¹ Lo kene kendana lo nyama yashawo lo ditemolatemola, shombeyaka shate shotshee taleko lo mbeya. - mbeya kena, koko kenemo kediya. ² Naka oto omotshi mbetawoka mbeya dikambo dimotshi, nde ateye oko wahombama nde mbeya. ³ Koko naka oto omotshi nangaka Zambi, oso oto mbeyamaka lande. - ⁴ Lo kene kendana londe nyama yalambolawo ditemolatemola, shombeyaka da kotemolatemola lo duniya, ndo aleko paka Zambi otoyi. ⁵ Ne da, naka kokeko ato wayaele zambi, kanga lolongo, kanga lo kete, oko welende mete zambi efula ndo ewandji, ⁶ Koko leso aleko paka Zambi otoyi, ombotshi, omalende keya ne dango tshee ndo lende keleso, ndo Owandji otoyi, Yeso Kristo, omalende kele dango tshee ndo omalende keleso. ⁷ Koko mbeya nye kema le ato tshee. ato amotshi oma lo yoho wafonyawo lokina ekishi, waleko londe nyama oko woshasha wa dikishi, ndo mbeya yawo, yele wodu, yamboto mindo. ⁸ Aha yango yande ketosukanya la Zambi: naka taleko lo dile, sho kema la yango lokina; naka sho hatodile, sho kema yango ya minya ⁹ Nyoshi yambalo, koko lotshungo lanyu latoyalake oko divi da wodu le akanga wa nende. ¹⁰ Ne da, naka oto omotshi kenaka, we oleko la mbeya, kita lo mesa lo tepelo kemotshi da ditemolatemola, aha la mbeya, lende kele wodu, hawowela yango yande nyama ya woshasha ya temolatemola? ¹¹ Ndo okone kanga wodu akovo lo mbeya yaye, onalengo lele Kristo akavu! ¹² Lo sambisha yoho yahakoke le analengo, ndo kota mbeya yawo wodu, nyaleko tshe pekato le Kristo. ¹³ Dako dele, kana yango yande yamboshangaza onalengo, hamole nyama, kele handjoshangaza onalengo.