¹ M buse ango, yokia ongo lokolo nda okpomi wosungu owato ebele wokwasaka ndjo: Alleluia! okalesami kembo, nguya idje atie Engali/ ² La ebili ende wisambeselo wande widjéi olamu wikoki, ongo emosambesi inde moli ondumba ongo obebesakali mbume la ondumba wonde, amemelelia makila ma wasali wande amahuelia la ewo ende. ³ Wasia mbala ewale: Alleluia!... milungu mande mikotelaka ilanga la ilanga. ⁴ Mbange tuku iwale la inei wikelamo winge widjéi la omoi inei wamosembelia Mwengéi ongo wabati la okondji, wasia ndjo: Amen! Alleluia! ⁵ Woa wumia ongo ebete e okondji oasia ndjo: Modombani Engali wosu ino kpàa wasali wande ino wango wako mowangaka, wana la iloko wato! ⁶ Yokia koto nda okpomi o wato ngbi, nda witale wa malia, nda etale e ngombe sungu, oasi ndjo: Alleluia! la ebili ende Engali Mwengéi wosu alingelia la okondji wonde. ⁷ Toemeleni to dje la wemeli, tomohe koto kembo, la ebili ende elambo e mana omeme eumia, molionde ayawongeli. ⁸ Amohekelia esindjè enge ekongengeke, la ongengi wungo wolamu, esindjè eho elamu edjéi misala milamu ma wasantu. ⁹ Andjelu andjaselia: dinga:wemeliati ewango wawelami la elambo e mana omeme! andjaselia: Djii sambo idjéi sambo ndamu dja Engali. ¹⁰ Ikwia la makolo mande late iùosambele, asia la mbai ndjo: potisambele mbai! idjéi mangwa o wotomu, idjéi koto mangwa o wangwa wango wadjéi la matatoli ma Ysu. Mosambela Engali la ebili ende sambo dja Yesu idjéi molimo mo Esakweli. ¹¹ Yenia koto likolo liluhuania, yenia punda e langi bubake. Ongo oyabatakali likolo la punda nkombo ende sembo olamu, akosambesaka akosanaka koto la sembo. ¹² Maiso mande madjali nda misa, la moto monde wilmbo ngbii, adjeiaka koto la nkombo esi ekomiaka iwo moto twei atiewakali nkombo eho, ndinde amene. ¹³ Akpaliaka esindjè edjeiaka la makila, nkombo ende loi lo Engali. ¹⁴ Wasoda wango wandjéi ongo likolo wamotutiakali likolo la punda bubake, wakpali isindjè wibubake. ¹⁵ La monoko monde ewuni ewotake epumbakali, la obingi miki, akowabinga la pimbo e ebende.v 16 La esindjè ende la luli londe nkombo ekomiaka iwo: LIkumu la makumu Engali o wa Engali. ¹⁷ ImoeniakanAndjelu amali ongo la liwusawuse, akpomia la moli mwendjeke, wasi la mbulu kpàa ndjinge ikohumbwaka ongo likolo ndakani, yakokiani la elambo esungu e Mwengéi. ¹⁸ Late olakeni ndjini ndja wakondji, ndjini dja wakondji wa wasoda ndjini dja wato kpàa, waombo, wato wakeke wakeke la wango wasungu wasungu. ¹⁹ Yenia koto nama, la wakondji wa mbume, la wasoda wawu wayaboleiya late wasane la ongo oyabakali likolo la punda la wasoda wande. ²⁰ Yenia nama etotamia, lainde koto mosali olokuta, ongo okelakali liwoso lande wikamwiseli winge idjimbesakali inde wango watotali elembo e nama wango wasambelali ema enge emokwi wawalumbia iwo kpàa la omoi la misa. ²¹ Wango weti wagwia la ewuni enge empumbakali la monoko mongo oyabatakali likolo la punda, mbulu kpàa igbetia la ndjini ndjau.