¹ Beyonge gonde iboni? beike gonde asuba bodjedeli angaa lokoo nda Mokonga adje atii? ² Ama kanga! Besu nde beku anga bodjede, beangama beika go asuba bodjede boni? ³ Bosi sinde besu nde bei baso ndiisi asuba Yeso Kilisito, ande asuba kua lae yeu bai basondisi au? ⁴ Bei beku nde Naye ankindi teisila la lobatiso a kua lae, angaa, sinde linde Kilisito adjudjui toala kua a kala Abhae, na besu betamba nde asuba onea inda sesene. ⁵ Ange lindo, aba na beetii mee moti naiye ateisila la kua lae, beuma beika go ande bo a mbeno a djudjua lae a kuali. ⁶ Nabe ubha yonga nde nuno nde maikalaa akua na Yeso Kilisito, anga ngobho a bodjede asie, anga bengai bakobe abodjede. ⁷ Anga imbe aku inda na bodjede. ⁸ Che, abe na beku na Yeso, beaka bete amabeika ampuu moti. ⁹ Nabeubha siana la Yeso atoa la kua inda kua go; kua-li inda go na bhoti angae. ¹⁰ Nga aku, che akuli nde bodjede asu mala moti aindo bhuu; adjudjui toa la suba kua-li, na angeli ndo ndo Mokonga abeli. ¹¹ Sinde linde benu, bolenge biande bokunde abodjede na bande babeli anga Mokonga na Yeso Kilisito. ¹² Bodjede-li aikai angabho akua na bobaemeai sei a bodjede. ¹³ Bodoleanai ngobhoanu abodjede, sina ema nde inda toleli, che, bobhe na Mokongoa, bei bande baibe suba kua na bogambe ngobhoanu anga Mokonga bia ema a salia. ¹⁴ Anga bodjede indana bosiki anganu, nga bonde a salia, che asuba lokoo. ¹⁵ Emasina ani! anga bekola bodjede angama inda be asuba salia, che suba lokoo? Iisi! ¹⁶ Inda boubha sindelinde nayooebhisi a bokobe la into lebe, onde kobe-li mae, nange bodjede akidisa a salia! ¹⁷ Che ebhebho asianele Mokonga, tabhusa anja la mokobe a bodjede, bosikisi ameemanu nkani nde banohangii. ¹⁸ Toa aboekidanga a bodjede, benji ba kobe la salia. ¹⁹ Neyonga nde bia bato, anga bola la ekanda angobhoanu. Nango bogabhi ngobhoanu a bokobe a inde nda toleli na ema adjede, che sesene ndeani bogabhe ngobhoanu a ekobe a salia na bokedi angobho abhu. ²⁰ Nga, ndabhi nde boinde Bakobe la bodjede, boinde dholo la salia ²¹ Ema sina bobhianee? Nga a sungia la eman nde, ande kua. ²² Che andambi nde, boekodigi angoli la badjede na bonji bakobe nde ba Mokonga, bona ema nde a bhumani na sungia la heuma la meyo na meyo. V 23 Nga boembo la bodjede-li ande kua; che boembo'a bhosa nda Mokonga, ande njalabhe meyo na meyo anga Yeso Kilisito Mokonga nde masu.