¹ Neyongi domi anga Kilisito, inda ne dhema nangee nede, maako lami amela bodhemu lanu teisiliala Meema nda-Abhu: ² Nena bolie mati, na meema anoba. ³ Ngaa neti nelaeli a doana na buana na Kilisito ngaa badhami, babotiami a ngobho. ⁴ Bande ba Israeli, baamenea eboteana-li na ebhebho-li, na nsaano-li bhuu, na nkani-li, na bololio-li, ⁵ Na beela-li bhuu, na otatako-li na imbe Kilisito, an'hobeli angae angobho, Kilisito, imbe antata ema-li bhuu, Mokonga sulia meyo na meyo. Abebo! ⁶ Inda nde gela bete yonga nda Mokonga ateisa bosa. Ngaa bobhu nde bahobeli Isilaeli inda nde Isilaeli, ⁷ Na djala keanda a Abulahamu, bobhu inda nde baanae; che bayongi te: Asuba Isaka aumo nja na bani, ⁸ Ande yonga late inda nde bani la eboteanaibo yeu nde bana Mokonga, che yeu baelenga sinda keanda-li. ⁹ Lenge to, sinda nde yonga la beela-li: Auma a kelemo sindende, na Sala auma dja na nii amuluana. ¹⁰ Na, m'pa go, ai akoli andebo na Lebeka, kumba la leme anga moo moti Isaka abhaasu. ¹¹ Ngaa, mosala boteana la bani-li na baakoli bonga nange bodjede, ngaa maako la sombola nda Mokonga akolekana, kanga baemea la mako moti inda imbe akoga, - ¹² Ai bangodei Lebeka: Homili ama aehohia mosala nii-li; sinda basaine: ¹³ Ati nenkondi Yakobo Na neti nen'komi Esau. ¹⁴ Beyonge boni m'pa? Aasuba Mokonga bodjede? Dholo na indo! ¹⁵ Ngaa abangodea Mosa: Ne nilia uma imbe ne nilii, na neyongela uma imbe nenyongeli. ¹⁶ Sinde liindo m'pa, indo inda toa nde anga imbe akondi, nangee imbe aetoloa, che anga Mokonga imbe alilia. ¹⁷ Ngaa N'sao-li angodea Falao: Nei noo meisi ngaa hangiana lao ekanda namo, na ngaa batomie inami mpuo-li bhuu na dodo. ¹⁸ Sinde, anilia imbe a n'kondi, na a kandisa mema a imbe an'kondi. ¹⁹ Omo mongodea: Ngee masina omokalea go? Ngaa ani yeu anga koma inde aaki? ²⁰ Ho n'to, m'pa owe, onde mani ngaa onganise nda Mokonga? Mbungu-li imbe aya nkomisi ate: Ngaa emasina oi omokomisi bende? ²¹ N'komisi mbungu-li iyeu nnda nde mongengele a etoo-li ngaa dodo nde imoti ndo atusa au mbungu moti ma bosike na mbungu moti imbe babhedea ndabhi-li bhuu? ²² Na beyonge emasina, Mokonga na kondi te, ahangiane boetani ndae na ekanda ndae, aya midili meemae na bondela la boetani ndati inde ayi babhisili helali. ²³ naya kondi te ahangiane lua nda asuba ebhebho ndao ngaa imbungua lilia ndae inde ai naye meno abondeisi-li ebhebho ndae? ²⁴ Sinde lindo aya sokogi kanga ngala bayuda bosa, che nanga bande indai bamubha Mokonga, ²⁵ sinde basai ne asuba Osea: Nekoga uma bato nde bamo bande ndainde bamo, na mankondaga nkende ndainde mankondaga; ²⁶ na a mpua nde ai baengodei te: ndaga bonde bato nde bamo! auma baekoga te bana Mokonga imbe aonea. ²⁷ Isaya, iye te: ndambi nde eboti ndan Isilaeli akanya uma bia nkala nda na ngedji, Baahu bosa yeuma balama. ²⁸ Ngaa Mokama ama dongoa yonga ndae hele inde aya aki na dodoni. ²⁹ Na sindeli nde Isaya aya yongi ne mosa: Abe Mokonga Abha bia Nandai aso dolei keanda, bei nga bekenga nde Gomola. ³⁰ Beyonge ema sina m'pa? Bande nda bamubha Mokonga, bande ndai bakabaga domi, domi nde atoa a lebea. ³¹ M'pa Isilaeli, iye ai akabaga nde nkani nda domi-li indai bakidi a nkani nde. ³² Ngaa boni? Ande amai ba nkabigi nde, kanga lebea, che biande atoela la mobili. Ai batukali a ete la etanisa, ³³ Sinde basai ne: Lenge to, ne meisi a Sioni ete la etanisa na mambe'ete inda gusa, Na imbe a nebei inda uma hemoa.