¹ Wilonda na yi mulola tubungu twa chiuli ,sif'leglejya bamna ba tutu , nda mukaa mumufitu. Mujili nang'ha, lolua lumwali ba idene , mwawilea ubulubu na miisi tumama, pana bebya bibamwimilagijza . ³ Iwa binu ni mihajya na gu jimu hutu gu mwisamba wa chiuli ya Vili nda muboya Yesu ngutahi milagu!Nda mundu ndakumbene uboya : Yesu ni Mwanana! Ushi wa chiuli-ilum'bului. ⁴ Uli tubugu mamama, ila chiuli kiimu: ⁵ Nilimu mamama, ila Mwanana gugimu ; ⁶ Utechea mamama , ila Vili gugimu gutaha go mulimu goso mu bandu boso . ⁷ Wa munu goso wilagijya wa chiuli guhanizubu ju ya ukwatilijya ya boso . ⁸ Wabibi , wa jimu guhelubu na chiuli ng'handa ya lwani; wabinji, ng'handa ya uyua wa chiuli chichea . ⁹ Waginji , lwitaba, wa chichea chiuli; Waginji, abugu a ufula bandu wa chichea chiuli ; ¹⁰ waginji a bugu a utaha biyezegele;waginji bung'hanga-biloto ; Waginji, uyua usasula biuli ; waginji , wisamba wa ndimi mamama ; waginji, ufundulula ndimi. ¹¹ Chiuli chichea chiimuimtaha ye mulimu yoso , ugobila mundu goso pana bebye leg'lejye. ¹² Bibi mubili biguli yugumu na guna bilimba bishali , na bilimba byoso bya mubili , nsahi bunji bwabiu, bimu lojya mubili gugumu, biyili uli Klistu . Bandu boso, wabibi twa batizubu wa chiuli kiimu. Wa ulojya mubili gugumu nashi muyuda , nashi Mugiliki nashi muhiya nashi guikalili , na batu boso tutoma uchee chiuli chiimu. ¹⁴ Wabibi mubili nde ilimba chiimeu , ila gulojyilubu na bilimba mamama. ¹⁵ Hutu magulu gaboya : Silegaza, mimi sili gwa mubili , nde chi gwa mubili ju ya yeya ? ¹⁶ Na hutu ushu liboya : Ju mimi sili yisu, mimi sili gwa mubili , nde chi gwa mubili ju ya yeya . ¹⁷ Hutu mubili goso gufi ni yisu, uhujyena uf'mkai uni? ¹⁸ Hanu Vili gwa taha kila ilimba mu mubili pana uleg'lejya waji. ¹⁹ Hutu byoso byali ilimba chii mu mubili gwam'kaa uni? ²⁰ Wabibi uli bilimba bishali , na mubili gugumu. ²¹ Yisu ndeli kumbene usahila gaza : Sina muma gobeu; Wala mushu usahila ugulu: Sina muma gobeu. ²² Wabibi, ilimba ya mubili im'monea pana ishi na buswata nja mulimu; ²³ Na chee yom'ninga nang'ha nda ina inema u mubili , tum'biha inema chiata. ²⁴ Lakini bebya buose nde bina mulimeu. Vili gwa utaha mubili bebishi na inema bya kaa na ineme chiata. ²⁵ Nde ukaa ugab'lua wa mubili , ila bilimba byakai bibebya na wilonjyena imu wa inji. ²⁶ Na hutu ilimba imu kibela , bilimba byoso bim'bela hamonga naji hutu ilimba imu chikuza inema , bilimba byoso bina musangu na chocho. ²⁷ Muli mubili gwa Klistu , na mulibilimba byaji imu na imu kaji. ²⁸ Na Vili gwa taha mumakanisa uluebu bangeze , bamulonda ba ng'hanga-biloto, babusatu bamwigisha , ulonda bana obugu abiezegele hanyuma baba mushoshana , bamukwatilijya bam'lulia , bamwisamba ndimi mamama. ²⁹ Boso mbangeze? Boso m'ba ng'hanga-biloto? boso m'ba bamwigisha? ³⁰ Boso m'ba bamutaha biezegele ? bana tubugu twa ufula? Boso bam'koola ndimi? Boso bam'fundulula ndimi. ³¹ Ila mukai na muma gwa tubugu tulegela buose . Na nimmitungijya honga zila lya buose wamehe.