¹ Nyoni kinemo. nyokombole weshasha wa nyuma, koko djekaleka one wa tabiri. ² Okone, one lateketa lo nyuma hatekete ato, koko Zambi, ne da kanga oto otoyi hawoke, ndo lo nyuma ketande ahindo. ³ One latabiri, teketeka ato, mbalongosola, mbasengasenga, mbaoka kangi. ⁴ One lateketa lo nyuma ndjalongosola nde ndame; one latabiri longosolaka kanisa. ⁵ Lambokombola da nyu teketa nyutshee lo nyuma, koko lokina konyotabiri. one la tabiri aleko opalanga ndeka one lateketa lo nyuma, kete one akadimole, da kanisa mbolongola lo nongosola. ⁶ Ndo kakiye, analengo, naa dihombo domoyala laa, naka lamboya lenyu layateketa lo nyuma, ndo naka hanyotekete lofunuwo, kana lo mbeya, kana lo taniri, kana lo esambishelo? ⁷ Naka dango dahahenge da tondja doyi, oko ponge kana lokombe, haditondja awoyi wa dimena, okonde weyama kana lano lo ponge kana lo lokombe? ⁸ Naka ngomo tondjaka doyi defula, naa oto loshimba taa? ⁹ Kanga ndonyu, kana oma loteketa hanyosha oteketa wa hwehwe, okonde woteya kene ketaye? ne da oleko loteketa lo lopepe. ¹⁰ Kanga wele efula keteketa lo duniya, kooteketa woleki yimba; ¹¹ Naka okone haleye mana doteketa, lakoyala ehoke le one lateketa, ndo one lateketa akoyala ehoke ndonde lemi. ¹² Kanga ndonyu, loote waleko lo kombola weshasha wa nyuma, kanga da nongosola kanisa konanyu da dipata efula. ¹³ Dako dele, one lateketa lo nyuma alombe da pata woshasha wa gewoza. ¹⁴ Ne da naka lambolomba lo nyuma, nyuma kemi keleko lo dombelo, koko yimba yami tshikalaka kako hote. ¹⁵ Naa ketshe okone? lakolomba lo nyuma, koko lakolomba lokina la yimba; lakemba lo nyuma, koko lakemba lokina la yimba. ¹⁶ Koko, naka ombosha losaka lo nyuma, okonde one lele loloyi wato wa wodja wondetawa Amina! lo kaloya yaye ya losaka, loote wee heye kele ketaye? ¹⁷ Ombokaloya losaka, aleko dimena, mbisha losaka la kyomba, koko okina halongosami. ¹⁸ Lambosha Zambi losaka lo yoho ya teketami lo nyuma ndeka ato tshee; ¹⁹ Koko, lo kanisa, lemi nangaka teketa eteketa etanu la yimba yami, kele da fundisha lokina akina, tondo keteketa midiyo dikumi lo nyuma. ²⁰ Analengo, tahoyalake ana leese ke kilombo; koko la mayele, nyoyale ana, ndo, loote wa kilombo, nyoyale ato wakoka. ²¹ Akandikama lolembe: oma le ato wa lo oteketa okina ndo lelomo wa angendangenda komoteketa one wodja, ndo hawomboka kanga okone, keta Owandji. ²² Koko, eteketa waleko djembetelo, aha le ambetawodi, koko le wane wahetawo; tabiri, lokongo, aleko djembetelo aha le wane wahetawo, koko le ambetawodi. ²³ Naka okone, lo losanganya la kanisa tshee, ato tshee teketaka lo nyuma, ndo ongendangenda wato wa lo wodja akomboya kana wane wahetawo, hawota da nyalekoa aladi? ²⁴ Koko naka nyutshee tabiri, ndo oto omotshi lahetawo kana oto la lo wodja, akoka ato tshee, akolomboshama lato tshee, ²⁵ Siri talotema wande tambeyama, kele, akoko lelongi, akotemola Zambi, ndo akotangaza da Zambi mete aleko lateyi wanyu. ²⁶ Naa ketshe okone, analengo? saa kehomananyu, amotshi kana akina lateyi wanyu koleko osambo, olembe, ofunuwo, loteketa, gewoza, keso kete lo nongosama. ²⁷ Koleko wane wateketa lo nyuma, ahande kana asato kana ndeka wateketa, oto loto lo saa kende, ndo omotshi agewuza; ²⁸ Naka la gewuza kema, nyonohale lo kanisa, ndo nyoyatekete nywame ndo le Zambi. ²⁹ Lo kene kendana lAmbutshi, ahende kana asato wateketa, ndo akina wolombosha; ³⁰ Ndo naka okina amboka lo ofunuwo, oko la tondo onohale. ³¹ Ne da nyutshee koka tabiri otoyi lotoyi, kele ato tshee weye ndo kele ato tshee wahokoko. ³² Nyuma yAmbuttshi nenyaka Ambutshi; ³³ Ne da Zambi kema Zambi kofukutani, koko ke kii. oko lo kanisa tshee kekilami, ³⁴ Adimato wonohale lo sanganya, ne da hadjangeme da vo teketa; koko walenyake, oko wata olembe. ³⁵ Naka vo nganga da mbeya dikambo dimotshi, kawombole awomi wawo lo loodu; ne da kema dihombo le odimoto da teketa lo kanisa. ³⁶ Onde oma lenyu kele oteketa wa Zambi kekawatombe? kana lenyu nywame kekawaye? ³⁷ Naka oto omotshi ambetawo ndjala Ombutshi kana funuliwa, etawo da kele kendikami aleko didjango da Owandji. ³⁸ Ndo naka oto omotshi ambonyola, onyole. ³⁹ OKone, analengo, nyokombole woshasha wa tabiri, ndo ahashimba da teketa lo nyuma. ⁴⁰ Koko tshee ketshemi lo dimeno ndo la kyongamelo.