¹ Mukebe ivulu, mukaï na muma gwa ukuza tubugui ga choiuli, ila wamehe û yeya ya ubusha, ² WA bibi, yo gumwisamba wa lulimi nde mwikisamba wa bandueu , ila wa Vili, nda uli mundu gumwihujzeu, yili mu chiuli ye mwikisamba bifami. ³ Yogumwita bung'hangabiloto , wa bibi , gumwikisamba û bandu , ulojya,ubayuijya, ubalanga, ⁴ Yogu mwikisamba wa lulimi gumwikilojya jemuninu, yo gumkoola bung;hanga biloto gumwilojya kanisa. ⁵ Ninamuna banu boso mwisambi wa lulimi , ila wamehe lulimi lwa bung'hangabiloto, ya gumwingwat'gala ukila yogumwikisamba wa taha bung'hanga biloto lulimi boyela nang'ha umanyuma gwa gal'luli lulimi, kanisa apati ulojzubu. ⁶ Wabibi, bandugu, indu ayi inimukuzi wali, hutu niuvisamba nenu wa lulimi , na hutu sisambizi nenu wa buhululu, ao ku uyua , ao wisamba mu bung'hanga biloto, wigisha? ⁷ Hutu bebindu bishi na buome bimufumisha yihi, pana filimbi ao milundu , hutu nde bimufumisha yihi mamama, tum'yua na ayi be bim'gombubu mu filimbi na milundu? ⁸ Na hutu mumbanda gufumisha yihi lichi muhijya , ninani guya wilongosola ulugozi? ⁹ Bibebya bqanu , hutu wa lulimi nda muhanizi ng'handa yimuhujya , yimuyukia bini ye yokoele? gumwikisamba mu mbumbu. ¹⁰ Uli na lulimi mamama munu mwa Alunga Mugaza nda uli lulimi nashi ndulumulushi na uhujzia; ¹¹ Hutu sijili fundulwilu galo lulimi nil'pana ihala wa yogwa gumwikisamba , na yo gumwikisamba gumkaa pana ihala wali mimi . ¹² Bibebya na banu , munamuna gwa tusugu twa chiuli, yakai ya ulojza kanisa amumwikeba ukaï akosoloï . ¹³ Iwamana, yo gumwikisamba wa lulimi gumwihajya gwa kuzi abugu â ugal'lula lulimi. ¹⁴ Hutu ni mwoihajya wa lulimi , chiuli yami ili mu nhajza, mbati yami ndayikuzili indu . ¹⁵ Nguta bini ? nimuhajya mu chiuli, honga nihajya ni mwimba mu chiuli, bebya ni mwimba mumbatili ; ni mwimba mu chiuli bibebya mwimba mu mbatileu, ¹⁶ Honga hutu gugalusha inema mu chiuli , haayi yo gulimu mulongo gwa bandu gwayitabi Amina!Waufekusha yobe, ju nde gili che yo koele? ¹⁷ Gugalusha , bya buose momeme , ila ginji ndalojzeu. ¹⁸ Ni galusha ni fekusha Vili wa bebya byamkoola wa lulimi ukila banu boso; ¹⁹ Mu kanisa , nileg'lejze nisambi ng'handa yitanu wa mbati yami, wa muma gwa ujuijya banji, ushi wisamba ng'handa elufu umi wa lulimi . ²⁰ Bana ba tutu , nda mukabana musiwa alu; Ila wa bubiha , mukaï bana, na ulola paha û alu, mukaï bandu balombejye. ²¹ Nji singi milangilu: Ngwa bandu balunji lulimi na û milomo ya banyeni wamisamba na babandu, nda bamumbujzeu nashi m'bebya , bim'boya Mwanana . ²² Wilondena ndimi ni izingitisha, nde wa bababitebe vileu, ila wa babashimwitebe ; Musahu gwa ng'hanga biloto , ni izingitisha nde wa babashi na lwitaba, ila wa babitebe Vili. ²³ Hutu, mu ibumbu ya kanisa oso , boso bawisamba wa ndimi , na hutu muli bandu bashi na lwitaba , nda bam'boya nang'ha mu agologoleu? ²⁴ Hutu boso bamwisahila musahu gwa bung'hanga biloto , na hutu mul'bamu bashi na lwitaba ao mundu gwa bandu , hutu banu muubojza , mumukalila banu boso, ²⁵ Bifami bwa tima lyaji bibululubu, wa mutindi,gwa hului ubuhala , gwa fukumini Vili na gumusahula û bandu nang'ha Vili wa lugila gili hangati yenu. ²⁶ Mumutaha bini, bana ba tutu? Lolwa lunum'kumng'hana, bamu wa banji hangati yenu bana nyimbi , milangilu , misahu, ndimi, ugal'lula ndimi , byoso byatekee ju ya ulojza . ²⁷ Hutu uli gu mikisamba , kila jimu mu musulugu lwaji, na jimu gwa ugal'lula lulimi. ²⁸ Hutu ndauli gwa ugal'lulam lulimi, gwa kai wehe mu kanisa, gwa yisambi wa jemuninu na wa Vili . ²⁹ Wa bang'hanga biloto, babili ao basatu bayisambi, na babanji bayijyong'tole. ³⁰ Na yo ginji guli hasi guna musau, yo gwa mbele gwakaï wehe. ³¹ Ju mukumbene banu boso usahula biloto mwikilondena, wabibi boso bakaï basahili na boso bakaï balagijzubu. ³² Biuli bya ng'hanga biloto bikumbene witusha uli ba ng'hanga biloto ; ³³ Ju Vili gwa vûti ila gwa atalala -ndonga , pana mu makanisa ga ilug'lui, ³⁴ Wabibi babaazi bakaï wa mehe mu ibumbu , ju nde bahelubu wisambeu ; ila bapashili witusha , wilondena na bebim'boya milangilu. ³⁵ Hutu bana muma gwa uyua indu imu ba yihujzi balumi babu uyunde yili buvu wa gwa mwa zi wisamba mukanisa . ³⁶ Ngwenu banu bobo? ³⁷ Hutu mundu jem'ninga nang'ha je ni ng'hanga biloto ao guna chiuli, gwa yui nang'ha yiya nimisingila na milangilu ya Mwanana . ³⁸ Hutu mundu gum'yibenga , gwa benge . ³⁹ Iwabibi, bana ba tutu mukaï na muma gwa abuigu a ng'hanga biloto, na nde yibengizubu wisamba mu lulimi. ⁴⁰ Yoso ya tekee bya buose na mubululu.