¹ Bosesea imbe nnda ati asuba lebea na bobai naye aboaka. ² Imbe alebei kala eleali bhu na imboe kalae aede, alea nde loho loho. ³ Imbe alea inde abhonai imbe nda lea indoe, na imbe nda lea na yonga na imbe alea, ngaa Mokonga anebei. ⁴ Onde maani owe, owe imbe onkalea mokobe nde ma benene? Naye ame, ao naye agu, indo anengeleli Mokama menae. Che auma ama, angaa Mokonga ama kala meisa lae. ⁵ Lebe ate elie-li anyenani; lebe matoo ate bhulibhu ande imoti. Yeli abe a meemae inde alebei. V 6 Imbe alomia elie-li akola ibo nde angaa Mokama-li. Imbe alea, alea nde anga Mokama-li, angaa ansima Mokonga; imbe nda lea, ande anga Mokama-li yeu aangisa nandali, na iye ansima Mokonga. ⁷ Angeli ndo, indabe aonea lae iye nganga, na indabe imbe akua angae nganga. ⁸ Angaa aba na beonea, beonea nde angaa Mokama, na aba nabeku, bekua nde a Mokama-li. Abe na beonea, abe na bekua, bende ba Mokama. ⁹ Angaa Kilisito ai aku na adjudjui, indo nde angaa abe na kala anga bato nde baku na bande baonea. ¹⁰ Che owe, angemasina osoa dhao? ao owe, angee obhona dhao? Angaa besu bobhu beuma betesa a tilibinali inda Mokonga. V 11 Anga basai nde bende: Ne onea, agibo Mokama, moakuu bhuu auma agotoma mosa-lami, na edaa bhuu auma abhebha Mokonga. ¹² Angaa kela nto ama ahangiana mobili ndae mosala Mokonga iye nganga. ¹³ Besoanagaie bimoti na badhabo, che beake kola la ema nde indanga etanisa ndege ema nde anga ngusa. ¹⁴ Neubha na Mokama-li Yso a mohangii sinde inda beli ema adjede atelekana, na sinde anga mbe alebei ate aadjede. ¹⁵ Impa, aba nande ng'elea, oentanisi dhao, indo go tamba nde asub'ekondi: elea ndao aangisa-i, bungisa la nto nde Kilisito aku angae. ¹⁶ Boketaa ndao adjai bodjede. ¹⁷ Angaa eboame inda Mokonga, inda nde lea na noa, che ande domi, jejeli na bodjeme, teisila la Meema ind'Abhu. ¹⁸ Imbe akolela Kilisito ibo amanja anga Mokonga na bato bandebea. ¹⁹ Impaee, bekabege inde a toleli a jejeli na ahiana meeme asu. ²⁰ Angaa elea, okobhisai mobili nda Mokonga. A suba domi-li ema-li bhuu aabhu, che aadjede anga nto, naye ali, djala ema nde aetanisa. ²¹ Aanja kangana lea la nyama, noa la makana, na koma inde anga etanisa dhao, adjede, inde anga angisa asiana mbusa. ²² Lebea ndo onee ndo, obhedeleo ondo mosala Mokonga. Ana bodjede imbe meema aabhu na inda na bodjede ainde akola! ²³ Che imbe aima ainde alea inda maja, anga kola asuba lebea nde a meemae. Inde ntoli akola naanda atoi asubae ande bodjede.