¹ Nenongodea, badhasu, a ekondi nda Mokonga, boohahole ngobho'anu naha boonea na meema abobhu na anja, indo yeu ande bokobe nde atonganani. ² Na banolengeananisa-i na bande baleengo nde, che botie mako lanu nga boubhe kpee inde Mokonga asunjilia, inda anja, inde atonganani na ngenga. ³ Nga ngebe namo nde nenee, ne ngodea kila nto n'ongonu kanga aebhebhe nganga, che aekikise na boohohia na ubha gelebete Mokonga aya buili kila nto mako. ⁴ Nga, bia nde suba ngabho-li ana ntomo ati na biande ntomo-li nnda bheda mobili imoti, ⁵ na ngeli ndo, besu bande be bati, beji bimoti asuba Yeso, na bende ntomo bomoti anga badhasu. ⁶ Nga bena edado ntina-ntina, bia ngebe ai abhii angasu, abe bo anga mmbe ana edado la boisa asuba lebea; ⁷ mmbe bankogi a mobili adhungane na mobili; mmbe a golisisa a dhungane na golisia. ⁸ Na mmbe amema ememi mmbe agabha, akole bo na bonja; mmbe asondolisa akole bo na mohuo; mmbe alilia akole bo na bodjeme. ⁹ Ekondani abe be makanga lienge, Bokome bodjede-li bhuu, bodhunge lane a bonja. A ekondani, botumilile n'ekondi bimote anga batoo nga lokengo na bgese bosike-li mosa-mosa. ¹¹ Boba-i bakusi a mobili nda Mokonga, bebe na meema la boohahoa. ¹² Bobe na bodjeme asuba boosobela, bomenyele asuba mema la Mokonga nange bonobe esunga wani. ¹³ Naye bolua na bande ba meema abhu, asuba bungu ndabo, bobosela-i sesea la bagendo. ¹⁴ Bosulie bande bano nobisa, boosulie na boodjoma-i. ¹⁵ Bodjange ankindi na bande basuba bodjeme; bogame na bande baelilia. ¹⁶ Bobe na sei moti angalanu. Bogese meno mako lanu a ema atiti, che boolebele na bande baekikisa. Boodjisa-i baenge a isoo anu. ¹⁷ Boleisa-i bodjede antata bodjede. Bokabe inde aanja mosa la bat-li bobhu. ¹⁸ Abe natoana, bokabea bokolo na bato-li bobhu. ¹⁹ Boogisila-i benu nganga, badhami, che bodhaele nu; nga basaei bate: gisia-li ande inamo, eme yeu goe negisia-le, Mokonga yeu ayongi. ²⁰ Che abe nongo lao atati nnja, omoe inda lea, abe ehaha na m'bai, o;oe a noa; nga kola la ibo, ande gogea la kelembe-lembe a nsa a ntata moae. ²¹ Ootalokisa-ina bodjede, che obe nekanda a bhotoisa la bodjede asuba bonja na bowede.