¹ Lemi, analengo, saa kekamatshu lenyu, aha la kudu koteketa kana ke lomba kakamatshu tonyosambi ushuuda wa Zambi. ² Ne da lemi ko ndjala la lokani da mbeya lasanyu dikambo dikina naka aha da Yeso Kristo, ndo Yeso Kristo yakasoyama. ³ Lemi latshi suke lanyu lo hadi kimotshi kohodu, ke woma, ndo lokomba lefula; ⁴ Ndo oteketa wami ndo esambishelo kemi kotshikalaka leteketa wanyokadimula lo lomba, koko lo enyelo kenyuma ndo ke kudu, ⁵ Kele mbetawo kenyu ketate, aha lo lomba lata, koko lo kudu ke Zambi. ⁶ Koko, lomba lako lasambishaso lasa ato welolo, lomba lele kema lo lolango lone, ka na le ewandji wa lone lolonga, wane wolanyema; ⁷ Taleko losambisha lomba la Zambi loshami ndo lakashema, kele Zambi, tondo ke nonga akasha loote wa lotombo laso, ⁸ Lomba lele kanga otoyi lasa ewandji wa lolonga lone kondjala laa, ne da, otowoyala laa, watotosoya Owandji walotombo. ⁹ Koko, oko wakandikama, aleko akambo wele soo komena, toyi komboka, ndo watshi kombude poo lo solo doto, akambo wakakonge Zambi le wane wolanga. ¹⁰ Zambi akatoshwewo oma le nyuma. ne da nyuma mbisholaka tshee, kanga ehongo wa Zambi. ¹¹ Na oto lateyi wato, laso, leya akambo woto, naka aha nyuma koto kele lende? popo koto leya akambo wa Zambi, naka aha nyuma ke Zambi. ¹² Koko sho, sho konongola nyuma ke duniya, koko nyuma keya omale Zambi, kele sho mbeya akambo wakatosha Zambi oma lo ketshi kende. ¹³ Ndo taleko diteketa, aha la esambishelo ke fundisha lomba looto, koko la wane wa fundisha nyuma, da teketa oteketa wa lo nyuma lakambo wa lo nyuma. ¹⁴ Koko oto lele nyama halongola akambo wa lo nyuma ke Zambi, ne da waleko dadi lende, ndo hakoke mbaeya, lote waleko lo nyuma kasedingolawo. ¹⁵ Oto la lo nyuma, lo otshidingwelo, sedingolaka tshee, ndo nde halomboshama kanga le oto otoyi. ¹⁶ Ne da na oto lakeye lokani l'Owandji, da nde mbofundisha, koko sho, taleko la lokani la Kristo.