¹ Ano bosi nde, badhami, nga neyonga nde na bande baubha nkani biande nkani-li aja na ekanda anga moo-li kesi ahaonea? ² Nange-li ndo, nke-li nnda nga doa munyae naha onea, che abe moo-li aku, aedhusa a nkani nde ai antulanisa na munyae. ³ Beyonge te, mmbe anamoo, ababandunga na matoo, bankoga mande bate mosingili; che abe moo-li naku, nnda gomba nga nnda nde mosingili a ika na moo matoo. ⁴ Nga indo, badhami, na benu boji baku a nkani ateisila la ngobha a Kilisito; nga boje anga matoo mmbe a jujui toa langa baku nga bebote mboo anja nda Mokonga. ⁵ Nga mbeno nde bei asuba ngobho, ekanda la nkani-li ai abhisila angasu bodjede kidila la gubha la kukua ⁶ Che mbeno nde, betoi asuba nkani, nga bekuli nkani nde adhuma asoboigi nde nga benkdele asuba meema la mmbe mandiende makanga bia nsaeo nde aye meno a lendi. ⁷ M'pa beyonge boni? Nkani-li ande bodjede? Dholo awa! Che neubhi bodjede nde nga nkani. Nana nndagai neubha keneaga abe nkani nndagai we: okenea-i go mande. V 8 Kanga ambisa, kenea-li aboti asubami bodjede nga nanda-i nkani bodjede-li aku. ⁹ Angami, makanga nkani, ai-neweli: che mbeno nde nkani-li abhii ne, bodjede aba boteana, na eme aba nekua. ¹⁰ Na nga indo, nkani aja la ibeli angami agesa yeli akua. ¹¹ Nga a mbeno a bodjede-li, nkani-li amobhisili elema na ngae neji nku. ¹² Beyonge te nkani a abhu, na maano a abhu, domi na anja. ¹³ M'pa indanga angami abhisi kua? nnda bo! Che ande bodjede, aoneane bia bodjede, atoleli ajise kua asubami abhilia ahe nde aanja, na aji majede kpee nga nkani na maano. ¹⁴ Nga indo, beubha biande nkani ande meema abhu, che eme nende nyama nde basobhisa a bodjede. ¹⁵ Nga nnda nuubha inde nekda: nnda ne kola inde ne sunjili, na nekola inde ne komi ¹⁶ M'pa abe nekola inde nnda nekondi, neubhisiliwa biande nkani-li aanja. ¹⁷ M'pa nndae gonde eme mmbe akola, che ande bodjede nde asuba-mi. ¹⁸ Inde anja, neubha, nnda iki asuba-mi, beyonge te nyama-mi: ne kondi, che ekanda nnda be a kola la bonja. ¹⁹ Nga nnda nekola bonja nde nekondi, na ne kola bodjede nde nnda ne kondi. ²⁰ Na abe nanekola inde nnda nekondi, nnda eme yeu go nekola, ande bodjede nd aiki asuba-mi. ²¹ Neoni subami nkani: mbeno nde nekaba nte nekole bonja, bodjede abamodatea. ²² Nga nedhungi bia ndele-ndele nkani nda Mokonga, bia moo subae; ²³ Che neoni a suba-mi nkani atoo, inde a manisa nkani anja inda subami, na amojisi ne te asuba booki a nkani la bodjede inde a landi a ngobho ami. ²⁴ Boanya-mi! mani amamodhusa suba ngobho a kua nde?... ²⁵ Ebhibho ansianele Mokonga anga Moame Yeso Kilisito!... Nga indo m'pa, eme nganga nende mokobe la nkani nda Mokonga, na nende mokobe la jambi nga ngobho.