¹ Wami mimi nde paah na bandu batim bakoele nabu, nikoele nenu paah na bandu ba mubili paah na bana ba Klistu. ² Namuha mazuwa shanuha ilibwa yuminieu, nde mwaweza witabeuh na gu hanu nde muyaweza witabeuh nimumona muchi gwa mubili. ³ Hangati yenu lugambu na lubande muli ba mubili na numwisumena paah na bandueh. ⁴ Hutu jimu gu koola. Nili Paulo jinchi jebonang'haah nili Apolo ndemuli bandueh. ⁵ Apolo enani na Paolo nenani? Boso bandu bamulimu ukilila mutindi gunwatambula ng'handa byebya mwanana bigwa haha kila mundu mu mutindi gwaji. ⁶ Nakuna , Apolo bigutasila mema , Vilinyambi bigukuzjia. ⁷ Nde yoga gumukuna imwini gwa indu na yoga gutasili mema , Vilinyambi igumukuzjia . ⁸ Yoga gumukuna na yoga gumutasila mema boso bali mumumu na kili mundu gumutambula bu'usi bwaji ukilila mulimu gwaji. ⁹ Tuli bandu ba mulimu ba Vilinyambi . Muli bulimi bwa Vili nyambi. Yende ya Vilinyambi. ¹⁰ Ulondana inemu ya Vilinyambi inakuza na bamba ulonga paah na muvubaï, jinji biguvuba higulu kila mundu gwalola byebya bigwalonga . ¹¹ Nde uli mundu gulibulongelelu honga gusha bobulonge bwalongubu na Klistu. ¹² Hutu mundu gulonga na mwalongubu ala na olo na falanga na mabwehe na miti ma sone, kila mulimu gwa kila mundu gumutumikishibu. ¹³ Imwayukii nini lolwa lutufu hai mwawigoya mu mulilu na mulilu gumwayua mulimu gwa kila mundu . ¹⁴ Go mulimu gwalongubu na mundu jimu hutu nde guhuluii yo mundu gumu haubu abugu. ¹⁵ Hutu mulimu gwa jimu guziga gumuzimijya abugu aji.Je gumwafululubu ukilila mulilu. ¹⁶ Nde mwijili nang'haa muli yende ya Vilinyambi na chiuli ya Vilinyambi ili munda mwenu. ¹⁷ Hutu mundu gutanya yende ya Vilinyambi , Vilinyambi gumutanya najeh. Yende ya Vili nde ina buchafu ipaah na banu. ¹⁸ Mundu ndiyonaga jemu ninu: Hangati yenu gumwimbalila ukaa na lugila , gwakaï bebe na agologolo kukaa mundu guli lula. ¹⁹ Bulalumu bwa ka Alunga-Mugaza ni agologolo ubuhala bwa Vili yasingubu gumulugula bandu bali bululi mu malimi gabu. ²⁰ Honga mwanana gwijili luami lwa bandu bali bululi gwijili nang'haa nde banaitulu euh. ²¹ Mundu nasi jimu ndataha luani lwaji munda mwa bandu byoso bili wenu. ²² Nasi Paoloni Sefa na gu Alunga-Mugaza nasi ni buome , nasi ni lufu nasi mbindu bimumonea nasi mbindu bichimwivugaya . ²³ Byoso bili wenu na banu muli wa Klistu, na Klistu guli munda mwa Vilinyambi.