoni shagi na Shekemu. ¹⁷ Lugumbu halutauguboa lwa ukumbana bya ulanga Vili uli Abulahamu, bandu batauvulila na ugwelela û Misli, ¹⁸ Ufiila umponea gwa njinji mukelenge gushauyua Yozefu. ¹⁹ Yo kasheke boguubatela bubiha , usuvya bashetu , na ulaga nang'ha batasi baana bamubutua nda bakaa na buome. ²⁰ Hago munee, habutui Musa , gwaali gulegela û mesu ga Vili, gwqa ulishibu miezi yisayu mu yende ya shagi.; ²¹ Hagutali mubuloge bwa ufaa, mwana gwa muazi gwa Falao bigu umutambula , na umulela bu mwanagi. ²² Musa bigu tawigishubu luani looso lwa Bamisli, gwaali na buswata mu molo na mu milimu. ²³ Gwali na biliu maumu gana, habyaumufiila mu tima lyaji wa lola bana ba shagi, bana ba Izilaeli . ²⁴ Bigutaumona jimu mujyibilibu,biguta umutela unyuma bigu umwisombela , na ujibila Mumisli. ²⁵ Gwa uninga nang'ha bana ba shagi bamuyua , Vili ngwitabi ubahiula ukilila uboo wagi ; Nda bauyuebwu. ²⁶ Tufu lwa ulonda , hamonea babuli bamulwabo banindu, biguhujya bakai na atalala ndongo : Banu balumi, biguboya, mu;li bana ba tutu ; Njiayi mute mwisu vyane jimu na jingi? ²⁷ Yogwa gwa mwisuvya mwinagi bigu umuleguluaa, na uboya : Ni nani gutukuze gukai kasheke na muyenga hangati yetu? ²⁸ Ndo mukeba unyihaga, byebya bigwa wihaga mu Misli buenda? ²⁹ Û gu moolo, Musa bigutaujyoa na wenda wauka mu ibali ya Mediani na utanda bana babili. ³⁰ Hanyuma ya biliu maumi gane, malaika bigu umufumina mu buonon bwa lugulu bwa Sinayi, mu ndimi ya mulilu ya ufuma mu ahumbahumba. ³¹ Musa hagumona yeya, biguhanua na chea imonee, haguta uguboa gwazingitili,ywihi lya mwanana bili uhajya: ³² Nili Vili gwa bash'obe, Vili gwa Abulahamu,Vili gwa Isaka na Yakobo , na Musa bigutahuzeza, nda ulola honga. ³³ Mwanana bigu umusahwila : Katusha bihasa byobe û bya hi byobe, hanu hoyimene ni mavu ga lumbului. ³⁴ Niumona usuba wa bandu bami bali û Misli , niuhujya ulila wabu na niutua nibahalilu. Hanu yenda niyakutuma û Misli. ³⁵ Yu Musa bigubautuna na uboya : Ni nani gukutulizi gu kai kasheke na muyenga? jehe igwautumubu na Vili paha na kasheke paha na muhiuzi, ukwati lijubu na malaika gwaufumina mu ahumbahumba. ³⁶ Jehe igwa ubafumisha û Misli , utaha biezegele na bizinga mu ibalu ya Misli , uziba lya mema gamonga na mu buonono , mu biliu maumi gana . ³⁷ Yu Musa igwa koola na bana ba Izilaeli : Vili gumwaunubushila hangati yenu ng'hanga biloto jimu paha na mimi. ³⁸ I yogwa , mu chea ibumbu yali mu buonono , gwali hqmonga nsa malaika gwa koola naji û lugulu lwa Sinayi na hamonga na bashetu, gwa utambula miolo yina buome, gwatuheyu. ³⁹ Bashetu ndabawitaba umunemea , baumuhulugajya , baugalula matima gabu weleela uli Misli, ⁴⁰ Na koola na Haluni : Tulogela bavili basumui u luebu lwetu , byebya Musa gwatukatusha mu ibalu ya Misli, nda tuoijili indu ayi chiumufiila . ⁴¹ Na mu ga matufu , baulonga mwanana gwa ng'ombe bauhana mulambu uli muisi, na ukaa na musangu gwa mulimu gwa magaza gabo. ⁴² Vili bugugalua ubalea muwitutugwila bibumbu byqa higulu , byebya byausingubu mu itabu ya ba ng'hanga biloto : Mwaumbeha nyama na gana mu buonono , banu yende ya Izilaeli? ⁴³ Mwausamuna ihili ya motloki na angundigiundi a viligwenu lefani, yeya miisi yisoye yi mwalonga na uyinemea kuwitutugwila ! Bibyebya nimwaunutasa ula ukila Babiloni, ⁴⁴ Bashetu baali na hema bushuula mu buonono , byebya byaulaga yogwa gwa koola na Musa gwa bilonje wilondena na ulagijilu igwaumona, ⁴⁵ Na bashetu , baulitambula na ulishezwa mumaluzi ga Yoshua, mu ibalu yali mu magaza bandu ba ubingubu na Vili û mesu gabu na lyausha gala vuuh matufu ga Daudi. ⁴⁶ Daudi bigu kahuza bin'sonya u mesu ga Vili, na bigutauhajya uvubila Vili gwa Yakobo yende; ⁴⁷ Na ni Sulemani gwa umulogela yende. ⁴⁸ Yogwa guli higulu nda tukaa mu yende ivubizubu na gaza lya mundu, byebya bikoele ng'hanga biloto : ⁴⁹ Gulu ni njee yami, na mavu ni yatililu yami. Numuvubila yende ayi? Bimuboya mwanana , hamimi uhumunuina hamukaa uni? ⁵⁰ Nda gaza lyami lilogizi bibi bindu byoso? ⁵¹ Bandu ba oseliumuni, ba na matima ma ushugashi gashee! Numuhiganya matufu gooso chiuli ilumbului. Byebya biali bashenu, i binuli nagu banu. ⁵² Nani hangati ya bang'hanga biloto , gusha ushuvyubu na bashenu? Bawihaga babaa baushuula uvugaya wa mundu guna sambu ,gu nywa uhana , na mwamwihaga. ⁵³ Banu bautambula misii wilondena na miezi ya ba malaika na nda mwaugulama!.. ⁵⁴ Habtaumujya ye ya miolo, biba uzingwa mu matima gabo na wisumamenu hamushu gwaji. ⁵⁵ Stefano , wiyululu na chiuli ilumbului , ubazya mesu higulu , umona butumbi bwa Vili na Yesu shuhu kuu boo ulumi wa Vili. ⁵⁶ Bigu uboya: Nimiona gulu litele libului , na mwana gwa mundu guli shivu uboo ulumi wa Vili. ⁵⁷ Bibauta mbundu yiata , na uzi maushu, biba umukumbuila, ⁵⁸ Na umubula haza ya ibalu na umwasa ma bwehe bashuula biba utuula bailamba byabu umagulu ga mwana gwa mulumi zina lyagi Saulo. ⁵⁹ Na umujibila Stefano mabwehe, gwa uhajya na uboya : Yesu mwanana , tambula chiuli yami. ⁶⁰ Honga biguta ufuma mangumba hasi , biguwiyabilizya biata : Mwanana , na ngubabali'ila bubu bubiha . Na hanyuma ya yeya miolo, bigukata tima.