¹ Andjineia malia masungu ma mokalo mate la osoto madjéi nda Kisitale, mako pumbaka liwoso la kiti ekodji et Mwengéi mpe la mana okondolo. ² Ndondo e moki la ongo koto pembeni pembeni e malia mango masungu, edjali la mote mokikima mo omoi, mokowotaka mbuma mbala liomu la iwale, ohii mbuma ende sandja kpàa, ngasi dja mote muho idjali mosisa mokalesake wato. ³ Ema ebe etidja ikine. Okondji wo Engali la omana omeme wokodja ndondo e moki, wasali wande wakomosalela wakwene koto mbanda ende. ⁴ Nkombo ende ekodja la mbanda djau. Likolo litidja ikine, watidja kine la posa e Mwinda, la ebili ende Engali inde amene akowangengele. Wako kala ilanga la ilanga. ⁶ Asia la mbai: Dji sambo idjéi solo, Engali Mwengéi o milimo ma wasakoli, amotomia a,ndjelu woonde la owainei wasali wand sambo djinge ikuma ndjindjo. ⁷ Denda, igeleli ndindjo. Mwemu ongo okobatelaka sambo dja esakweli dja mu mokanda! ⁸ Mbai Yoane, ongo okali ongo koto weneli dji sambo. Ango eokiaka mbai eniaka mbai, ikwia la makolo ma andjelu ongo ondjiniakali djinge sambo, la omosambeli ⁹ Asia la mbai: otisambele mbai! idjéi mangwa o wotomu, ongo koto o wamangwa wasakoli, la wango wakobatelaka sambo dja ehele buku. Mosambela Ndjambe. ¹⁰ Asia la mbai: Otikande sambo dja esakweli dja ehele buku. La ebili ende ngonga ebelemia. ¹¹ Ongo okoyabebesaka ayabebese, moyengebeni akele oyengebeni wonde, ongo obali oyapetoli ayapetole aleti. ¹² SDenda, igeleli ndi ndjo, owongosi obe odjéi atie mbai, mpe omofuti moto la moto okokani la misala mikelali inde. ¹³ Idjéi ALipa Omega, moto oliwoso la ongo okosukesa. ¹⁴ Mwemu la wango wakokpoloko wisindjè wawu, la odjui mote mo omoi, la olingeli ongo la molako mo moki. ¹⁵ Ono saa mbua, wato wa osoto, wakeli sambo djinge mbe mbe, wasambeli wikeko, la wango wabali obuki lokuta! ¹⁶ Mbai Yesu, imotomia andjelu ombai la ate aweneseni dji sambo la mangomba idjéi ongo omolumiaka iwo moto o liwota la Dawidi, monoto mungo moko ngengeke boo. ¹⁷ Molimo la moli wasia: Djaka. Ongo okokaka ase: Djaka. Ongo odjéi la mposa adje, ongo obali atote malia ma omoi ma ofele. ¹⁸ Ikomwaselaka ongo okokaka sambo dja esakwelu dja ehele buku: Inga moto abaksa ema esi Engali akomobinga la malozi mango makomami la ehele buku. ¹⁹ Inga koto moto alongese ema esi sambo djinge idjéi la ehele buku e esakweli, Engali koto akomolongese ongo la mote mo omoi ongo koto la moki mosato, midingami la ehele buku. ²⁰ Ongo odji sambo asi ndjo, Ee, igeleli ndindjo. Amen! djaka Engali wosu Yesu! ²¹ Ngolu e Yesu eddje laino kpàa!