¹ Bana batutu, sif'legelejya muvumilijzi nang'ha ba shetu bali boso musi mwa timba , lu bawabua bosolugalaba : ² Boso bâbatizubu bakai ba Musa mu timba na mu mulugalaba, ³ Balya boso chee chaulya ya chiuli, ⁴ Û batoma û bwehe lya chiuli eya mi balamata , na le bwehe lya Klistu. ⁵ Ila bashali hangati yabu nda bali mulugila lwa Vili, î wamana ubavuyia mu buonono. ⁶ AQli be bindu bya tekea ju ya kai ilagujyilu wetu, ju nda tukai na muma gubiha , pana bebya bibanagu boho. ⁷ Nda mukai ba mutulula miisi , pana banu hangati yabu, wilondena na be biyisingizubu: bandu bakâhasi ju ya ulya na ju ya utoma; Bawimana uta bibanabyu muma . ⁸ Nde mutahi maoze , pana bê bam'bibâ mwitaha na ufiila uhulua bandu elufu na umi gabili na gasatu wa lutufu lumu. ⁹ Nde tumuheho Mwanana, pana be banji bi ba mwimuheha , nabu ufa na nyea. ¹⁰ Nda mumun'nyinyilto pana bebya ubavuya. Banyin'nyita na ufaha. ¹¹ Na ye ng'handa yoso yabafiila ukaa ilagujzibu, na byasingubu ju tulangi batu, wabatu bafiizi kuvuyila wa lujii. ¹² Wabibi, yo gwitebe na gul'shi gwa yilole paha nde hulua! ¹³ Ndebu mifiili û bandu boso, na Vili gul'buli, nda mwitaha muhehubu ukila buswata bwenu: Iuboya ku uhehubu galonga sinda lya ufumina wa ginsi muweze ulitumuna. ¹⁴ Iuboya , binami tujzoe ulonda miisi. ¹⁵ Ni mikisamba pana na bandu bana mbati, muningi banu baninu wa bibi byamwikisamba . ¹⁶ Ihulu ya bufiguli kii itum'figula , nde ukaa mu agolen muloha gwa Klistu? ¹⁷ Ju uli mukati gugumu, na bandu bali bashali, tute mubili gugumu; Ju tum'hingila batu boso umu kati gugumu. ¹⁸ Lola ba Izlaeli wa mubili : Bâ bamulya milambu nda bali agole mu agole na mazabahu? ¹⁹ Ni mwisamba ayi? Nang'ha nyama yihalili û misii ngindu? Nda indeu. ²⁰ Ni boya bibi chee ibam'halila , bamu chihalila ili kiyunguyungu, nde wa Vili leu; Ila shileg'lejye mukai muagole na kiyunguyungu. ²¹ Nda mukumbene utoma ihulu ya Mwanana, na ihulu ya kiyunguyungu nda mukumbene ukaa utabu lya Mwanana, na utabu ya kiyunguyungu. ²² Tutemukambula mu agu gwa Mwanana ? Tu na buswata bwa mehe umukajila jehe? ²³ Byoso tutahi, ila byoso nde bi na mulimeu; Byoso tutahi , ila nde byoso bimulojzeu. ²⁴ Mundu ndakeba buuzi bwaji jem'ninu, ila kila jimu gwa kebe bwa binaji. ²⁵ Mulyahi byoso bim'gulishubu mu voho , bila wihujza indu wasabalui ya nyini ya muitima; ²⁶ Ju mavu nga mwanana , na byoso bil'monga . ²⁷ Hutu mundu gushi na luitaba gumit'gana na hutu guleg'lejye wenda , lyaha byoso bebiba'kuha , bila wihujza indu ju ya wilondena na nyini ya tima . ²⁸ Hutu mundu gumisahila : chii ihalilubu û miisi! Ndu lyaha , ju yayi yo gumisahili, wilondena nyini ya tima . ²⁹ Ni mwisamba hanu , nde wa nyini ya tima yobe, ila mu ya ginji. Ju ya ayi , bwikalili bwami bu mwakal'genyubu na nyini ya tima ginji? ³⁰ Hutu nilya na ufekusha , nji ayi kal'genyubu ku indu ya fekwishi? ³¹ Hutu mumilya , hutu mumitoma nashi mumwitaha indu ayi , mutahi byoso mu butumbu bwa Vili. ³² Nda muhulusha ba akili, nashi m'bayahudi na gu kanisa â Vili. ³³ Bi bebya na mimi bi bebya nimwitaha buswata ubi ndu byoso nitahi uleg'lejza wa boso, mwikeba , hashi buuzi bwami, ila ya bashwali wa mehe, bakai na bushoe.