¹ Wali mimi, bana ba tutu, hani ya usuva wenu, nda wali wa buswata bwa uyua koola na luanoi lwami ku unusahwila bushuula bwa Vili. ² Shali na nyini ya uyua indu yoso unuli, ushi bobo Yesu Klistu, na Yesu Klistu gwa usuvyubu. ³ Mimi munindu nyali hamonga nenu na bugogovi, muyo na uzeza, ⁴ Na moolo gwami na ushuula wami nda wiminina gwa ula wa uhotoanya wa luani, wali ku ulagijya chiuli na buswata. ⁵ Lwitabu lwenu lwa imani, ushi halwegulu ya luani lwa bandu lwa yimani halwegulu ya buswata bwa Vili. ⁶ Ihanu , ni luani lutumusahalu hangati ya bali osooso, luani lushi lwa lunu luichii, lushi miholo ya lunu luichii, bamugal'lua ukaa bashi indu; ⁷ Tumusahula luani lwa Vili, mu bebya bifusami bya usobola Vili ala û butumbi bwetu, ⁸ Luani lushi luyuchii na kasheche na gujimu gwa lunu lwichii, hutu bahi bouluyua , nda bahi usumvulujya mwanana gwa butumbi. ⁹ Bebya biyili yisingi ni bindu yisu nda lya ubimona, ushu nda lya ubihujya ushwela mu tioma lya mundu , bindu bya ulonga Vili uli baba banaji ivulu. ¹⁰ Vili gwa utubulwilebyu ukilila chiuli.Mene chiuli umukeba byoso, na gu bili munda mwa Vili. ¹¹ Ni nani hangati ya bandu gwijili bili munda mwa mundu, ushi chiuli ya mundu ili munda mwaji? Bibebya , mundu ndijili bili munda mwa Vili , ushi chiuli ya Vili. ¹² Batu, nda twa utambula chiuli ya alunga mugaza , twa utambula chiuli ifumizi wa Vili b, Imutuyuisha bindu bituhele Vili û bin'sonya byaji. ¹³ Na tumukoola, nda muli û bebya bimwigishibu na chiuli na usahala myoolo ya chiuli mu moolo gwa chiuli. ¹⁴ Mundunyama nda mutambula biundu bya chiuli ya Vili , werle jehe ngagologolo na buhala , nda kumbene ubiyua , bimuachia mu chiuli. ¹⁵ Mundu gwa chiuli gumuyua byoso na nda muyuubu na mundu. ¹⁶ Ni nani gwijili mbati ya Vili gwamululii? Batu, tu na mbati ya Klistu.