1
Kela into anga ekikisa anga bahomi; ngaa ehomi-li bhuu atoa nde anga Mokonga, na Mokonga yeu ameisa ehomi-li bhuu.
2
Angelindo imbe okoma inda homi-li akoma nde inde Mokonga ameisi, na bande bokoma bakaba nde ekaleo labo ibo'a mene.
4
Inda nde aema anja, ande inda bodjedde, tea la balondisi. Oongo toa kangana tea la Mokonga? Okole bonja, nama aolebea. Nondisi-li ande mokobe nde ma Mokonga a bonja lao. Che noye okoli bodjede, otee; ngaa inda kubha epanga-li nde bosa, nande mokobe nde ma Mokonga agisia na beta la-bhe akali bodjede.
5
Ande bonja angambe aehohia, amakanga la ebhobho la balopkate, che a mako.
6
Ande ngai ndo yeu a'boleha ngemo. Angaa balondisi bande bantetea Mokonga bande bakola mobili ndo.
7
Kela into abe nande atoleli: ngemo angambe atoleli, ntua angambe atoleli ntua, ebhobho angambe ana ebho, bosike angambe anabosike.
8
Onjai na muunda nda into, che bokondane tondo benu ngaa imbe aekondi badhae a sikisi nkani.
9
Aindo, Mahano nda Mokonga: Indo omokola bonjini, indo omo oola, indo omo ouba, okondaga-i, na inde bhuu atulani a yonga moti: Omonkonda dhao sind'oweamene.
10
Ekondi-li inda na bodjede anga into: ekondi-li nde kola la nkani.
11
Inde atoleli a ndambi nde be aunde: ande ndambi'a djudjua, ngaa kalamo-li abhila-su kpee-la bheno nde bei belebee-li au.
V 12 Elie-li agee mosa, sa-la manili-li a bhi. Bedhuse angasu bodjede, na belole ema bobhu.
13
Betambe a bonja, bia etonge, dholo la boekubhaga na ekunda, sei a bake, emani na boso.
14
Che benole Mokonga nde masu Yeso Kilisito, na bobaemeai inde ngobho-li akaba ate okole.