¹ Neyongi bende: Mokonga ae mai bato nde bae? Ama kanga! Angaa na eme nende muisilaeli, endua Abulahamu, keanda Benjamini. ² Mokonga inda aeboseli bato nde bae, bande ai aebhi akengetisa. Inda boubha inda esaeo-li ayongi anga Elia sinde ai ae sitaki ba Isilaeli anga Mokonga: ³ Mokama, bande bai baeoli bakobe nde bao, baibagboligi ndekele ndao, netigi eme nganga, na bakaba ola-lami? ⁴ Che Mokonga ai asisi nde boni? Nee bhisi angabo bato elufu sube-elalo, bande indai basikisi Baali. ⁵ Ndege ndiende abe hale abato, teisila la lokoo. ⁶ Impa, naye nde angaa lokoo, kesi inda ye nde angaa mobili inde nto akoli, kesi iwa lokoo inda yende lokoo. Na, naye go nde lokoo nede, atiali mobili inda go nde mobili nede. ⁷ Ema sina? Inde Isilaeli akabi, inda ai aoni, che sombola ai aoni, che bande batoo aiba kandisi meema ote ete, ⁸ Sinde basai ne: Mokonga ai aemoi meema akpee, ae iso abo inda baona, na etue inda baoka, kidala ndiende. Na Daudi ate: ⁹ Mesa ndabo abe booki angabo ibo nganga, ntala, mpuo atukala, na noba! ¹⁰ Imbwe iswabo aike elie angaba onai, na gongo'abo abaiki na gudumani! ¹¹ Neyongi bende: Ai nde anga bague yeu angisi baika ibo? Anga. Che angaa gualabo, lama aekidii bapagano, ngaa badjudjuse boso nda ba Isilaeli. ¹² Impa aba gua labo aji boumu ndo na leengo, na bhobho'a labo aji tondo nda bato kianda inda nde kpee lelealabo bobhu. ¹³ Neono ngodea benu bapagano: sinda ntetea nde mapagano ne bhebha mobili namo, ¹⁴ indo nde angaa, nanga toana, ne jujuse boso inde nduasu, anga bimoti adhabo balame. ¹⁵ Anga aba doala boai aji tulanisa la bato kianda impa sisianalabo nongo'a Mokonga nde mabo, mbeno kualabo? ¹⁶ Che, mososolo-li naya abhumani, boata-li bhuu abhumani, na aba miigili abhu, na thambili neyu abhumani. ¹⁷ Che anda n'tabhi moti nai batosi a tine-li, na aba owe imbe onde ntabhi'a mee nde badhusi na ndula, aibha baongisa nde mpuo, na aji na kala loala miigi kidala esabu'a muzeituni-li, ¹⁸ oobhebhai owe mbe onde ntabhi. Aba nongoo bhebha, oubhe sinde owe yeu undo kubhi miigi-li, che miigi-li yeu ao kubhi. ¹⁹ Ouma oyonga: inte ai badhusi ntabhili angaa eme neike mi iwa. ²⁰ Indo ande domi; ai badhusi ntabhi nde angaa kangana lebeala Mokonga, na owe, oiki wande anga lebea. Obai-ao na bookubhaga, che otee; ²¹ Anga abo Mokonga inaya li lii ndambi inda tine, indama ao lilia nede. ²² Olenge sinde bonja nda Mokonga na bokpe ndae: ekale apkee anga bande baagu, na bonja nda Mokonga angao, noyo obhedeli na meema bonja nde: na nda bo auma baodhusa. ²³ Na ibo aba nde ibo naye baadu meema nda bo inda bhona la Mokonga, auma basina a mee-li anga Mokonga ana kala asisalabo go. ²⁴ Aba owe, naibaodhusi nde a muzeituini nda ndula, na abaibaongisa anga muzeituni nde manja, ande domi ibo ama basiana angaa muzeituni nde mabo makalaa. ²⁵ Angaa indo nekondi, badhami nete boboselai yonga nde angaa boo onai sinde bonde baenge, boubhe sinde hale'sa aba Isilaeli-li bagu anga ngimana bapagano-li balame. ²⁶ Na ibo ngimana Isilaeli auma balama, sinde basai ne: Namisi-li amatoela uma nde a mamba'a Sioni, na auma adhusa bodjede inda endu'a Yakobo. ²⁷ Na auma bande nsaano namo naabo, Mbeno nde neuma ndedhusa bodjede ndaabo. ²⁸ Ai nde alengeleli mbino'a ngebe-li, ibo ba Isilaeli bande ba nongo angaa-nu, che ai nde alengeleli sombola, baekondi angaa ba abha-bo. ²⁹ Angaa Mokonga inda anga aegegisa a bodjede na a nkogo ndae. ³⁰ Sinde boiboiki kala amakanga sikisa la Mokonga na angaa kangana sikisa inda-bo bolami ndiende. ³¹ N'ibo inda bansikisi Mokonga, angaa, teisila la lilia nnda Mokonga angaa-nu, na ibo baone lilia nnda Mokonga. ³² Angaa Mokonga aenyangeli bato-li boobhu asuba kangana a sikisa, angaa aelilie bobhu. ³³ A bondaa a boti'a Mokonga, na a boenge na maako inda atii inda Mokonga! Sinde kalea ndae ind'abe inde akabanaga na ahe ndae into indanga aubha hele-hele! angaa, ³⁴ mani yeu ai aubhi maako la Mokama, ao mani ai adji n'hani nde mae? ³⁵ Mani ai an'hangia njaga mbee angaa niye amoe? ³⁶ Ande angae, na teisila langae, na ema-li bhuu abe nde angaae. Angaae boumu elie-li bhuu! Abebo!