¹ Owe n'to obe mani, onde n'to nde iinde onga ba yongela nga naye oekaleaga ba ndao, oekalea owe amene nga okiokola ande ema imoti na ibo. ² Ago beubha galabe nde kaleaga nda Mokonga aweli anga bande baekalea ba ndabo. ³ Owe n'to oaki ote oumo etosa a kaleaga nda Mokonga, nga oekaleaga lea bande bakola yonga ndo? ⁴ obhona nde boti nda bonja lae, iindo umba ga bende boki nda Mokonga aosaidia a tubua? ⁵ Amidila nda meemao ndo indo ubha galabende osoloma nde eekoni nda Mokonga aelie dha sungia-li. ⁶ ibhe auma len'ha kela n'to a sinda nde ai akoli ne mobili ndae. ⁷ aebhisila bande ba lebhi akola la hele, bande ba kaba boumu, boki na bochweka. ⁸ Na boetani anga bande bana esani, bande bakola ejabhi. ⁹ Na nobisa la meema bande baekolela bayuda na ba Giliki. ¹⁰ Boumu, na boti anga n'kela n'to aekole la bayuda na ba Giliki bonja. ¹¹ Nga mosala Mokonga inda be lebea la n'to. ¹² Bande bobhu aibakoli bodjede kanga mahano auma bahela aendi go kanga mahano, na bobhu ai bande bakoli bodjede ama baekoga na mahano. ¹³ Inda nde bande baoka mahano-li yeu batonganani mosa la Mokonga, che ande bande bakolisa yeu ama baeyongela. ¹⁴ Ndabhi nde bato'a bodjede bande inda ga bana mahano bakola inde mahanoli asoi ibo ande mahanoli a m'puo ndabo ibo baa mene. ¹⁵ Ba hangiana biande mobili a mahano-li ba sai asuba meema-bo, alebea domi domi, na maako labo ae kalea ao ae yongela moti moti. ¹⁶ Ande inde auma hobela elie ndo, sinde nde Edjili namo ayongi ne, Mokonga auma aekalea teisila Yeso Kilisito, mobili nde bakoli aiba kola asuba boesomani. ¹⁷ Owe nde oeya ina bayuda, na boosobeli mahano na bobhebhela-la Mokonga, ¹⁸ ani aubha domi ndae, na djemela yonga nda anja inde atoa asuba mahana; ¹⁹ owe mbe oeya njala sondi nde ma bande inda balenga, bobhu nda bande baiki asuba elie, ²⁰ ngolisi nde ma baoli, homi nde ma bande inda baubha ema, ngama aona mahano asuba nkani a domi inde bogola; ²¹ owe imbe m'pa oogolisa bande batoo, indo oogolisa ow'amene! owe mbe ohana te n'to aubai, nauobha go? ²² Owe mbe okaisa kabala nka banene, nookaba go! owe mbe ookomi baketi ouba go neendu'a Mokonga? ²³ Owe mbe obhebhela mahano, obhona go Mokonga aunjisa la mahano-li? ²⁴ Angala bakoli bodjede ba hoti ina Mokonga ngaanu sinde basaine. ²⁵ Guala ganja aanja, noye okolisi mahano-li; che noye oudjisi mahano-li guala ganja inda ema. ²⁶ M'pa bande inda bagu baganja naba sikisi mahano-li, kangana gualabo ganja-nde inda nga dja biande bagu ganja? ²⁷ Imbe agumbe meno ganja, na asikisi mahano-li, inda aokalia uma, owe mbe ona loba la mahano-li nogu ganja noo udjisa go? ²⁸ Muyuda-li, inda imbe a neeansenge; na guala ganja-li inda imbe anee angabho. ²⁹ Che Muyuda-li, ande imbe maasubi; na guala ganja-li, ande inda meema, toala maako na kanga toala a loba. Ebhebho nda Muyuda-nde inda toa nde anga bato, che anga Mokonga.