¹ Yenia likolo liholi mbume poli, ongo elamwali likolo linge la liwoso la mbume jinge dja liwoso, malia mango masungu malamoia. ² Yenia olongoi ongo likolo ati emwengéi, moki mosatu, yelusalme moholi, ongo omowongeleli iwo nda moli mwesi ongo oyamongeli latina e molome wonde. ³ Yokia ongo la ebete e okondji wasia: denda ebete eabatake e Mwengéi la wato akoyabata laiwo, wakodja wato wande, Mwengéi inde amene akodja laiwo. ⁴ Akohuhola malia ma maio mau kpàa, logo lotidjaikine, etale e onyokwami etidja ikine, la ebili ende sambo dja liwoso ilamoika. ⁵ Ongo oyabatakali la nkiti e okondji asia: denda ikokelaka sambo kpàa poli. Asia koto: dinga, la ebili ende dji sambo idjéi dja mene mene. ⁶ Asia la mbai: Ekelamia! mbai alipa la omega, moto o liwoo la mbuse. Ongo odjéi la ehoha ikomohalia ma omou, ma ofele. ⁷ Ongo okolonga akodjwa djinge sambo; ikodja Engakli wonde, inde akodja mana ombai. ⁸ Aseko la ibongu, wadjangi ondimi, la wato wa osoto, wakeli sambo mbe mbe, wango wakokelaka osoni, wasambeli wa ikeko, wato wa lokuta, ebete ewu ekodja ongo la misa, ongo einei logo lo wale. ⁹ Mwesi o wandjelu sambo wango waikakali teni sambo djinge itumi la malozi ambo mango magbo adjia, andjaselia ndjo: djaka, ikowoinia moli, moli omana o mene. ¹⁰ Akpalia mbai la elimo likolo la ngoba ndai sungu andjineia mbai moki mosantu, yelusaleme, ongo odili kakali olongoi ongo likolo atie Mwengéi, la kembo e Mwengéi. ¹¹ Ongengi wonde nda libanga la motuya, nda libanga linge lieti motuya. ¹² Olai wonde wodjeiaka wosungu adjali la milango liomu la miale, likolo la minge milango ndjongo wandjelu liomu la wale, la kombo ikomami, djinge dja mawota liomu la male ma wana wa isalaele. ¹³ Ngambo ekolongwaka liwusawuse milango misato, ngambpo e likolo milango misato, ngambo e midi milango misato, ngambo ekolangalaka moi milango misato. ¹⁴ Ndako enge edjali ongo la engumba edjali la miboko liomu la miale, likolo la minge miboko ndjongo nkombo liomu la iwale dja wayekoli wa mana omeme. ¹⁵ Ongo odjakali wasi la mbai adjakali la mokombe nda ema epimelake nda wolo, la opimi moki milango mande la witutu wande. ¹⁶ Moki muho modjali nda ma enge edjéi la witeni winei, olai wo moki wokokanali la wokwe. Apimia moki la mokombe, adjwia wipimo koto liomu la iwale; wolai, okwe la ango awodja ikokanali. ¹⁷ Apimia etutu, adjwia wipimo kama la tuku inei, epimo e moto enge edjali e andjelu. ¹⁸ Ndako eho wakeliaka la ema eweli iwo ate Jaspe, moki modjali mo wolo mokwania la ema eweli io ate verre. ¹⁹ Miboko ma enge ndako ndjongo emoki miwongesamali la mabanga ma motuya ma ndenge kpàa: moboko mungo mo liwoso modjali la ema eweli iwo ate Jaspe, mungo mo wale modjali mosafili, mosato mo Callédoine mungo monei mo Emeraude. ²⁰ Mungo motano mo Sardonyx, mungo mo motoba mo Sardoine, mungo mo sambo mo Crysolithe, mungo mo mwambi mo Beryl, mungo libwa mo Topaze, mungo mo liomu mo Chrysoprase, mungo mo liomu la moikima mo D'hyacinthe, mungo mo liomu la iwale mo Amethyste. ²¹ Milango liomu la miale maho midjali la mabungeli ma motuya mpe ombeli wesi wesi adjakali la libungeli lyesil lyesi la motuya ebete eliwange lao edjakali la wolo olamu, nda kopo enge ekoeneneke ngambo kpàa. ²² Itieniaka kine molako ndondo e moki; la ebili ende Engali inde a,ene aumika molako inde amene, la mana omeme. ²³ Moki muho moidjali kine la mposa e moi posa e sandja la ongengesi moki, la ebili ende kembo e Mwengéi ekomongengeseke, mana o meme bendele ende. ²⁴ Miki kpàa mikosomba la ongengi wonde, makumu ma mbume makomoha nkembo djau. ²⁵ Milango mande mitilihama la moi, la ebili ende likolo litidja. ²⁶ Wakomoha nkembo okumu omiki kpàa. ²⁷ La moki muho ema ebe etilingela, la moto ongo okokelaka sambo dja osoto la lokuta; wango wakolingela ndi wango wadjéi la nkombo ongo la buku e mana omeme.