¹ Bende beyonga nde boni m'pa anga Abulahamu abhaa su? Mbeno ai alami nde ekoli angoloho? ² Aba Abulahamu ai alami nde ange ekolia ngobho, anga aebhebha, impa amakanga mosala Mokonga. ³ Impa esaeoli ayonga nde iboni? "Abulahamu ai anebei Mokonga na indo ai anamisi." ⁴ Che, angambe akoli mobili, ana baembo, amakanga sinda imbe bamoi abosa, che sinda boembo. ⁵ Na angambe nda koli mobili, che anebei imbe aelamisa bande badjede, lebealae Yeso anamisi. ⁶ Na Daudi ahangiani bodjede nda nto nde Mokonga atangela lama ama kanga teisila la mobili'a ngobho. ⁷ "Bana bodjeme bande inda baetangela bodjede ndabo na bodjede ndabo bayongeli. ⁸ Ama bodjeme into nde Mokonga inda antangela bodjede". ⁹ Bodjeme nde ande anga bande bagu ganja, ao akidi na anga bande inda bagu ganja? Anga beyongi bete Abulahamu alami nde angaa lebea la Mokonga. ¹⁰ Impa aya alami nde boni? Ai alami nde mosala gua la ganja? Ai naa gu mbe ganja, ai na nde molio! ¹¹ Na abai a tiga na ngolo'a gua la ganja, sinda mbunde la domi inde aine teisila la lebeala Mokonga mbeno nde ai na a gu mbe ganja, angaa adjede abha bobhu bande bagu mbe ganja, angaa adje abha bobhu bande bagumbe ganja bande banebei Yeso, anga balame na ibo. ¹² Na abha bande bagu ganja, na inda bagu nde ganja bosa, che angaama Abulahamu ande abha bande batambaa lebeala Mokonga na iye ai nde abha bande bagu mbe ganja. ¹³ Asungila, inda nde teisila la nkani yeu aingesi abai babeela Abulahamu leengoli ngima na anga banae, ande anga lama nde atoa a lebea la Yeso ¹⁴ Impa, aba nande angaa nkani yeu angisa bana Abulahamu batiga na moondo nde, lebeali ande bosa, na beelali aku. ¹⁵ Angaa nkani abhisa boetani, na ama nkani inda leo inda be bodjede. ¹⁶ Angaa indo baamena mondo nde baiki bonde anga lebea la Mokonga, anga adje nde teisila la lokoo, anga beela nde akide anga bande auma baboteana elie nde abhia, ama kanga anga bande basuba nkani basunga, che naanga bana lebeanda Abulahamu, abha bobhu, sinde basai ne, " ¹⁷ Nei noomeisi sinda abha keanda atii." Ande abhasu mosala imbe ai anebei Mokonga, imbe aemoa onea baku na imbe akoga ema nde indabe sinda ema nde ameno aiki. ¹⁸ Na eketili beela atatea bookela bhuu, aya lebei, naa indo abai aja abha mbao angaya, teisila sinde anuni ne, angaa aina kelemo tia eyena moti na Sara nkae ai naye ateisi elie la bake nde angana babota. ²⁰ Indai aimaga asuba lebeala Mokonga na lengeleli kpee beela inda Mokonga ; che ana moa Mokonga ebhebho. ²¹ Na ubha sinde Mokonga angakola domi inde ai abeeli. ²² Anga indo abai batangela bonja. ²³ Inda nde angae iya meene yeu ai batangeli bonja. ²⁴ Nande angaasu nabesu, na anga mani auma basunjila inde, angaasu besu nde benebei imbe ayi adjudjui akua Yeso Kilisito Mokonga nde masu. ²⁵ Ime ai ba mobisi angaa bodjede nda su na abayi djudjusa toala kua anga belame.