¹ Mwisamba wa mulumi lwa bandu na lwa malaika hutu sina ivulu, nilipana shabayim'lila , ao mutonje yim'taha lutoyo. ² Hutu nina abugu a bang'hanga-biloto, na uyua lyoso na bifami na uyua woso , nashi nina luitaba loso lwa utend'lulangula , hutu sina ivulu sili indu. ³ Na hutu nigabizi bindu byami byoso ju ya chaulya ya busuvi , nashi nifumishi mubili gwami gwazigi , hutu sina ivulu , yeya nde yimu nde indu. ⁴ Ivulu ina witabia , iyulizi na nyini nde ina muagu , nde inawitisha , nde ina wibazya , ⁵ Nde u moto bindu bishi na inema, nde imikeba bulegela bwaji, nde im'mona izi nda gamninga mundu bubiha , ⁶ Nde im'selejya bubiha, ila im'selejya lujila ; ⁷ Inalusa loso imwitaba byoso, imujujyila byoso imu ubatuma u byoso . ⁸ Ivula nde ina ufa nagu hase , bung'hanga-biloto bumwavuyia, ndimi yimwakalia , uyua umuzimina. ⁹ Ju tujili wa ihindi tumtaa bung'hnaga-biloto mu bihindi ¹⁰ Ila chee ili oso oso haimwa fia , ya bihindi imwa zimina. ¹¹ Loluniali gwa mulenge , na mikisamba pana gwa mulenge , uyua wamio wali pana gwa mulenge , nam'ninga pana gwa mulenge; lulusha mundu gubonje nilea ng'handa yeya bulenge. ¹² Ya lelu tum'mona ukilila iyunu, u mutindi gwa ufandanya, ila wabibi tumwamona buhululu buhala wa buhala ; ya lelu nijili wa ihindi , ila wabibi ni mwayua pana bebya binayu'ubu. ¹³ Iwabibi bindu bisatu bimene : Luitaba ulolela , na ivulu; Chiata ukila byoso, ni ivulu.