¹ Petelo na Yuane baubamnda hamonga û hekalu, Ineh ya uhazya ; yali boineh itema bya yuba . ² Wali mundu guili ibulu ya ubutua, ya musamunubu na ukitula matufu gooso ku ibelu ya hekalu ya mwitagananubu Ilejela, gwa hazyi falanga (musaono) uli bamusweela mu hekalu . ³ Yuu mundu , umona Petelo na Yuani kusweela bigubahazya falanga. ⁴ Petelo na Yuane, bibamusimia mesu , na uboya:Tulole. ⁵ I bigubalolaa, ukigila ukuza oindu ubale. ⁶ Petelo biguboya: Sina falanga , sina Olo, ya nau nimukuha: Muzina lya Yesu Klistu gwa Nazaleti yimana na gusumui. ⁷ Na umukwata na uboo ulumi bigu'umwimajya.Honga honga , byaahi byagi na mangumba gaji bibikuza buswata . ⁸ Biguwimana lubilu na usumua. Na usheela nabu hamonga mu hekalu, mwisumua , witumbaga, na uluvya Vili ⁹ Bandu booso baumumona mwisumua na uluvya Vili. ¹⁰ Bauyua ni yogwa mukaa hasi ku ibelu Ilejela ya hekalu muhajya falanga ; Bawiyulubu na uhanua ushwaali wilondena na bebya bimufumili. ¹¹ Bebya bigushawileena na Petelo na Yuane. Bandu booso bauhanua na ujoela û bali mu ibanda imwitaganubu ya Sulemani. ¹² Petelo , umona byebyuu, bigusawila chea ibumbu: Balumio ba Islaeli njiayi mumuhanua bini? Njiayi mutula mesu utuli batu , bi nang'ha wa biswata bwetu na butoa bwetu bituusumusha yu mundu? ¹³ Vili gwa Abulahamu , Gwa Isaka na gwa Yakobu, Vili gwa ba shetu , gwa utumbisha mwanagi Yesu , gunwauhana na utuna û mesu ga Pilatu , gwa witaba gwa muleelee. ¹⁴ Mwautuna Chiuli ilumbului na gwasambu, mwahajya banuleele mazi . ¹⁵ Mweawihajya mukelenge gwa buome , Vili gwa iumusangula û bafu;Batu tuli bashuula. ¹⁶ Na luitabu mu zina lyagi yu mundu gukuza bushoe bunumumona na numwijili;Ni luitabu uli zina limuha y8u mundu bushoe, û mesu genu booso. ¹⁷ Nahanu, bana ba tutu , nijili mwauta bibi ushi uyua ,na bayui benu. ¹⁸ Vili gwakumbajya byebya bigwa usaula uluebu ukilila kui hanu wa bang'hanga biloto, nang'ha Klistu gwagi gwaukumbana usuba. ¹⁹ Mugalului , bubiha bwenu bwakatushubu, kuuboyA kuuboya lugumbu lwa uhumunua lwafii ufuma uli mwanana , ²⁰ na gwatumi yogwa gugwausobola , Yesu Klistu, ²¹ Gulu likumbene utambula ufiila lugumbu lwa usumia bindu byooso , bya koola Vili haala ukililka kuanu wa bang'hanga biloto bagi balumbului. ²² Musa gwaboya : Mwanana Vili gwenu gumwaunwiimina jimu hangati yenu ng'hanga biloto byali mimi, nu muhujya û byoso bye mwaunusahwila, ²³ na yo gooso gushi mwauhujya yu ng'hanga biloto gu mwauzimijubu hangati ya isumbu ya bandu. ²⁴ Bang'hanga biloto booso bakoola, ubangila Samueli , bausahula ga matufu. ²⁵ Muli bana ba bang'hanga biloto na iloje ya kwata Vili na bashenu, na uboya uli Abulahamu : Bandu booso ba alunga mugaza bamwa ufiyigulubu ukilila bana bobe . ²⁶ Yabambili wole bebe , Vili gwa wimajya mwaqnagi na umutuma, gwakufiyiguli gwa yalulilu bandu balee bubiha.