¹ Ndaga beli kalea mbeno nde anga bande ba anga Yeso Kilisito. ² Anga indo, nkani nnda balabe anga Yeso Kilisito amotusi a nkani nda dodjede na a kua. ³ Nga ema indaga toana a nkani ngaa ngobo-li ai adongoa kala-lae, Mokonga ai akalei bodjede-li asuba ngaa ngobho, naange-li ndo ndo ai antei Nae mankondaga, ngaa bodjede'a ngobho-li, ⁴ Na indo ande ngaa domi inda nkani-li abai adja angasu, betambele a meema, makanga a nkenke-li. ⁵ Bande, nange lindo, inde atoeli a nkenke-li, aboteani nde a meema atoeli nde a meema. ⁶ Na inde aboteani a nkeke, ande kua, che inde aboteani a meema, ande djalabe na njenje. ⁷ Nga inde aboteani a nkeke ande nongo la Mokonga, ngaa ndae kikisa a nkani nda Mokonga, nandagadja iyu. ⁸ Impa bande babaemii ngobho indanga banjemisa Mokonga. ⁹ Anga benu, ndaga botoeli nde a nkeke che a meema, nabe meema nda Mokonga aiki anganu. Abe nto na ndaga na meema nda Kilisito, ndaga nde mbiae. ¹⁰ Abe Kilisito na anganu, nkeke, ande domi, aku angaa bodjede-li, che meema-li abeli angaa domi. ¹¹ SAinde meema nda Yeso imbe aya djudjui toa la kukua atia mande nkeke anu djalabe teisila la meema ndae inde aiki anganu. ¹² Ngaa indo, badhami, ndaga bende bato a nyongo'a nkeke. ¹³ Abe nabobeli nde ngaa nkeke, bokua mande; che abe nande nga Meema-li yeu bokolisa nga ola-la inde nkeke-li akola, auma bonja beli. ¹⁴ Ngaa bobhu bande batambela a Meeama nda Mokonga ande bande bana Mokonga. ¹⁵ Na ndaga bai banopi nde meema bokobe, ngaa bobe go asub'ebobo; che bai banopi nde Meema ngaa bobe imbe mae, na ngee-li ndo benakela: Abba! Ebha! ¹⁶ Meema-li iye menemene alebei a meemasu ngela bende bende bana Mokonga. ¹⁷ Impa, abe na bende bani, bende go batiki moando: batiki moando nde ba Mokonga, na batiki moando ama imoti na Kilisito, abe nabenobi ama imoti naaye. ¹⁸ Neeneke ngelabe nde nobala ndabhi nda ndiende inda uma onekana angasu a elie nde abhia. ¹⁹ Na bato-li bobhu babondeli na sei lubukisa la bana Mokonga. ²⁰ Nga etelekisili aya ekikisi a ema aboobo, makanga aboohahola ndae, che ngambe aya nkikisi, ²¹ na maha nde go auma tusa a bodjede adjede, nga badja na ema imoti aebhebho nda bana Mokonga. impa kidila la ndiende, beubha gela bende, etelekisi-li bhu adjega na noba la kakamana la ngobho kida la ndiende. ²³ Na ndaga nde iyamene; che na besu, nde bena mososolo inda meema, na besu auma bedjega mande, na bebondeligi djala bani, na sisila lasu nkekeasu. ²⁴ Nga maha nde aasolamisi ne. Impa inde bebondeli inde aonekani ndaga nde go maha: inde beona, anga bebondela go? ²⁵ Che abe na bebondela inde ndaga beona, bebondela na midila la meema. ²⁶ Ago Meema-li aasotabela ainde betaloka, angaa inda beubha naba ema indanja inde anga bemema asuba ememi indasu. Che Meema-li iye mene asomemela teisila la molenge nde into indanga yonga. ²⁷ Na imbe akabaga meema-li aubha inde aubha maako nde asubao, andde ngama Mokonga a mema ngaa babhu. ²⁹ Ngaa bande ai aeubhi mosa, ai aesudji-li djala sinda Nae, ngaa Nae yeu aya kengetisi aboteana mosa-la bandae. ³⁰ Na bande ai aesudji-li, ai aekogi; na bande ai aekogi, ai ae yongeli; na bande ai ae yongeli, ai go aebhebhi. ³¹ Beyonge ema sina ngaa indo bhuu? Abe Mokonga ande ngaasu, ani yeu ngadja nongo'asu? ³² Iyeu bhe indai a ngengii Nae, che ai an'haholi ngaa besu bobhu, inda nga ngaasopa ema-li bhuu ankindi naaye? ³³ Ani yeu anga esitaka bande Mokonga aesomboli? Mokonga yeu ayongela! ³⁴ Ani yeu ama aekalea? Kilisito aku; na go, adjudjuii, aiki a djaga akpe nda Mokonga, na aasomemela! ³⁵ Ani yeu aumasobuisana n'ekondi nda Kilisito? Noba, ao ande balokpate, ao haisa, ao inja, ao ndumbu, ao kukua, ao epanga? ³⁶ Sinde basai ne: ande ngaao angise ababasomaa a kua, bosolega nde sinda bamboli nde babondeligi gal'anka. ³⁷ Che aindo bhuu besingani kpee teisila la angabhe ai meno aasokondi. ³⁸ Ngaa neubha domi-domi sinde nde abe kua, abe balabe-li, abe bamangese abe boti nda na leengo oni, abe ema nda ndiende abe ema nde ama bhia, ³⁹ abe ekanda nda tii, abe yonga nda negoo, abe yonga nda asuba dodo, abe emasina inde aya telekani inda amasobua n'ekondi nda Mokonga inde ahangi'ani angasu teisilia la anga Yeso Kilisito Mokama nde msu.