¹ Munyigi mimi, pana bê mimi byamwiyiga Klistu. ² Ni mimitisha wa sababu mukimuninga wa byoso na mukwata milangilu yami pana bebi na miyehu. ³ Nif'na muna muyui nang'ha Klistu . ⁴ Gwa mulumi goso gu mihajya ao gumwitaha bung'hanga biloto, gu buili mushu, gumonesha kasheke gwaji buvu. ⁵ Gwa mwazi goso , gumupima , uhajya ao gumwitaha bung'hanga biloto, mushu buhulula gumonesha kasheke gwaji buvu: Ni pana guholubu. ⁶ Hutu gwa mwazi nda buili mushu gwaji, gwa sese yenenye na hutu yili buvu wa gwa mwazi ukaa na nyene yisese ao yiholole, gwa buili mushu gwaji. ⁷ Nda kumbene bgwa mulumi ubuila musheu, ju gulumbulua mbului gwa utulubu wa Vili , na gwa mwazi ni butumbi wa mulumi . ⁸ Wabibi gwa mulumi nda fuma wa gwa mumwazeu , ila gwa mwazi gwa fuma wa gwa mulumi. ⁹ Na gwa mulumi nda yangubu hamushu gwa mwazi, ila gwa mwazi bobo gwa yangubu hamushu gwa mulumi . ¹⁰ Î wabibi gwa mwazi , wilondena na maika , gumbene akaa umushu gwajim na izingitizya ya witusha uli kasheke mulumi gwaji . ¹¹ Matufu goso , Mwana nde gwa mwazi gushi na mulumi , byonda gwa mulumi gushi na mwazi . ¹² Wabibi gwa mwazi gwa fuma wa gwa mulumi , bi bebya gwa mulumi gwatandubu na gwa mwazi, na boso bafumizi wa Vili ¹³ Mwikal'genye banubaninu: Yibagene gwa mwazi gwa hajyi gushi gwi bwiili? ¹⁴ Buyangibom'ninu nda binu bayigisha bobo na ni buvu bwa gwa mulumi û kaa na nyene yil'yila , ¹⁵ Ila gutumbi wa muazi ukaa nayu umona nyenr ya muhubu pana ya kai ibuiila? ¹⁶ Hutu gimu guna muma gwa ube3nga , nda tuma gomukalilue na gu kanisa a Vili nda ana go mukalilu. ¹⁷ Ham'ni sawahila bibi, nda umiluvya , hanum'kuming'hana mwibumbu, nde byonga mukai bubose, nguvulijya mukai babiha . ¹⁸ Ni hujza nang'ha , lo lunum'kum'ng'hana hamonga , mute bibumbu mamama, ni yitaba wa ihindi . ¹⁹ Yiumbene wakai wileena hangati yenu , kuboya babal oso oso bayuchii hangati yenu. ²⁰ Ihindi chee inum'kum'ng'hana nda bili ku ulya chaulya ya Mwanana ; ²¹ Na hutu mute mwitabu fim' na jimu gumusamuna chaulya yaji jim'ninu, na jimu guna zola , na ginji guna buolo. ²² Nda muna byendeu wa banu ulya na utomeu? Ao gumona kanisa a Vili nde indu , na mutabuvu wa baba bashi na indu? nimisahila bini?Nim'itisha banu?Wabibi sim'mitisheu. ²³ Natambula wa mwanana yeya yina migisha ;Mwanana Klistu , mubutufu bugwanabu, gwa samuna mukati, ²⁴ Na hanyuma bigufekusha , bigu gu nang'ha , na uboya : Gû umubili gwami gu nong'hee û nubi; Mutahangi bibib wa ûninga mimi. ²⁵ Unyuma ya ulya , bigusamuna ihulu, biguboya : Chii ihulu ilonje itohe mu muloha gwami; Mutahangi bibi wauninga mimi ihindi yoso inumutoma . ²⁶ Lola lun'mulya gu mukati na utoma chii ihulu, musahula ufaha wa Mwanana , vuu byema galusha . ²⁷ Ibinu yogum'lyaha mukati na utoma ihulu ya mwanana gushi paha, gumukalibu wilondena mubili na muloha gwa Mwanana. ²⁸ Kila mundu gwayilt'lole jem'ninu,ijelya mukati na utoma ihulu; ²⁹ Yo gum'lya na utoma ushiugwa mubili gwa Mwanana, gulya na utoma alu lyaji jem'ninu. ³⁰ Iwamona uli bam'hangati yenu bashali banabilema , na bana lufu na ba bashali bafaha. ³¹ Hutu tumwikalila batu baninu, nde tumukalilubu hangeu. ³² Ila hata tukalilubu, tujyibilubu na Mwanana , kuboya nde tukalilubu hamonga na Alunga-mugaza. ³³ Wabibi bana ba tutu , hutu muwibunga kulya , mwilamene. ³⁴ Hutu jimu gu na nzala , gwa lyahi waji kuboya nda mwibunga kuwibila alu mishu yenu.Ni muvulojya bebinji bindu lolua bwamufia.