¹ Lutufu lwa Pantekoste , baali booso hamonga , mu yende jimu ga higulu. ² Honga na honga bikufuma ituzi higulu paha na imbugulu, bikiwiyula yende yooso ibaali. ³ Ndimi , yifa ndeene na ndimi ya mililu , ya ubafumina yigabului yimu na yingi na ubakalila û mishu gabo jimu na jimu. ⁴ Booso bibawiyulubu na chiuli ilumbului na ubanga koola yingi ndimi, wilondena na byebya baha bya chiuli koola. ⁵ Mu lolwa lutufu mwali Bayaudi mu Yeluzalema , bandu bitilizi mu bya Vili, babisamba byoso musi mwa timba. ⁶ Ulolwa lutoyo lwaufila , bibauhanua mundu jimu na jimu gwa ubazya koola mululimi lwagi. ⁷ Baali mu uhanua kuata na wishotojena bamu na bangi lolaa, ba bandu bamukoola booso nda Bagalilaya? ⁸ Mbini tuibahuzya mu ndimi yetu mundu gooso , mu ndimi yetu ya ubutua? ⁹ Bapalte, Bamedi, Baelami na bppsp ba û Mezopotamia na YUdea , Kapadokiya , Ponye na Aziya , ¹⁰ Filigiya , Panfiliya , Misli isamba ya Libiya habwihi na Kilene na baba bavili û Loma , Bayaudi na bagalului, ¹¹ Baklete na bahalulubu, mbini tubahuzya mu ndimi yetu biswehe bua Vili? ¹² Baali booso mu uhanua , ushu uyua mwa uninga na wishotezyena bamu na bangi dfundulilwilubu lwa yiyi nji ayi? ¹³ Bangi bausehelela , na uboya : Baukola maluvu gatohe. ¹⁴ Petelo biguwimana hangati ya ba umi na jimu, ubaja yihi, na koala nabu; Bandu ba Bayaudi , na banu booso bali hanu mu Yelusalema , muyui binu , mutegu uchui û miolo yemi. ¹⁵ Ba bandu nda ba na buolo, byebya binumuninga , biki bihindi bisatu bya tufu. ¹⁶ Gwilondena na byebya byakoola ng'hanga biloto Yoeli ¹⁷ Matufu ga umanyuma Vili gwaboya , ni mwatasa chiuli yami uli bandu booso; ba na benu babalumi na ba bamisumbusumbu yenu bamwakaa na bya umona , na banunu benu bqamwakaa na biloto. ¹⁸ Bahia bami babalumi na babaazi, nimwabatasila chiuli yami; na bamwauta bung'hanga biloto. ¹⁹ Ni mwalagiza biswehe higulu na biezegele halunga mugaza, muloha , mulilu na huyalyamwishi; ²⁰ Yuba limwagalua mufitu , na mwezi ugalua muloha , uluebu lwa ufia tufu lya mwanana ; Lelya tufu lyata na lya butumbi. ²¹ Mundu gooso gu mwawitagana zina lya mwanana gumwashoa ²² Balumi ba Isilaeli , muhujyi yiyi miolo, Yesu gwa Nazaleti, yu mundu gwa telubu mushuula wqa Vili û mesu genu , ukilila biezegele , biswehe na bizistizya bigwauta nagi hangati yenu, byebya bimwigili banu baninu; ²³ Yu mundu gwa uhanubu, wilondena na maluzi gakwatubu na wilondena na uyua wa Vili , mwausumbulusha , mwa umuhagisha u magaza ga bandu babia. ²⁴ Vili la migoze ya lufu , nda yakumbana gwa tendemenubu na ufa. ²⁵ Daudi gwa koola hamushu gwagi: Nya umona matufu gooso mwanana û luebu lwami , gwali ku uboo wami ulumi , uboya hashi mimi usagala . ²⁶ Bi bebya bya tima lyami lina musangu na mubili gwa guyahumunua hamonga na ukigila . ²⁷ Umona ndu mwaqleela buome bwami ukaisi na ndu mwa gwa nyangi(wonea)! ²⁸ Guumbeha juyua masinda ga buome . Gumwauniyuzja na musangu uluebu lobe . ²⁹ Bana ba tutu , munyitabi nimusahili buhululu , hamushu gwa shetu Daudi , gwa ufa gwa uziubu na mugumbu gwagi guli hangati yetu na gu lelu. ³⁰ Bebya bigwali ng'hanga biloto na gwa yua na Vili gwaumulagila na utiha ku ukaisha jimu gwa bana bagi mu ihumbulu, ³¹ Ukoa usamgua wa Klistu , u gwa bambizya na usahula , na uboya nda mwalelebu ukaisi na mubili gushi na unyanga. ³³ Utundulubu na uboo ulumi wa Vili, gwatambula wa tata chiuli ilimbului igwa umulagila , u batasila bebya bimwa umona na umulama. ³⁴ Daudi nda banda higulu . jemu ninu gwa boya : Mwanana gwawisamba wa mwanana gwami: Koa ku uboo wami ulumi. ³⁵ Vuu hamwitaha meze yobe musi mwa magulu gobe. ³⁶ Yende yoso ya Izilaeli ya yuki lujila na Vili gutele mwanana Klistu yu Yesu gu mwawihaga. ³⁷ Hanyuma ya uhujya ya miolo, bibakwatia na busungu witama , bibawihuzya Petelo na bangi ba ngeze ; Bana ba tutu , tutahi bini? ³⁸ Petelo bigubalunga:Mugal'lui mundu gooso gwa batizubu mu zina lya Yesu Klistu , mukuuzi binin'sonya ububiha buenu na mumutambula abugu â chiuli ilumbului. ³⁹ Bubu balagimbwenu , na wa ba booso bali ula na wa baswali bamwawitaganubu na mwanana gwetu Vili. ⁴⁰ Na wamiolo yishwali gwa ubahazya na uboya mwishoee na lunu lubutu lubiha. ⁴¹ Na ba witaba moolo , gwaji babatizubu; na lolwa lutufu, lubali lwa mitwana lwa uvilila . Ufia bandu ba balumi elufu yisatu . ⁴² Ba uzigilala muwigisha wa bangeze , na muusambana wa baana ba tutu, ushoga mukati na mu uhazya. ⁴³ Moyo bigukwata mundu gooso , na wa tekea biswehe bisha li na biezegele ukilila bangeze. ⁴⁴ Babooso bawitaba bali hamonga na bana bindu byoso hamonga. ⁴⁵ Baugulisha malimi gabu na bindu byabu na wigabena be buuzi uli mundu gooso.Wilondena na kyeea yali mundunahwu muma. ⁴⁶ Baali mutufu gooso hamonga mu hekalu , baushoga mukati mu byende na ulya bya ulya byabu na musangu na tima litoa, ⁴⁷ Na uluvia Vili na witabubu na bandu booso . Na mwanana gwa uvulizya tufu wa tuifu û kanisa baba bakuza bushoe.