¹ Lunu ilujendu lwa busatu lwa mimi ufia wenu kuilila bashuula babili au basatu chila moolo gumkaa buhululu. ² Nina ubamba unusot'lwela ; na byebya binia uvuyaga lwa bubili; Mbibebuya nashiliu, ninusot'lwela buhululu boba bautaha bubiha ala, na banji booso, na hamuvuyaga, shimubafila bin'sonyaeu, Nguboya nammumukeba jemunindu Klistu , gumukoola munda mwami, wala jehe ndezaifu wenu, ila guna buwezo munda mwenu. ⁴ Ila gwa usuvubu mu buzaifu, na gumwishi wa buswata bwa Vili. Batu tuli bazaifu ukilila jehe, ila tuli paha hahanu naji wa buswata bwa Vili buli wenu. ⁵ Mwipimi banu banindu na hutu mulimuwitabija; mwilingilie banu banindu ao muiyuizi banu bandueu ; na Yesu Klistu guli munda mwenu? Ushi na mubengizabu. ⁶ Ila nimukujila na mumuyua na batu ndetubengizubeu. ⁷ Batu tumuhajya Vili , nde nutaha bubiha booso; ndeuboya na batu tumonee bitebubu, ila banu mutahi yeya yili paha , nashi batu tuli paha na babengizubu. ⁸ Wala nde tumtaha ng'handa yooso unyuma ya lujila , ila ukilila lujila. ⁹ Tuna musangu, nashi tuli , banu muna buhela honga tuhaja yiyi nayu, ya techee wenu. ¹⁰ Nguboya nang'ha , nisingizi yiyi hashiliu, na hutu nifionga , shikaa na bwazi paha na buswata bwa helubu na mwanana wa uojya wa nde wa ubundula . ¹¹ Kuuvuyila , banduku, mukai mu musangu, mufarijiki , muningi mumumu, mukai mu amani na Vili gwa wilegelejyena na amani gumkaa hahanu nenu. ¹² Mwisemene wa buhala butoa. ¹³ Batoa baso (Balumbului) bamunusema ¹⁴ Bin'sonya bya mwanana Yesu Klistu, na wilegjena wa Vili na busambi bwa chiuli ilumbului bwa kai nenu booso.