¹ Saa kekamateketaka eteketa wato ndo wandjelo, naka lemi kema la kinemo, ndeko oko lokole lawana, kana oko lokombe lawana. ² Ndo saa komoyala la woshasha ke tabiri, ofundi wa lolombo tshee ndo mbeya tshee, saa kotomoyala la mbetawo tshee ke mbemba kidima, naka lemi kema kinemo, lemi kema la yango. ³ Ndo saa komohaka dango dami tshee lo dango dande le ase wola, lototowa kanga demba dami da ditshumba, naka lemi kema la kinemo, keso hokimanyiya la koyango. ⁴ Kinemo vumidiyaka, aleko too la ngandji; kinemo hatamanyiyaka; kinemo hayaembe, halole la lotamanya, ⁵ Kinemo kema la dikambo da koolo, halombe faïda, homalaka, hakanyika koolo, ⁶ Nde hamamatana la kashi, koko nde mamatanaka la mete; ⁷ Nde dimanyiyaka tshee, nde mbetawoka tshee, nde kongeka tshee, nde vumidiyaka tshee. ⁸ Kinemo havu poo. matabiri djeko la mwisho, eteketa wakishila, mbeya shishoka. ⁹ Ne da shombeyaka yeema, ndo sho takotabiri yeema, ¹⁰ Koko saa kele kene kokele kekoya, kene kele kema kokele kekoshisho. ¹¹ Saa ketshimi ona, lakateketaka oko ona, lakaniyaka oko ona, lakawazaka oko ona; saa keyami oto, lakashisha kene ketshi ona. ¹² Lelo taleko lo mena lo talatala, lo yoho ya didjima, koko laso takena elongi lelongi; lelo ndeko lo mbeya tshee, koko laso lakeye oko wakameyaka. ¹³ Kakiye okone ane akambo asato kokaka: mbetawo, ekongelo, kinemo; koko kanga loleki lo vo vasato ele kinemo.