¹ Omotshi lasanyu, lo saa kelende la kele la wonyande, akotoshita letondo ke akanga kashi, ndo aha letondo kekilami? ² Hanyeye da ekilami wakolombosha duniya? ndo naka oma lenyu kolommbola duniya, hanyokoko da nyu mbeta lo kilombo? ³ Hanyeye da takolombosha wandjelo? ndo sho konombosha, mala efula, akambo wa lone loseno? ⁴ Lo saa kelenyu la kele lakambo wa lone loseno, aleko ato wele lo kanisa ke hatshe koyango kosanyu lo kilombo! ⁵ Lambota lo soni kenyu. okone lateyi wanyu koleko pami ke yimba la homba teketa le analengo wande. ⁶ Koko onalengo amoshita onalengo, ndo keso letondo ke wane wahetawo! ⁷ Aleko ekomo lenyu da monga la kilombo amotshi lakina. lote wana wa sowanyu la kashi? lote wana watshikanyu nyosedingola? ⁸ Koko nyu ketate la kashi ndo kesedingola, ndo otsha le analengo ketshenyu okone! ⁹ Hanyeye da akanga wa kashi hawoto lo Dolelo da Zambi? tanyoyasengake: kanga seka, kanga temolatemola, kanga amonanyi, kanga akanga wa mbole, kanga akanga wa donyo, ¹⁰ Kanga wevi, kanga akanga lomendja, kanga elevi, kanga akanga tengo, kanga apotodi, hawoto lo Dolelo da Zambi. ¹¹ Ndo oma leko kekinyu, amotshi lasanyu. koko nyakasolama, koko nyakdami, koko nyakalomboshama lo lokombo la Owandji Yeso Kristo, oma lo nyuma ke Zambi keso. ¹² Tshee kele kenyu, koko tshee kema dihombo; tshee kele kemi, koko hamoyatshi nomboma la yango mwotshi. ¹³ Dango dande daleko lote wotema, ndo otema lote wa dango dande; ndo Zambi akolanya omotshi oko okina. koko demba kema lote wa loseka. daleko lote wa Owandji, ndo Owandji lote wa demba. ¹⁴ Ndo Zambi, lakolola Owandji, akotolola ndo sho lo kudu kende. ¹⁵ Hanyeye da alemba wanyu waleko asonga wa Kristo? lakosa asonga wa Kristo, da mbatshe asonga wa kanga loseka? etale la keso! ¹⁶ Hanyeye da kanga layasukanya ke kanga loseka aleko demba otoyi lande? ne da, akatama, vo vahende wakoyala demba otoyi. ¹⁷ Koko kanga layasukanya le Owandji aleko nde nyuma otoyi. ¹⁸ Nyolawo loseka. na pekato kikina ke tshe oto, keso pekato keleko etale la demba; koko kanga layasha lo loseka mungeka demba dande ndame. ¹⁹ Hanyeye da demba danyu daleko tepelo ke nyuma kololo kele lenyu, kekanyalongola oma le Zambi, ndo kele nyu nywame kema lato? ²⁰ Ne da nyakasombama la biyi da kudu. nyotombole okone Zambi lo demba danyu ndo lo nyuma kenyu, wele le Zambi.