¹ Yenia odiliki ongo likolo andjelu, ongo oikakali lipungola lo ebete e logo la seni la ewo ende. ² Ahlia ndjo, ndjoenge egala, enge edjéi Satana, amokandia ilanga koto. ³ Amolumbia la ebete e logo, alihia abatia elembo la ebete enge elingelake, late atidjimbese kine wato, ndiango ekokokesama ilango koto. Mbuse ango wakomoluhola aleti. ⁴ Yenia koto ibete wao nkonsdji, la wango wayabatiaka min wawahekelia okondji osambesake. Yenia milimo ma wato wango waguali la omotatoli yesu mla loi lo Mwengéi, la wango watisambelakali nama la ema enge emokwi, wango watizwali wilombo la wilongi wau la mawo mau wawongoia la omoi, wakondjia la Kilisito wilanga koto. ⁵ Weti wango wagbali wati wongwali kine la omoi ndiango ekokpoka ilanga koto. Osusoi o wale wungo. ⁶ Mwemu ma wango wasuswali mbala eliwoso! logo lo wale loti la okondji ati ewu; wakondja wasaleli wa Engali la Kilisito, wakokala lainde ilanga koto. ⁷ Ango ekokoka ilanga koto, Satana akopumbala boloko ende. ⁸ Akopumba la owadjimbei wato wango wakwabataka mokili ndi gbo ndi gbo,goga la magoga, owabolei la osani, motuya mowu nda djelo ndja owale wungo osungu. ⁹ Watelia likolo la mbume, watumia la ebete ekwabataka wasantu misa mipumbia ongo likolo miwatumbia. ¹⁰ Satana, ogo owadjimbesakali, wamolumbia la misa ongo edjéi nama la mosakoli olokuta. Wakondjua minyoko moi likolo, ilanga la ilanga. ¹¹ Yenia ebete ekondji ebubake, la ongo oyabatakali likolo. Liko la mbume wilongoia la elongi ende, ebete eabatake etieneneli kine ati ewu. ¹² Iwenia wato wagwake wato wasungu wasungu la wato wakeke wakeke, wamaliaka liwoso la ebete e okondji.Buku iluhuania, buku enge eti buku e omoi. Wato wango wagbake wasambesamia okokani la miala mau, okokala sambo djinge idingiaka iwo ongo la djinge buku. ¹³ Malia mango masungu mawongolia wato wagbake wango wadjeiaka ongo ndondo emaho, logo lowongolia koto wato wagbake wango wadjali ongo yainde, moto mwesi mwesi asambesamia okokani la misala mande. ¹⁴ Logo lolumbamia ongo la misa. logo lo wale lungo, misa. ¹⁵ Moto ongo otidingiaka iwo kombo ende la buku e omoi wamolumbia la misa.