¹ Taleko lo mboka wata mala efula da koleko lateyi wanyu loseka, ndo loseka lele kema kanga le apagani; polo ndo omotshi lasanyu aleko la wadi shende. ² Ndo nyambolodama la ndjaemba! ndo nyu hanyoyadi lokeyi, kele one lakatshe oso otshaa akanyama oma lateyi wanyu! ³ Lemi, kema lo demba, koko kame lo nyuma, lakalosha, oko leki kame, one kanga letshe oso otshaa. ⁴ Lo lokombo l'Owandji Yeso, nyu ndo nyuma kemi takasangana la kudu k'Owandji waso Yeso, ⁵ Sho yoho yoto alambomi le Shetani lo dilanya da lo demba, kele nyuma kehande lo loshi la Owandji Yeso. ⁶ Dimena lo koolo keyatombolanyu. hanyeye da yema ya wana mbuduyaka okate tshee? ⁷ Nyoshisha wana wedjedja, kele nyoyale okate woyoyo, lote nyaleko aha la wana, ne da Kristo Pasaka keso, akahandjoma. ⁸ Tongenengene okone fete, aha la wana wedjedje, aha la wana wa tshanga ndo wa kudu, koko la ekate aha wana wa pepe ndo wa mete. ⁹ Lakanyandike lo barua wami da aha ndjala la losambi la akanga wa seka, - ¹⁰ Aha lo yoho yalande la seka ya lo duniya, kana akanga wotamanya ndo apotodi, kana ditemolatemola; lo yoho kyina, paka nyu tomba ma lo duniya. ¹¹ Kakiye, kene kekamanyandike, aha da monga la losambi la oto lele, ndjaeleka onalengo, lele loseka, kana otamanya, kana otemolatemola, kana kanga lotengo, kana olevi, opotodi, ahande yango la sho yoho yoto. ¹² Elemi, okone, da nombosha wane wele landja? aha wane wele leteyi kehombanyu nombosha? ¹³ Le wane wa landja, Zambi mbalomboshaka. nyonya akanga wa koolo lateyi wanyu .