¹ Analengo, lahange da nyumbohe one washeso vo tshe wetshi leese ke dunge, kekawateho vo tshee lo ndjale, ² Kekawabatizma le Mose lo dunge ndo lo ndjale, ³ Kekawale votshee deshi da nyuma, ⁴ Ndo kekawano kopo dako dame da lo nyuma, ne da waleko lo noo noshi da lo nyuma kekatawayelaka, ndo noshi dako ele Kristo. ⁵ Koko efula lasawo kondjala dimena le Zambi, lote wakavu lo shenga. ⁶ Koko, ane akambo wakakomi da yenya mufano, kele aha shondjala la posa ya koolo, oko wakawapate. ⁷ Tanyoyalake ditemolatemola, oko amotshi lasawo, oko wakandandikama: wodja wakakite dande ndo danoo; ko wakemala da ndjangenyangenya. ⁸ Aha sho ndjasha lo loseka, oko amotshi lasawo wane wasyasha, lo yoho ya kawako ato midiyo hyende lasato lo loshi otoyi. ⁹ Aha sho pima Owandji, oko akapime amotshi lasawo, wakavu leloyi. ¹⁰ Ahanyu ngunanguna, oko akangunanguna amotshi lasawo, wakadakema londjakatani. ¹¹ Aso akambo wakakome da menya mufano, ndo wakandikama lo mena yaso, lesho wane wambokoma le mwisho wa miaka. ¹² Okone, le one letawo ndjala wemema oshi yambalo yako! ¹³ Kanga ohemba otoyi konyokome wetshi kondjala lo demba, ndo Zambi, lele kokele, kokombola danyu pembama lediko ke kudu yanyu; koko lohemba akokonge lokina yoho yambatondja, kele akanyavumidiya. ¹⁴ Dako dele, anangemi wami, nyolawo ditemolatemolz. ¹⁵ Lamboteketa oko le ato wele la tomba; nyolombosha nyame lo lone ketami. ¹⁶ Kikombe ketshoko ketshokolaso, kema osanga wa dikila da Kristo? okate wahembolaso, kema osanga wa demba da Kristo? ¹⁷ Lote aleko okate otoyi, sho wane wele efula, taleko lo tonga demba otoyi; ne da taleko lo tanemo sho tshee lokate wame. ¹⁸ Nyende ase Izariyele oko lo demba: wane wale asoyami vo kema losanga la kanga pango? ¹⁹ Atami okone? omunyi wakawasokola le atemodi wa dikitshi aleko dikambo dimotshi, kana etemola temola aleko dikambo dimotshi? kema. ²⁰ Lambota kene kelambolawo, vo lambolaka le wendji, ndo aha le Zambi; koko, halange da nyu ndjala losanga la wendji. ²¹ Hanyohombe noo la kikombe k'Owandji, ndo kikombe ke wendji; hanyohombe tshangana lo mesa w'Owandji, ndo lo mesa wa wendji. ²² Sho nangaka tonga kele k'Owandji? taleko la kudu mboleka? ²³ Tshee kemborusiyama, koko tshee kema dihombo; tshee kemborusiyama, koko tshee halongosola. ²⁴ Aha oto mona fayida kende ndame, koko oto loto oni kene kewonyande. ²⁵ Nyole kene tshee kesondjawo lo soko, aha nyunongola didjango yalotema; ²⁶ Ne da kete keleko k'Owandji, ndo kene tshee kele loko. ²⁷ Naka kanga lahetawo ambokele ndo we nangaka tsho, leka kene tshee kowokosha, aha landjadjange didjango da lotema. ²⁸ Koko naka oto omotshi ambokote: kene akashama oko woshasha! tolekake, lote wa nde akasha dako, ndo lote kene kele lotema. ²⁹ Lamboteketa lokina, aha lote wa mbeya yanyu, koko lote mbeya yokina. lote wana, okone, ohuru wami wambolomboshama lo mbeya yokina? ³⁰ Naka lambole etshaa wololo, lote wana watesamami lo dikambo da yango yashami losaka? ³¹ Yala okone da nyunde, yala da nyuno, yala da nyutshee dikambo dikina, nyotshe lo lotombo la Zambi. ³² Nyotoyalake lohokohoko kana le ase Ngirika, kana le ase Yuda, kana le kanisa le Zambi, ³³ Yoho yako yame lemi lokina lamboyasha lakambo tshee da ngenyangenya oto tshee, monan aha fayida kemi, koko kene ke leemba la woke, kele da vo mbika.