¹ Hanu mwaha wibuguzye nami mubuhala bwami busehe! ndu jila , mwibugujene nami. ² ninumwena muagu, muagu gwa Vili; nia unukwezya na mulumi gujimu, kuunuhana uli Klistu mwazi gutohe. ³ Chila ihindi nimonea paha na yo nyoa gwa ulimba Eva wa builili, nina moyo na mumumuninga muyaubufia, muyaulea bulegela bwa Klistu. ⁴ Wa yogumuviyaga usot'lwela Yesu inji gushiyilubu na batu au banutambula inji chiuli itushau muigisha , ao gunji musahu gutusha utusat'lwela , mu mutaha buose uvumiliana naji. ⁵ Nguboya nag'ha , mimi shoutugana na indu uli ba bamitwana babelebele, ⁶ Hutu mimi niligushigili ukoola , sdhili manyuma yogwa guyuizi na twautukungizya unuli mu mita,mba yooso ubindu biooso. ⁷ Ao niautaha bubiha byebya binia utua ili bamu mubandi, honga ninusat'lwela ng'handa ya Vili gushi namalipo. ⁸ Nikujili makanisa ganyi buuzi bwabu, na ubugula wa mikuuza umutumikina banu. ⁹ Mimi hanili hamonga nenu shautendea mundu unema. Na baba banduku bafumini û Makedoniya baumbeha paha na binia mukeba , mimi mu ng'handa yooso niawilomboja. ¹⁰ Paha na lujila lwa Klistu luli munda mwami; Nde uli mundu ga munzia kuanu kuwitisha kunu, û mupaka na Akaiya . ¹¹ Njiayi abeh?....Ngumuboya paha shimulegele banu?... Vili nyambi gwijili! ¹² Ila limutaha nimutaha , ulibaba bamukeba handu nde bakuza handu ; Nguboya nang'ha yeye yibamwitishilonga bamonee paha na batu. ¹³ Bandu paha baba ni mitwana ya mulimi, bamwiluluba bakai mitwana ya Klistu. ¹⁴ Wala nde yaukwanya, kiyunguyungu jemunindu gwa yigal'luilukea malaika gwa muchee. ¹⁵ Nde ng'handa yiata mitwana yagi na yuwiyugululula bakai bwina mitwana ya lugila , na uvuyila wabu umukaa paha na mulimu gwabu. ¹⁶ Nikoola honga , mundu gooso nde lola bwina ihala; hutu mbebiu mu ndambuli paha na ihala , na mimi naji, nimwitisha hasehe. ¹⁷ Ya mwikoola , nde bulaji bwa mwanana, ila paha na ihala ; honga paha na agologolo. ¹⁸ Ngu boya nang'ha bashali bamwitisha mutindi gwa mubili, mimi naji nimwitisha. ¹⁹ BAnu wabebimuna mbati, mumwibuguijena na bashijili wa musangu. ²⁰ Na mundu hutu gutoha mbuhia , jeunumina, je umumwenena, je wibazya , je unujibila û buhala. ²¹ Nikoola bwina guna buvu paha na batu ndetu na buswata. Ila mundu guna buihela bwa yooso, mimi naji nina buhela. ²² Boho mu Baebulaniya ? na mimi naji boho mu Baisilaeli? Na mimi naji boho mu bana ba Abulahamu? Na mimi naji. ²³ Boho mitwana ya Klistu? -Nikoola agologolo mimi iukwila boho , mu usuba ugwezya wa mehe; mu ukwatubu ugwezya wamehe ; Maujibilubu ukila chijimu, mu ufaha mala ushali. ²⁴ Û Bayaudi mala atanu nijibilubu mala maumi gana ukosa lilimu. ²⁵ mala asatu nijibilubu wa tuhibu; mala lilimu na mabwehe ; mala asatu utanyiinubu bwatu, nikaizi butufu bumu na yuba limu musi mwa mema ; ²⁶ Muusumua ushali ; buloje bwa mijeze buloje bwa bazivi ; buloje bwa bibumbu byami; buloje bwa mu buonono buloje bwa ngalaba; buloje bwa banduku ba malimi. ²⁷ Mu uusula na usubulua; ulola sia ushwali; mu zala na muma gwa mema; mubifungu mala ushwali; mu masia na njela. ²⁸ Ushi wa koola yingi ng'handa ya haza , uli yimu ngwela kila lutufu, iusuvu na tunisa tooso. ²⁹ Nina guna lufu, lwashi nalu mimi? Ni nani gwa kambulubu, uniosha û bihilubu mimi? ³⁰ Yo ukeba witisha , nimwitishila ng'hanada ya buzaifu bwami. ³¹ Vili, tutu gwa Mwanana Yesu guli mu butua nalumu, nijili naha shimukoola malimi!... ³² Ku û Damasiki muyui gwa Aleta gwa mulinda zyaati ya Damasiki , ukeba ungwata mimi; ³³ Na biniutushubu muchikapu, mwidilisha lya lukuta , binishoa na magaza gabu.