¹ Koma madingo edjéi motuke mo mbai mo Efeso denga sambo yaasi moto ongo oneli midjotro sambo la ewo ende elilomi ongo okosombaka kati iyamalelo wa matambe sambo ma wolo. ² Yewi sambo yowe la misala mowe mpe okandi wowe motema yewi ate otiwakandelaka wato wabe motema la owamekeli wato wango wakoasaka te wadjéi tuke dja Mwengéi kasi wati wasali wa Engali oweni tuu wato wamolewo. ³ Okandi motema kati e minioko la tina ekombo e mbai inge itiwunganeli owe mbai. ⁴ Kasi sambo djinge iweni mbai obe saate ndenge enge e deeli owe numa wungo wowe oliwoso liwoso bungo ondimali owe. ⁵ Kanesa ebete enge egbali owe bongola motema mowe mpe wongwela misala maowe mapoo inga wekele djongo ikodja ilogwese lotambi lowe ibete edjakali wuwo kasi inga obongola motema ekodja olamu. ⁶ Denga ema enge edjéi owe laewo enge ema etibalaka owe ate watiokodje sambo djinge mpe ikotonaka mbai. ⁷ Ongo odjéi la matoi aoke sqambo djinge ikwasaka modili la mangomba ongo okolonga yo mohekele mote mungo modjéi la bomoi late alake kati Paladiso e mwengéi. ⁸ Mokomela motuke mombai la lingomba la Simoluna denga sambo yaasi moto oliwoso mpe o mbuse ongo ogbaali mpe awongoiya la bomoi. ⁹ Yewi minioko mawe mpe odjanga wowe toongo odjéi owe moto mo gumake otimianesi wato wango wakoasaka te wadjéi wa Yuda djokande wati wa Yuda kasi wa djéinde masambo ma Satana. ¹⁰ Wewangake laongo ekoniokwama owe denga Zabulu akowahelesa weti wato la boloko late ino omekeneni mpe ino okoniokwamani masio liomu amala gbi tee la logo mbuse ino ikonekele ikoti emokalo. ¹¹ Ongo odjéi la matoi aoke djinge sambo ikoasaka modili la mangomba ongo okolonga atiniokwama la logo wungo owale. ¹² Mokomela motuke mo mbai molingomba la Pelegame oka sambo djinge yasi moto ongo odjéi la ewuni enge ewoti ngambo tu yale mokonga. ¹³ Mbai yewi ebete enge ekoyabataka owe yewi ate odjéi yabatelo e Satana kasi obateli kombo embai mpe wehunganali mbai kati odimi tee la masio mango ma Antipas keesi o mbai ongo omolali ino ango okoyabataka Djabolo. ¹⁴ Kasi idjéi la sambo epasi owe odjéi la wato wango wadimi Molakisi ma Balama ongo omotomakate Balaka abate libanga likpake liwosa la wana wa Isalahele late walake nama djinge ikolaka iwo la sisa late wakele oseka. ¹⁵ Denge kikima la owe odjéi la wato wango wabaliti otiki mango malakesi ma wakodjake wato. ¹⁶ Inga otibongole motema mowe ikodjaka sikasikadjo osani la owe la mogonga mungo moko umaka la monoko mo mbai. ¹⁷ Moto ongo odjéi la matoi aoke sambo djinge ikoasaka modili la manomba ongo okolonga yo mohekele okoke wungo wisi mbai yo mohekele modjelo mobubake kati emungo modjelo ekomami la kombo poli enge ewiti moto te mokikima kasi djoongo odjwi nde wewi kombo eho. ¹⁸ Mokome motuke mo mbai la lingomba la Tiatire ooka ndenge asi mana we Engali ongo odjéi la maiso nda ligbagba la misa maolo nda luumbe la misa likololaka makasi. ¹⁹ Yewi sambo djowe mwemu mowe odimi wowe odjéi gbi la misala mowe wongi wowe mpe misala mawe gbi weti mango ma liwoso. ²⁰ Kasi sambo djinge iweni mbai obe okomotikaka ate moli nde Zezabele ate aume mosakoli mpe otie late awasenginie wasali wa mbai late wakele oseka mpe olaki nama djinge ikolaka iwo la sisa. ²¹ Mbai imohekelui tango late ayasosole la motema monde abaliti ate alongoe la oseka wonde. ²² Denga ikomolumba la kpenge yo motomela mpe minioko ndenge la ndenge la wango wokelate oseka lainde dinga adja sosola kati e otomu waselaka inde. ²³ Ikowaola kekele djande kpàa wakoewa ate mbai moto okohekeleke owoti mpe mitema mahu ikofuta moto la moto la misala mande. ²⁴ Owe la wango wadjéi ongo la moki mo Tiatire ino wango wadimiti ma malakesi ino wa waewiti olindake o Satana nda oko wawelaka inde iwaselini djo yo bakeseliniti metimikpali. ²⁵ Di minge midjéino la maho tée huse okodja mbai. ²⁶ La ongo okolonga mpe okobatela otumu wonde tee kpoo iko mohekele okodi o mokili mobimba o ikolo kpàa. ²⁷ Akowasombesa la djadjaka dja ebende nda okobubukaa iwo teni la mbai amene odjwi okodi edje wawa inde amene. ²⁸ Mbai ikomohekele monioto moboo. ²⁹ Ongo odjéi la matoi aoke sambo djinge yaasi la mangomba.