¹ Impa awani faida a bayuda ao awani faida agua la ganja? ² Ande domi aheli bhuu, na akengetisa sinde yonga nda Mokonga ainde indaabo. ³ Impa ema sina! abe adhabo nandai balebei, kangana lebealabo anga ntia Mokonga? ⁴ Dholo'a indo! Che Mokonga, aubhiane sinde ande maadomi, na batoa mbea sinde basai nee: " Angaa obe ma-a domi asuba yonga ndao, na anga osingane kpee bheno nde bangaba na yonga angao". ⁵ Che abo bodjede ndasu ameisa domi inda Mokongo, beyonge boni? Mokonga inda maa domi naye ahangiana boetani ae? (neyonga sinda bato bayonga ne.) ⁶ Dhalo awa! inka boni Mokonga aekalea mande bato nde bana leengo? ⁷ Na naye ande, teisila la mbea inamo, domi nda Mokonga aehangiana go kpee anga boti ndae, ange ema sina eme nganga bamokakea sinda into madjede? ⁸ Na imppa ange masina bekolai bodjede; sinde bimoti, basongea ne, bate mbeno beyonga nde ibo? Ekale inda bande ande domi. ⁹ Ema sina! Impa betonganani kpee? Inda be. Anga behangiani kala sinde bobhu, Bayuda na Bagiliki, bande suba dodjede. ¹⁰ Sinda basai ne: " Inda be into domi ndegebe moti; ¹¹ Inda imbe ana maako, indabe imbe ankabaga Mokonga; bobhu bahali, bobhu babungi. ¹² Inda angabo moti imbe akola bonja, ndege mbee moti". ¹³ " Iso'a moyo'abo ande bhota inde aukuani; bayonga edaalabo mdea, babhisi asuba nyoabo nde gbakiki'a njoa." ¹⁴ Nyoobo atumi nde na djomo na bodhia." ¹⁵ "Banego nende ahumani adua la n'sangi. ¹⁶ Asuba ahe ind'abo aunde gbola na boanya. ¹⁷ Inda baubha ahe la djedje." ¹⁸ Inda'a iso'abo sikisa la Mokonga." ¹⁹ Impa, beubha sinde nkani nda Mokonga ayonga ne, ayonga nde anga bande baiki asuba baema la nkani inda Mokonga, ngaa beedhaise bato, na batoli bobhu baubhe sinde inda bana yonga mosala Mokonga. ²⁰ Anga inda be into imbe amalama akolisa la nkani nnda Mokonga, angama nkani teisila la nkani nda Mokonga yeu aangisi bato baubha bodjede. ²¹ Impa ndiende, domi inda Mokonga aehangiani ama kanga teisila la nkani inda Mokonga, impa nkani nnda Mokonga na baubhili nde ba Mokonga ande badhemu ayonga nde. ²² domi Mokonga teisila lebea la Yeso Kilisito anga bobhu bande balebei. Ind'ani tonda, ²³ anga bobhu aiba koli bodjede na bande dholo'a ebhobho nda Mokonga, ²⁴ na lokoo ndae yeu aelamisa, teisila la ngoda la bodjede nde asuba Yeso Kilisito. ²⁵ Iye yeu Mokonga ai abhisi, teisila la n'sang'iae abe etulanisi teisila la lebea lae, angaa ahangiane domi ndae anga yongela la bodjede inde babekoli kalan ²⁶ asuba kokela la meema inda Mokonga. Ahangiana la suba domi ndae mbeno nde angaa abe imbe aetangela bato bonja bande banebei Yeso. ²⁷ Impa boobhebha ande wani? Baantili na nsege. A nkani sina? Ekoli? Anga! Che ahela nkani lebeali ²⁸ Angaama beaka bete into alama teisila lebea la Yeso, amakanga mobili'a nkani. ²⁹ Ao Mokonga aande mbea bayuda ababhuli? Inda nde go Mokonga nde ma bapagano? Eeh, ande go ma bapagano, ³⁰ Angaama abe Mokonga moti, imbe ama aelamisa teisila la lebea la Yeso bande bagu ganja, na bande nda bamoni mokumo teisila la lebea la Yeso. ³¹ Bedongolela nde nkani nda Mokonga teisila la lebea la Yeso? Amakanga! Che bemeisa mpa nde nkani-li.