¹ Nibasahila honga, bana ba tutu, musaqhugulegela guna misahila , gogu mwatambula , munda mwa gu mwa butama , ² Na ju yaji munabushoe, hutu muguwata bebya binamisahila ; hutu nde bebyu, mwitebe mu malimi. ³ v Na migisha tangu uluebu, pana bebya bina yitambula , nang'ha ya Klistu gwa faha û bubiha bwetu , wilondena na bisingi; ⁴ Gwaziubu na ufuma ubafu tufu lya busatu, wilondena na bisingi; ⁵ Gwa monea wa Kefa , na wa ba umi na babili. ⁶ Umanyuma , gwa fumina ukila mia y'itanu ualulumu, na batutu hahanu, bashwali babu ba cha paha , na bamu bacha fahahi. ⁷ Honga , gwa fumina Yakobo na bangenze boso. ⁸ Umanyuma ga boso , gwa umvumina na mimi, pana mwana gishi gubonje; ⁹ ju niki gwa mulenge wa banjeze, sikumbene wit'ganubu njeze , ju na suva kanisa â Vili . ¹⁰ Wa binisonya bya Vili nili pana byali, na binisonya byaji wali mimi nde ya buleu; Ula na hanha, nataha mulimu ukila boso , nde mimi honga na honga , ila binisonya bya Vili bî nami. Wabibi , nashi gwakaï mimi, nashi bakaï boho, mulole bebi tumwisahula , na bebya bimwa witaba. ¹² Hutu,tumwisaqhula nang'ha Klistu gwa sangua û bafu, wa ayi banu hangati yenu bamwiboya nang'ha nda uli usangua wa bafu? ¹³ Na hutu nda uli usangua wa bafu , Klistu malimi ndasanguieu. ¹⁴ Na hutu Klistu nda sanguie misahu yetu nja buli, na luitaba lwetu nda mulimi. ¹⁵ Yimu monea bi bebya pana bituli bashu'ula ba malimi ûmesu ga Vili , ju twa taha bushu'ula bushi bwa Vili gwa fumisha Klistu û bafu , na kuunda musanguili, hutu bafu basangwii . ¹⁶ Hutu bâ ufa nde basanguii Klistu malili nda sanguieu. ¹⁷ Na hutu Klistu nda sangui ,luitaba lwenu ni bali, muchi honga mu bibiha, ¹⁸ Bibebya ba bâfaha mu Klistu mbazimina . ¹⁹ Hutu mu buome bobo butum'kugila wa Klistu, tuli basubi mu bandu boso ²⁰ Wabibi , Klistu gwa sangua û bafu, inde gwa uluebu û ba bâfa. ²¹ Wabibi ufa wa uva na mundu jimu ûmuva usangua û bafu. ²² Na hutu bafaha wa Adamu, wa bi bebya boso bamaka na buome wa Klistu, ²³ Mundu goso û mulongo gwaji mulambu gwa luebu na ba bâli wa Klistu, hauva waji. ²⁴ Wabibi gumagalusha kusi ila ,lolwa lwemagalysha ibalu uli Vili na Shetu ,kisha uhalbisha umwenubu woso , buyui boso na buswata boso . ²⁵ Guumbene ukumbana vuu gwatahi ba meze boso musi mwa byahi. ²⁶ Meze ya unyuma ya yoso ni ûfa ²⁷ Vili jem'ninu, gwa taha byoso musi mwa biahi byaji, ila lolwe muboya byoso byautubu musi mwaji, yimumonea nang'ha yogwa bitaha musi bindu byoso werle jehe . ²⁸ Hutu bindu byoso byautulubu musi mwaji , wabibi mwana jem'ninu gumwitusha miusi mwa yogwa tusha bindu byoso musi ju Vili gwa kaï yoso na yoso. ²⁹ Hutu nsde bebyu , bam'taha bini ba bâ mubatizubu ju ya bafu? Hutu bafu nde ba na usangwa , wa ayi ubatizubu lubatizu lwa bafu? ³⁰ Na batu, niayi tuli kila ihindi mu buloje? ³¹ Matufu goso nili mu buloje bwaq ufa , nili shu'ula , bana ba tutu , wa buluvi