¹ Mbiose witisha , nashi nde buose , ila nimufiila bumonee na bubulululi bwa Mwanana. ² Nijili mundu jimu mu Klistu,mubilieu umi na bina, hutu gwali mu mubili sijili; (hutu gwa luhaza ya mubili sijili ; Vili gwijili) yugu mundu gwa utundulubu higulu vuu witimba lya busatu. ³ Mimi ni mwijili yo mundu , (hutu gwali mui mubili sijili; hutu gwali haza ya mubili sijili; Vili gwijili); ⁴ Gwa utundulubu wiotimba , na biguuhuja miolo yishi mu watia, yishi na luhusa lwa mundu ukoola . ⁵ Kuilila mundu paha na yugu nimwitisha , ila ukilila mimi munindu shimwitisheu , ila nimwitishila buzaifu bwami. ⁶ Hutu nifumukeba witisha shif'mukaa ikaleu, na nim'koola lujila ; Ila nimwizia , mundu nde mbalia ukoola byebya bye mumonanga ao bye bye muhazya wami. ⁷ Na kuuboya na shitisha ukila chipimu, wa bunje bwa bubulubi bubu nihelubu meba mu mubili , njeze ya shetani gwa njibili; Bisha niya witisha ukila chipimu. ⁸ Ukilila che iondu nuhajili mwanana ngumbu yisatu na yangatui. ⁹ Naji biguboya bin'sonya byami mbishali; Iuboya buswata bwami bimukaaga hashi indu ali nimwitishila buzaifu bwami wa musangu gushali, na buswata bwa Klistu bwakai higulu yami. ¹⁰ Wa bibi nilegelejya ukaa na buzaifu, utuubu bulomo, na malilu, ng'handa , buloje higulu ya Klistu. lolwa lwali na buzaifu ihana buswata . ¹¹ Shali ihala : Banu muungaza. Nguboya naha nifi gwa utishubu na banu, na mimi shali manyuma ga bioso uli mitwana yali yiata û biooso, nashi shili indu. ¹² Bizingitiji bya mitwana bitechee hangati yenu na lujila looso, wa izingitiji na mianyu na biswee. ¹³ Nyindu ayi inushi uzili paha na tunisa tunji na mimi shaubafitilila ? Munvili bin'sonya wa bubu bubiha . ¹⁴ Mumone ilwa busatu lwa mimi ufia wenu, ila shimukufitilileu, na shimukwela bindu wenu, nimwinukeba banu; nde uli mwana gumutulanga bukumu wa bashagi, ila bashabu wa bana. ¹⁵ Mimi wa musangu gushwali nimhalagazya , honga banu mbalagazya unulegelezya wamehe, nikatuubu na ulegelejyubu. ¹⁶ Yakai !bibi mimi shaufitilieu; Ila wa ukaagulimwii nia umupata wa builili ! ¹⁷ Mbini! Mundu gooso guni uya utuma wenu, uli mundu niuwanuhazya bindu? ¹⁸ Nia ulimunu na Tito, binituma yo mundu hahanu naji.Mbini!Tito gwa umuhajya indu?Nde twausumua na chiuli chichea na mayugagaeu? ¹⁹ Mumuninga naha tumulea? Umonga Vili tumukoola hahanu na Klistu , na yiyi yooso ,bana banduku, niumulozya banu. ²⁰ Ni na moyo mbishi niya umutona ushi byebya mukeba umutona , ni ya umonea wenu bishi byebya binumakeba ; ni ya uta hanu bufitina , na mwagu , bubiha , lugoze , wisingiziena , lumusi-musi na witisha na lutayu, ²¹ mimi ni yaumunungu nikila bashali banabubiha bwa ala, nde batubu butchafu, na maoze, na wabudu misii ubauta.