¹ Badhami, sunja inamo a meema-mi na mema namo anga Mokonga angaa-bo, ande inte balame. ² Nena bodhemu anga-bo inte bana mohuo aubha la Mokonga, che amakanga boenge: ³ inda baubha domi nda Mokonga, na bakaba nde meisa-la domi nda-bo, indaga basikisi domi nda Mokonga; ⁴ ngaa Kilisito ande sungila la nkani, anga lamisa-la bande balebei Yeso. ⁵ Angelindo, Mosa ahangiani domi inde atoa nkani-li bende: imbe akola yonga nde ama aba beli teisila la nkani nde. ⁶ Che bolenge sinde domi nde atoa alebela Yeso: Oyonga ameemao: Maani amakida na kobha? Ande kindisa-la Kilisito toa-la na kobha; ⁷ Ao: Mani a dhidha uma na bhota? Ande daisa-la Yeso toa-la nga baku. ⁸ Impa bayongi nde boni? Yonga-li mbo abhilao, asuba nyo-ao na a meemao. Impa ande yongala lebea, inde betomia nde. ⁹ Noyo lebei anyo-ao Mokama Yeso, na noyo lebei asuba meemao sinde Mokonga ai ajujui toa-la nga baku, omo lama. ¹⁰ Angaa toa-la lebea suba meemao akida-a domi, na noyo lebei anyo obokida a lama, sinde nsaoli ayongi: ¹¹ Imbe anebei inda mahela. ¹² Inda ani mawani na matoo, angalindo, ameeme'a bayuda na bagiliki, angaama bobhu bana Mokonga anga bande banakela bobhu. ¹³ Angaa into sina imbe auma anakela auma alama. ¹⁴ Beuma benakela boni imbe nda benebei? Na auma benebea boni imbe nda beoki adha mbino-ae? Na auma beoka adha mbino ae boni, tomi;la mbino-ae? ¹⁵ Na batomii mbino-ae auma booneane boni? Na ndaga baetei? sinde basai ne: Sinde ana bonja egola bande batomia jeje. Bande batomia mbino anja? ¹⁶ Che bobhu indai balebei mbino anja inda Yeso. Na Isaya ayongi: Mokama, mani yeu ai a lebei mbino ndaasu? ¹⁷ Aindo lebeali atoa nde ainde into aoka, na inde yeli aoka atoa nde ayonga inda Kilisito. ¹⁸ Impa neyongi; Inda ai baoki? A tiali! Molenge'abo akidi aleengoli bhuu, na yonga indabo akidi a sungila la leengo. ¹⁹ I;pa negii bende: Isilaeli indai bamoni? Mosa akengetisa ayongi: Ne jujusa uma bosa anganu anga mbe ndande mbaa, neuma ne jujusa boetani anu teisila la mbaa inde ndana la boenge. ²⁰ Na Isya adaisi yongali ate: Ne one ani isua-bande indai bamokabigi, neehangiani anga bande indai bamokogi. ²¹ Impa angaa Isilaeli ayongi: Ne kakii njagami anga bato bande nda bamooka na batoa nganisa.