bunungbu ju yami ju yayi ng'handa gwa Yesu Klistu Mwanana gwetu . ³² Hutu gwilondena na umona bandu na lwaha wa nyama koa ku Efesu, abugu ayi ân viili? Hutu bafu nda basngwii û bafu tulihali na tutome, buenda tumu faha. ³³ Nda mwilimba : Ibumbu ibiha imuswabanya bulegela . ³⁴ Mwigalushi banu baninu, bê biyiumbene, nda mutaha bubuha ; Ju banu ndabajili Vili, ni muyisamba wa buvu bwenu. ³⁵ Banu bamuboya : Bafu bamusangwa binin bamufuma na mubili ayi? ³⁶ Bihala ! Chee yomukuna nde ina buome honga , utu nde ifili. ³⁷ Na chee yo mukuna , nde mubili gumubutua; ni musee gohongo, musee gwa isaa; ao musee gwa bunjibuluba; ³⁸ KIsha Vili gum'guha mubili wilondena na uleg'lejya waji,na kila musee gumu guhambili gu umbenenayu. ³⁹ Mubili goso nda guli mumumeu ; gumu ni mubili gwa bandu , gunji gwa nyama , gunji tonde ,gunji gwa samaki . ⁴⁰ Uli bebya mubili gwa higulu na mubili gwa hasi; Ila gunji ni ihindi ya mubili gwa higulu , gunji gogwa mubili gwa Alunga-Mugaza . ⁴¹ Gunji guna muchee gwa Yuba , gunji muchee gwa mwezi na gunji muchee gwa anguninguni; Anguninguni twihishene muchee . ⁴² Ibi bebya bili usangwa gwa bafu .Mubili gukunubu gunyangi, na gumusanguwa gushi gunyangi; ⁴³ Gwa kunubu mu bavu , gumusangwa na butumbu; gwa kunubu g8 bunji gumsanguwa na buswata ; ⁴⁴ Gwa kunubu mubili gwa nyama , gumusanguwa mubili gwa chiuli , hutu mubili gwa nyama uli bi bebya mubili gwa chiuli. ⁴⁵ Iwamona yisingizibu : mundu gwa luebu Adamu gwali ni mundu gwa na buome . Adamu gwa umanyuma ghw2ali nichiuli imuta buome . ⁴⁶ Ila yo guli mu chiuli nde yo gwa uluebweneu , ila yo gulibu nyama ; yo guli mu chiuli gu Vili hanyuma . ⁴⁷ Mundu gwa uluebu, gwafuma Mwalunga-Mugaza , mu mavu; mundu gwa mubili gwa higulu. ⁴⁸ Ili ya mavu, nja mavu be byali gwa higulu, bi bebya bili bâhigulu. ⁴⁹ Bi bebya bitwasamunambulua ya yo gwa higulu. ⁵⁰ Yamuboya , bana bâ tutu, mu mubili na muloha nde bam'shela mu ibalu ya Vili, wa unyanga usamuna ushi unyanga. ⁵¹ Mulolekuu , nimwisahila bifami imu: Nda tum'faha batu boso , ila batu boso tumunga l'lua, ⁵² Wa ihindi kiimu, û bulula mesu , wa mumbanda gwa usi ila , mumbanda gumulila , na bafu bamusanguwa bashi banyangi na batu , tumugal'lua . ⁵³ Iuboya go mubili gwa unyanga gwa vali ushi unyanga , na go mubili gwa ufa gwa vali ushi ufaha. ⁵⁴ Lolua go mubili gwa unyanga hagumuvala ushi unyanga , na go mubili gwa ufa uvala ushi ufaha , ihanha hayimakumbana ye ng'handa ya singubu: Ufaha uminubu mu utimuna . ⁵⁵ Oh ufa , buswata bobe â buni? Oh ufa asungu obe aliuni? ⁵⁶ Busangu bwa ufa, m'bubiha , na m'buswata bwa bubiha , milangilu. ⁵⁷ Ufekusha ya mugalwishi VIli, gwa tuha buswata ukilila Mwanana Yesu Klistu. ⁵⁸ Wabibi, bana ba tutu baleg 'lejye, mukaï swee, mwimani bululi, mutahi mulimu ngubu yoso wa mememe ju ya Mwanana , muyui nang'ha mulimu gwenu nde gone'eu uli Mwanana.