¹ Mbuse eho, mbai idengakali yenia maluhe mwesi modukoania ongo likolo. Moli moliwoso mungo mokali mbai, nda moli mokelelo mokaosak la mbai tela aladjo, okowiniaka sambo ndjinge ikoma mbuse emasio mango mageleli. ² Mbala kikima yumia nda moto ongo olingeli la molimo, denga, yenia kiti esi okodi ongo likolo, mpe kati ekiti eho moto mwesi ayabatakali. ³ Moto ongo oyabatakali adjéi nda mabanga ma motuya kiti eho edjingamakali la monama belibelibeli. ⁴ Pembeni ekiti eho e okodi, yenia koto kiti tuku iwale la inei, kati kiti djao yenia mbange tuku iwale la inei wayabati la kiti djao wakpali isidjè ibubake, la mito mahu wakpali ikoti wa wolo. ⁵ Mikalikali mikumaka ongo la kiti eho e okodi mpe la meli ndenge la ndenge, matambe sambo malilaka liwoso la kiti okodi, minge midjéi milimo sambo ma Mwengéi. ⁶ Alete liwoso la kiti eho okodi yenia malia masungu madjéi nda mabukeli mamotio. Katikati ekiti eho okodi mpe pembeni eho, edjakali la winge idjéi la bomoi nda inei idjéi la maiso liwoso la mbuse. ⁷ Enge edjakali la okali eliwoso edjéi nda simba, enge ewale edjakali nda mana o moongu, enge esato edjakali nda moto o moki, ongo onei adjakali nda dio enge ekohumbwaka. ⁸ Winge idjéi la okali inei, idjéi la mapapu motoba motoba, wakoeneke ngambo tu mpe tee ndondo, wailembeke wasi moi likolo: mosato,mosato,mosato Mwengéi weti otetelake likolo la mbume,oago odjakali, ongo odjéi, mpe ongo okodja. ⁹ Winge idjéi la bomoi inei yohekeleke lokumu la sambo ndamu, ationgo wabati la kiti okodi mpe laongo odjéi la masio madjangi osuki. ¹⁰ Djing mbange tuku iwale la inei wofukamaka liwoso la kiti e okodi, wamosambelaka ongo osdjéi la masio ma djangi kpoo, waolumbaka ikoti wahu liwoso la kiti okodi mpe wakoasaka. ¹¹ Owe okoki solo, la lokumu la makasi Mwengéi, Engali wasu, la owe okelali iho kpàa, la kandela owe, winge wikelami lowe.