¹ Paulo, gwitegenubu gwa kaa njezi ya Ysu Klistu mu ulegelejya wa Vili, na mwanana gwa tutu Sostene, ² Uli kanisa â Vili ali ku8 Kolinto, na ba boso batoshelebu mu Yesu Klistu, bitegenubu bakai bandu ba bizila ; Na ba boso ba mwitagana zina ga Yesu Klistu mitamba yoso, mwanana gwabu na gwetu. ³ Binin'sonya na utalala ndonga byakai nenu ukilila Vili shetu na mwanana Yesu Klistu! ⁴ Nimufekusha Vili ushwali hamushu gwenu wa binin'sonya bya Vili binuhelubu mu Yesu Klistu. ⁵ Wele jehe muli biyuli na bungu ya boso buli û muolo na mbati. ⁶ Bushuula bwa Klistu mbusismati hangati yenu, ⁷ Wa bebya nda mubuliziabugu na guanu, mu ulamina wenu umonea wa mwanana Yesu Klistu. ⁸ Gumwazigalajya na kuuvuyila , mukai bashi na ukaal'genyubu lutufu lwa mwanana Yesu Klistu. ⁹ Vili gulibululi, jehe gumwit'gene ku asambaana na mwanaji, Yesu Klistu mwanana gwetu. ¹⁰ Niunuhajya, bana ba tutu, uli zina lya mwanana gwetu Yesu Klistu, mukai lulimi lulumu, na nda ukai ugabulua hangati yenu, mukai balunga ani osooso mu cdhiuli chiinu na ulegelejya ku umu. ¹¹ Wa binu bana ba tutu, ni uhujya uli wibulena hangati yenu , ukilila ba mu yende ya kolwe. ¹² Niuboya binu jimu unuli gumukoola : Mimi nili gwa Paulo ! Na mimi gwa Apolo! Na mimi gwa Kefa ! Na mimi gwa Klistu ! ¹³ Klistu guugabula? Paulo gwa usumbulushubu ha mushu gwenu, byonga mwaubatizubu mu zina lya Paulo? ¹⁴ Niufekusha Vili binishaubatiza mundu na gujimu unuli , sesese Klispo na Gayu , ¹⁵ Mbisha mundu guya uboya gwaubatizubu mu zina lyami. ¹⁶ Nya ubatiza honga ba mu yende ya Stefano; Hanyuma ya baba shijili nang'ha , jinji mundu . ¹⁷ Klistu nda unduma ubatiza, gwa unduma usahula musahu gulegela , ushi wa luani lwa koola , ku uboya muti gwa sambu gwa Klistu nda gumonea gushi indu. ¹⁸ Usahulubu wa muti gwa sambu mbulalea uli bazimini , utuli batu ba na bushoe m'buswata bwa Vili. ¹⁹ Njisinji: Ni mwauonagaluani lwa bana luani, nimwauzimijyiza mbati ya ba na mbati. ²⁰ Guna luani guli uni? Kalani guli uni? Mundu gwa mbaa gwa lunu lwichii guli uni? Vili nda tele luani lwa alunga mugaza ukaa buhala. ²¹ Alunga mugaza na luani lwaji nda uyua Vili muluani ;lwa Vili, Vili gwa ulegelejya obola bana lwitabu ukilila usahula wa musahu gulegela ²² Bayahudi bamuhajya biezegele na Bayunani bamukeba luanio: ²³ Batu tumsahula Klistu gwa usuvyubu ; ilendwishi ule Bayuda na agologolo uli bandu ba bisamba , ²⁴ M'buswata bwa Vili na luani lwa Vili uli baba bitegenubu bokaa Bayuda na gu Bayunani. ²⁵ Mene agologolo a Vili ali na luani luata ukila bandu, na bugogovi bwa Vili bwa Vili buna buswata ukila bandu. ²⁶ Bana ba tutu , muyui binu, hangati yenu banu bawitaganubun nda uli bashali bana luani wilondena na mubili, nda uli bashwali bana ba na buswata bwa, nda uli miholo yishwalio. ²⁷ Vili gwa usobolola bihala bya alunga mugaza umonesha buvu bana buswata. ²⁸ Vili gwa usobolola bilealea bya alunga mugaza na bebya bishi na inemu , bishilieu ubigalulua bi hami indu. ²⁹ Ku uboya mubili na gugumu nda gukaa na wiluvya û mesu ga Vili. ³⁰ Na wele jehe banu bali mu Yesu Klistu, yogwa , umutamba gwa Vili , gwa utubu ukaa luani lwetu , sambu na utoshubu na bishoe. ³¹ Bebya biyoili yisiji,yogwa gumwiluvya gwayiluvi munda mwa mwanana.