¹ Lemi, analengo, aha oko ato wa lo nyuma kekamakoke nyote, koko oko ato wele lo demba, oko ana le Kristo. ² Lakanyosha maziwa, koko aha olelo wa kudu, ne da nyu totonyokoka mbikike; ndo hanyokoke kanga kakiye, loote wa nyalekoko lo demba, ³ Laso nyalekoko lokina lo demba. laso lasanyu aya lokanyema la obishi, nyu kema lo demba, ndo hanyokende oko oto? ⁴ Naka otoyi ambota ate: lemi, ndeko la Paulo! ndo okina: lemi la Apolo! nyu kema ato? ⁵ Ele laso Apolo, ndo ele Paulo? ekambi, oma lo woho waknyetawo, oko woho wakasha Owandji la oto. ⁶ Lakoone, Apolo akatela ashi, koko Zambi akoda, ⁷ Lo woho wa aha one lone kele yango miotshi, kana one latee ashi, koko Zambi kooda. ⁸ One loone ndo late ashi waleko woho otoyi, ndo oto loto akolongola lofuto oko wele olemu wande ndame. ⁹ Ne da taleko ase elemu sho la Zambi, nyaleko ekambo ke Zambi, ekelo ke Zambi. ¹⁰ Oko wele ketshi ke Zambi kekandambisha, lakake etatelo ke loodu oko ekelo ke lomba, ndo lokina mbikama lediko. koko oto loto ayale la yambelo lo woho wakande lediko. ¹¹ Ne da ko oto laka etatelo kekina oko kene kekakama, mbeya Yeso Kristo. ¹² Koko, naka oto amboka lo etatelo keko la lowoko, lakuta, la mboko yakeso, la koni, nyumbe, losodu, ¹³ Otshaa wa la oto wakenamo; ne da loshi akowewoya, loote wa akoshoma lo dja, ndo dja akotondja seke kene kele otshaa wa la oto. ¹⁴ Naka otshaa wakakama loto omotshi letatelo wambo shikimala, akolongola lofuto lomotshi. ¹⁵ Naka olemu womotshi wambolongola akoshisha difuto dande; lende, akohando, koko oko mbishiya oma lo dja. ¹⁶ Nyu hanyeye da nyu nyaleko tepelo ke Zambi, ndo nyuma ke Zambi keleko lo kita lenyu? ¹⁷ Naka oto ambolanya tepelo ke Zambi, Zambi akolanya, ne da tepelo ke Zambi keleko ekila ndo osoku welenyu. ¹⁸ Aha oto ndja senga ndame: naka oto omotshi lasanyu ambonyokaniya da ndjala kanga lomba oko lolonga lone, ayale kanga dadi, kele ayokomi kanga lomba. ¹⁹ Ne da lomba la lo duniya laleko dadi letondo ke Zambi. lokina akandikama: nde mundaka asetomba lo lokeso lawo. ²⁰ Ndo lokina: Owandji mbeyaka tokani tase tomba, nde mbeyaka da taleko anyanya. ²¹ Aha oto loso kitsha lotombo lande le ato; ne da tshee keleko lenyu, ²² Oyadi Paulo, oyadi Apolo, oyadi Sefayodi, oyadi duniya, oyadi loseno, oyani nyoyi, oyadi akambo wa kakiye, oyadi akambo wayaye. tshee lenyu; ²³ Ndo nyaleko le Kristo, ndo Kristo aleko le Zambi.