¹ Haali Petelo na YUani mwikoola na bandu , makuhani bibakyauva, muyui gwa hekalu na basadukayo; ² Baubihila byebya bibamwiyigisha bandu , na usahula nang'ha Yesu gwasangua û bafu. ³ Bibaubkwata na ubatasa mu buloko, vuu ha luela; Umona yikya ala yogolo. ⁴ I hole hau, bashwali baba bauhujya go mooolo bamwitaba , na lubali lwa balumi bawitaba lwaufiila elufu yitanu. ⁵ Haluela bayui ba bandu , banunu na tulani , ⁶ baukumung'hana û Yeluzalema hamonga na Anna, muyui gwa makuhani Kayafa, na Yuani na alegizandle , na ba booso bali ba ibumbu ya bayui ba makuhani. ⁷ Bibautuula Petelo na Yuani hangati yabu na ubihajya : Gwa buswata ayi na wa zina lya nani muuta byebyuu? ⁸ Petelo wiyulubu na chiuli ilumbului , bigubasawila : Banu bayui bandu na banunu b Izilaeli , ⁹ Byebya bimwituhujya yalelu hamubili gwa bulejela buufiila ji mundu gwa lufu, tusauli gufua bini , ¹⁰ Muyui banu booso, na bandu booso ba Izilaeli bayui! Ngukilila zina lya Yesu Klistu gwa Naaleti , gunwa7usvia , Vili gwa umusangula û bafu, ukilila lye zina yu mundu guli shuu hangati yenu. ¹¹ Yesu ni bwehee lyatasabu na banu bamulonga byende, na litele bwehe liata lya mwitungi. ¹² Nda uli bushoe ulingi zina , nda uli musi mwa gulu lingi zina lihanizubu hangati ya bandu liumbene utuha buishoe. ¹³ Hataumona busisimati bwa Petelo na Yuani , bibatauhanua na ubayua mbandu bashi na luigishu.Bibaubayua babili hamonga na Yesu . ¹⁴ Byebya bibaumona habuihi nabu yo mundu gwafulubu nda banamugi mwa ulunga. ¹⁵ Biba ubakatusha mu chea ibumbu ya bayui ba gunda , na uta agole hangati yabu; ¹⁶ na uboya:Tutahi bini na baba bandu?Menee jiyukii nabandu booso ba Yeluzalema , kiezegele itekieh na baba bandu, nda tukumbene ukituna. ¹⁷ Kuuboya chii indu nda ihala gana hangati ya bandu , tubakushi na ubakwandila , nda bakoola na mundu gooso honga u lye zina . ¹⁸ Bibaubitagana , na ubakusha wa meehe ndabakoola na wigisha mu zina lya Yesu. ¹⁹ Petelo na Yowane bibaubalunga , musobole banu baninu biumbene û mesu ga Vili , iununemee banu na ulea unemea Vili? ²⁰ Ndatumbene ulea koola byebya butwaumona na uhujya . ²¹ Biba uangijya honga na ubateela , nda bamona mungi mwauta nabu na ubasuvya , wilondena na bandu , byebya booso bauluvya Vili wilondena na bitechiee. ²² Umona yo mundu gwaufulubu û kiezegele gwaali na biliu maumi gana nahigulu. ²³ Hanyuma ya uleulubu, bawenda uli binabu baluitabu, na usaula byooso bya bateerla bayui bamakuhani na banunu. ²⁴ Habataubajya , biba ubajiola Vili ywihi booso hamonga na uboya : Mwanana bebe gwa ulonga gulu , alunga mugaza , maqziba na byoso bili hinga. ²⁵ Bebe gwakoola ukilila chiuli ilumbului , ukilila kuanu gwa shetu , muhioa gobe Daudi:Njiayi bisamba bya bandu biwibunga naizi na ukwata agole abiya hangati ya bandu? ²⁶ Bakelenge ba alunga mugaza bawigoya , na miloha ,bawilanga ulwa na mwanana gobe gufiinyi mang'hani. ²⁷ Ulwa na mwanobe Yesu ,gugwa fiinya mang'hani Helode na Pontio Pilatu bawihanga mukinu ibalu hamonga na bisamba bya bandu na hamonga na ibumbu ya Izilaeli. ²⁸ Batahi byooso byebya gaza lyobe na agole obe bigwa ukwata hamwaluu. ²⁹ I hanu , be mwanana lola ukwa gijya wabu, na gubahi bahia bobe buswata bwa usahula moolo gobe na busisismati, ³⁰ Golola gaza lyobe , watechee bushoe, biezegele na bisweeh ukilila zina lya mwanobe Yesu Klistu. ³¹ Habatauhajya , habaukuimungana bisahasagalaa; booso bioba wiyulubu na chiuli ilumbului , biba tausahula moolo gwa Vili na busisismati. ³² Mbuji bwa baba bamwitaba bali booso na tima lilimu na agole amu . Nda wali mundu gwa boya bindu bye na bwu bwagi jemuninu, booso nana busamba anyi hangati yabu. ³³ Mitwana bauta na buswata buata na bushuula bwa usangua wa mwanana Yesui. Na bin'sonya biata biali hamonga nabu booso. ³⁴ Nda hali mundu zina gwabula indu: Booso bana malimi na byende ba ubigulisha na uviyaga na mugulu gooso gubo ugulisha, ³⁵ Na ugutula û magulu ga mitwana ; na ugabila mundu gooso chea igwanau muma. ³⁶ Yozefu gwamwitaganubu na mitwana Balnaba , funduluili yaji : Mwana gwa onja tima , muklawi mundu gwa Kiplo, ³⁷ Gwa ulisha buli,mi bwagi na uva na falanga , na uyitula û magulu ga mitwana.