¹ Lo kene kendana lakambo wakanyamandike, lemi fonyaka da aleko dimena le pami da aha nde kime odimoto. ² Koko, da mbewo loseka, oto loto ayale la wadende, ndo odimoto ayale la omende. ³ Omi asha wadende kene kehombama, ndo odimoto atshe popo le omende. ⁴ Odimoto kema la lowandji lo demba dande, koko omende; ndo woho wako, omi kema la lowandji lo demba dande, koko odimoto. ⁵ Ahanyu ndjanya omotshi lokina, naka aha lo mbokana letena kimotshi, kele da ndjasha lo mawombi; ko kaloya kame; la woma wa Shetani hayonyo pika aha la nanga. ⁶ Lambota osoku la dokanelo, hambidjisha didjango. ⁷ Ndeko lo nanga da apami tshee wakonge oko lemi; koko oto loto akime oma le Zambi woshasha walande, omotshi lande, okina lokina. ⁸ Le wane wahatatshukana ndo wadi waki eddo, lambota da aleko dimena da vo tshikala oko lemi. ⁹ Koko naka wakohomba ndjakime, watshukani; ne da aleko dimena tshukana tondo ke tshumba. ¹⁰ Le wane wambotshukana, lambota, aha lemi, koko Owandji, da aha odimoto sekana la omende ¹¹ ( naka ambokakitona, akite aha tshukana kana okani la omende), ndo aha omi mbitshanya wadende. ¹² Le akina, aha Owandji, lemi keta: naka onalengo aleko la wadi lahetawo, ndo ambolanga kita lande, ahande mbotshanya; ¹³ Ndo naka odimoto aleko la omi lahetawo, ndo ambolanga kita lande, ahande mbitshanya omende. ¹⁴ Ne da omi lahetawo mbedamota la wadende ndo wadi lahetawo mbedamoka oma le onalengo; lo yoho kyina, ana wanyu wotoyala mindo, koko kakiya waleko ekilami. ¹⁵ Naka kanga lahetawo amboseka, asekani; onalengo kana osekaseka hawotone laso. Zambi akatele da sena lo kii. ¹⁶ Ne da eyaye, odimoto, naka okoshimbe omeye? kana eyaye, omi, naka okoshimbe wadeye? ¹⁷ Paka, oto loto oni oko yema yakawosha Owandji, oko leta lakandalongola oma le Zambi. okone lambolamwe le kanisa tshee. ¹⁸ Oto omotshi akelame ambodjamaka kumbini, atshikale la kumbini; oto omotshi akelame kokumbini, aha nde mbidjama kumbini. ¹⁹ Kumbini kema yango, ndo kokumbini koyango, koko endelo ke wadjango wa Zambi kele tshee. ²⁰ Oto loto atshikale lo yoho nye yekinde lo saa kekandelame. ²¹ Okemale olekoko fumbe, toyahenyahenyake; koko naka we koka ndjala la lotshungo, tana daso. ²² Ne da fumbe lakelame oma le Owandji amboteho le Owandji; popo, oto la lotshungo lakelame fumbe le Kristo. ²³ Nyakasombama lo beyi kudu: tanyoyalake fumbe yato. ²⁴ Oto loto, analengo, atshikale letondo ke Zambi lo yoho yekinde lo saa kekandelame. ²⁵ Lote kene kendana la wabikira, lemi kema la didjango d'Owandji; koko lambosha lokani, akamalongola oma le Oawndji ketshi da ndjala ombetawodi. ²⁶ Enda okone lambedika dimena, lote wa tena da kudu dambosukana: aleko dimena le pami da ndjala okone. ²⁷ Ombotshangana lodimoto, tonake pembola osanga ako; hotshangani lodimoto, tonake odimoto. ²⁸ Naka ombotshukana, we kema la pekato; ndo naka obikira ambotshukama, nde kema la pekato; koko le aso ato wakoyala la esukusuku lo demba, ndo lakalangi nyokakitola lawo. ²⁹ Enda kene ketami, analengo, ele etena keleko tshiki; kakiye wane wele wadi wayale oko wane wahakema laa, ³⁰ Wane walela oko wane wahalele, wane wa ngenangena oko wahongenangena, wane wasomba oko wane wele koyango, ³¹ Ndo wane wakonge lo duniya watokongeke, ne da elongi ka ne duniya lotete. ³² Koko, lakalange da nyutshe aha lokeyi. kanga lahatatshukana ayakiyanya akambo w'Owandji, doho da ngenyangenya le Owandji; ³³ Ndo one lambotshukana ayakiyanya lakambo wa lo duniya, la yoho ya ngenyangenya wadende. ³⁴ Aleko popo otshikitani lasa wadi ndo bikira: kanga laha atatshukama ayakiyanya lakambo w'Owandji, kele da ndjala ekila lo demba ndo lo nyuma; ndo one lambotshukama ayakiyanya lakambo wa lo duniya, lo yoho ya ngenyangenya omende. ³⁵ Lambota osoku lo fayida kenyu; aha da nyonda lo djonga, da nyemba lo kene kele dimena ndo la kenyuda nyosukany la Owandji aha la mbatola. ³⁶ Naka oto omotshi ambenda oko kema kenemo le osekaseka wande da ndekanya mwaka wa koka, ndo oko la dihombo da mbotshukanya, enya lolango lande, hayotshe pekato; atshukani. ³⁷ Koko kanga lakoshi yambalo ya kudu, aha lalohetete ndo la mazowezi wa lolango lande, ndo akayadjange lotema wande da mana osekaseka wande bikira, oso oto ambotshe dimena. ³⁸ Okone, kanga latshukanya osekaseka wande ambotshe dimena, ndo one lahatshutshanya osekaseka wande ambotshe dimena djekaleka. ³⁹ Odimoto ambokelekama edja kele omende alekoko la loseno; koko omi ambovo, aleko lakoka watshukama le one lalangande; koko paka, ayale le Owandji. ⁴⁰ Aleko djekaleka lolo, koko, naka ambotshikala oko welende, ndjelana la lokani lami. ndo lemi lawo, lambetawo monga la nyuma ke Zambi.