¹ Mokomela motuke mo mbai la luingomba la Salade denga samba dinge yasi ongo moto odjéi la midili sambo ma mwengéi mpe la minioto sambo yewi otomu wowe okokanesaka ate odjéi moto mokalake kaiko ogbala gala. ² Kengela wabatela wango wahingi okpa yeniti misala ma owe olamu liwoso la Engali. ³ Yanduela ate nda ndenge edjwali owe mpe nda ndenge ookali owe batela mpe bongola motema mowe inga otiya kengele ekodja etiewa nda tango okodja mbai di owe. ⁴ Sikadjo ongo la moki mowe mo Salade odjéi la pele djinge iya bbesali isidjè wahu wosomba la mbai ebete ekikima la isidjè ebubake la wadjéi wato wasoolo. ⁵ Ongo okolonga akokpala isidjè ibubake yolongose kombo eende la buku enge emokalo ikoasa kombo ende liwoso la wawa la tuke djande. ⁶ Ongo odjéi la iokeli aoke sambo djinge ikoasaka modili la mangomba! ⁷ Mokomela motuke mo mbai la lingomba la Filadelefi la mangomba denga djoi yasi moto oti la obe, moto o soolo ongo wiki lifungola la Dawidi ongo oko dukolaka moto modikake ati inga koto adika moto moluholake ati. ⁸ yewi otumu wowe denga oteteli luhundu o mbai wewunganeli kombo e mbai ibati liwo laowe moluhe polele moto te mokikima ailonga odiki. ⁹ Denga yonekeli wango wadjéi wadjéi ongo la losambo lo Satana wango wakoasakate wadjéi wa Yuda kaiko wati iwo kasi wato wamoleho ikodja laino liwoso la iyamalelo wowe late wéwé ate mbai yo bali. ¹⁰ Late oiki piko la obateli luundu lo mbai mbai mpe iko batela owe tango enge ekotoma mbai omegemi la mokili mobimba la owadimesi wato wa mbume. ¹¹ Yo djaka sikasikadjo batela wungo odimi odjéi owela ino la weti moto atiopuese enge owe ikoti. ¹² Ongo okolonga yo mobata likule la ndako ewawa Mwengéi mpe atilumbakine aleeti yokoma adjende kombo e moki mo Engali Yesusaleme poli enge ekoayadjimbaka ologoi likolo pepene wengali mpe kombo ende poli ¹³ Ongo odjéi la iokeli aoke sambo ikoasaka modili la mungomba. ¹⁴ Mokomela motuke mombai la lingomba la Laodikia oka djoi djinge yasi ate edje djongo nda wasinde kesi solo molandesi oliwoso la okelami o mwengéi ¹⁵ Mbai yewi sambo djowe yewi ate oti misa mpe oti pio ekoki ate odje pio te misa. ¹⁶ Nda idjéi owe djongo oti pio otipe misa mbai iko otonola owe la monoko mombai. ¹⁷ Late owe wasi ate odjéi la okumake odjéi la ozwi mingi otila posa la ema te ekikima oyewite ate odjéi moto omagba welangaka te oyasombeli ema okpi maiso odjéi mpe likpekpele. ¹⁸ Ikohekeleke toli late osombe edjéi mbai wolo hungo wetali la misa mbuse eho hume moto mogumake late ligbegbele mpe maita wamunole la maiso late wene. ¹⁹ Mbai ikohekeleke itumba atie wato wango wakowabalaka mbai dja la huma mpe bongola motema mowe. ²⁰ Denga mbai yamali la moluhe mowe yobingaka. çnga moto aoka moli mombai mp adukola moluwe ikolingela adjéende mpe tolaka ilaka wapokwa iso lainde ebete ekikima. ²¹ Ongo okolonga tokoyabala iso lainde ebete ekikima la kwende e Mwengéi nda mbvai ilongali toabati iso la wawa ibete ekikima iso lainde. ²² Ongo odjéi la iokeli aoke sambo ikoasaka modili la mangomba.